Европа
„Германската економија стагнира, додека другите земји почнаа да растат“
Економијата на Германија оваа година ќе стагнира, по благиот пад во 2023 година, а закрепнувањето ќе биде послабо од очекуваното, покажуваат прогнозите на Институтот за економски истражувања (ifo).
„Германската економија е заглавена во криза, со негативно влијание и на економските и на структурните фактори. По падот од 0,3 отсто минатата година, ценовно прилагодениот бруто-домашен производ веројатно ќе стагнира оваа година“, наведува ifo во своите есенски прогнози..
„Индустриската активност и личната потрошувачка многу бавно излегуваат од стагнација“
Според нив, активноста треба да се зголеми за 0,9 отсто во 2025 година, а за 1,5 отсто во 2026 година, пресметаа тие. Во летниот извештај прогнозираа дека годинава ќе се зголеми за 0,4 отсто, а во 2025 година за 1,5 отсто.
„Спротивно на очекувањата, индустриската активност и личната потрошувачка многу бавно излегуваат од стагнација“, забележува институтот.
Извозниот бизнис се потпира на позитивните движења во светската економија, но компаниите веројатно ќе продолжат да бидат попречени од слабата конкурентност, сметаат тие.
„Ситуацијата е малку подобрена во текот на изминатите 12 месеци благодарение на пониските трошоци за енергија, но германските компании сè уште веруваат дека се во значително полоша позиција во конкуренција на европските и неевропските пазари отколку компаниите во другите европски земји“, наведува институтот.
Германската економија стагнира додека другите земји почнаа да растат, истакна економистот на ifo, Тимо Волмершаузер, припишувајќи ја стагнацијата на Германија на „структурната криза“.
Премалку е инвестирано во индустријата, а продуктивноста стагнира со години, рече Волмершаузер, обвинувајќи ја промената од индустријата во услужниот сектор.
Деловните модели се истовремено под притисок поради климатските промени, дигитализацијата, демографијата, пандемијата, цените на енергијата и новата улога на Кина во глобалната економија, додаде тој, издвојувајќи ја кризата во деловниот циклус што се манифестираше во слабата побарувачка и тенденцијата на граѓаните да штедат.
Невработеноста годинава треба да се зголеми на шест отсто, од 5,7 отсто во 2023. Во следната година би требало повторно благо да ослабне, прогнозираат тие.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Нова експлозија во центарот на Келн, втора за само неколку дена
Во градот Келн на западот на Германија денеска вторпат за само неколку дена одекна мала експлозија.
Експлозијата се случила околу 5 часот по локално време на улицата Еренштрасе во центарот на градот, соопшти полицијата. Експлозијата предизвикала пожар, но тој бргу бил изгаснат, соопшти полицијата. Од таму додадоа дека едно лице, кое се обидело да го изгасне пламенот, избегнало повреда и подоцна било сослушано како сведок, а никој друг не е повреден.
Aktueller #Einsatz
📍Im Bereich #Ehrenstraße gibt es einen #Polizeieinsatz
📍Wir sind mit vielen Einsatzkräften vor Ort und klären die Situation.
📍Wir sperren den Bereich.
❌Bitte meiden Sie großräumig den Bereich. Folgen Sie uns hier und auf Facebook für weitere Informationen pic.twitter.com/lWFeM7GsRf— Polizei NRW K (@polizei_nrw_k) September 18, 2024
Полицијата на социјалната мрежа „Икс“ објави дека е „на местото на настанот со голем контингент полицајци“ и дека „областа се затвора“. Граѓаните беа повикани да ја избегнуваат областа во близина на местото на експлозијата.
Европа
По разорниот циклон, кој ја поплави централна Европа, сега се закануваат лавини
Силниот циклон донесе катастрофални поплави во централна Европа, а беа погодени Австрија, Полска, Чешка, Словачка и делови од Унгарија. На некои локации наврнале над 400 литри дожд на квадратен метар.
Воедно, драстичниот пад на температурата донесе многу силно заладување, па на планините завеја снег.
Снежната линија се спушти на 1.000 метри надморска височина, а падна од 20 до 80 сантиметри снег, локално и повеќе, при што снегот беше проследен со урагански ветрови со брзина од 160 км/ч.
❄️ Il neige encore dans les Alpes autrichiennes ce lundi avec des congères dépassant les 2 mètres dans les stations, comme ici à Obertauern. Un épisode historique en septembre ! (© Hotel Alpenland) pic.twitter.com/A7j6drm74U
— Météo Express (@MeteoExpress) September 16, 2024
Најобилен снег падна на Алпите, особено на Алпите во јужна и западна Австрија, каде што локално на повисоките места наврнаа и до 2 метра снег.
Снегот ги изненади сите, во многу области два месеца порано, а пристигна по летото, кое никогаш не било потопло.
Инаку, снег над 3.000 метри надморска височина е можен и во лето, но ова лето на австриските Алпи над 3.000 метри е забележана низа од повеќе од 65 дена без снег, со температури во плус.
Силниот и обилен снег и снежната бура блокираа многу планински предели.
На Алпите сè уште паѓа снег, а бидејќи е многу влажен, лавините се закануваат во многу области.
Impressive snowline in the Austrian alps today as the weekend deluge (and huge snow dump) develops. pic.twitter.com/TB5Smize9F
— Dave Throup (@DaveThroup) September 13, 2024
Инаку, интересна е и многу острата линија помеѓу снегот и дождот, а оваа остра линија над Линц ја покажува и фотографијата споделена на социјалните мрежи.
Така, додека во долините на Алпите наврнаа повеќе од 200 литри дожд, заедно со поплавите, снегот вееше на над 1.000 метри.
Европа
Борис го напушти регионот над Унгарија и се упати кон југозапад
„Хунгаромет“ на својата фејсбук-страница напиша дека циклонот Борис, кој со денови беше над Унгарија, го напуштил регионот и се упатил кон југозапад.
Одтаму додаваат дека веќе не се очекуваат значителни врнежи.
Како што се наведува, најмногу врнежи имало во Австрија и Чешка, каде што количината дожд надминала 200 милиметри, но многу дожд наврнал и во Словачка и Хрватска.
Во Унгарија најмногу дожд наврна во околината на Сопрон и Мосонмаѓаровар, каде што количината врнежи надмина 100-150 милиметри.
Најмалку 17 лица загинаа во поплавите од Романија до Полска во последните неколку дена.