Спорт
Петмина тенисери суспендирани поради местење натпревари
Тениската антикорупциска програма (TAЦП) и Меѓународната тениска единица за интегритет (ИТИА) суспендираа пет тенисери поради местење натпревари.
Казните се однесуваат на случај од 2023 година и група од Белгија која се занимавала со местење натпревари, а во врска со истиот случај на почетокот на оваа година суспендирани беа бугарскиот функционер Стефан Миланов и францускиот играч Лени Митјана.
„Осомничените лица го признаа делото и ја прифатија договорената казна. Сите се откажаа од своето право да бидат сослушани пред независен службеник на Антикорупциската програма“, се вели во соопштението на Меѓународната тениска единица за интегритет.
„Сите обвиненија се однесуваат на натпревари одиграни во 2017 и 2018 година и се поврзани со местење натпревари, нелегално обложување. и со примање пари за да не се игра на најдобар можен начин, но и да не е се пријавено“, се наведува понатаму во соопштението.
Еквадорскиот тенисер Иван Ендара (најдобар ранг 367, 2015 година), Мексиканците Маурицио Ресендиз и Раул Исаис Росас-Заур добија пет годишни суспезии (до јули 2029 година) и казнети со по 15.000 долари.
Мексиканецот Ивар Арамбуру Контрерас беше суспендиран до март 2026 година и казнет со 30.800 долари. Неговиот брат Аитор Арамбуру Контрерас беше суспендиран до декември 2025 година и казнет со 25.200 долари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Победата на Реал во сенка на повредата на Карвахал
Реал Мадрид го победи Виљареал со 2:0 во деветотот коло, во Примера. Со овој триумф Реал се изедначи на првото место со Барселона, која утре му гостува на Алавес.
Реал ја потона „жолтата подморноца“ со две торпеда, на Валверде во 14. и Винисиус Жуниор во 73.минута. Виљареал имаше свои шанси кои не ги искористи. Пеп во првото полувреме веднаш по голот на Валверде ја погоди гредата. Во финишот добија пенал, но судијата го поништи откако ВАР покажа дека на пеналот му претходел офсајд.
Интересно Реал на овој натпревар упати само три удари во рамките на голот, два од нив завршија зад грбот на Кунде.
Реал победи, но прашање е колку скапо ја плати победата. Винисиус Жуниор во 78.минута поради повреда на рамото го напушти теренот, а во самиот финиш на натпреварот се повреди и Карвахал, кој мораше да биде изнесен од теренот.
Спорт
(Видео) Три гола на Турам, Интер го победи Торино
Интер го победи Торино с 3:2 во последниот натпревар од саботната програма во Серија А. Интер ја забележа четвртата победа сезонава, а Торно вториот пораз.
Победата на Интер му ја донесе Маркус Турам кој го постигна првиот хет-трик во Серија А. Работата на актуелниот пампион му ја олесни Марипан кој во 20.минута доби црвен картон.
Пет минути подоцна предноста од играч повеќе Интер ја искористи кога Турам го постигна првиот гол. 11.минути подоцна францускиот репрезентативец го постигна вториот гол. Асистент за двата гола беше Бастони.
Само што тргнаа од центарот гостите успеаја да намалат на 2:1 преку Колумбиецот Дуван Запата. По еден час игра Тирам го комплетираше хет-трикот. До крајот на натпреварот, Торино преку Влашиќ од пенал го намали резултатот.
Спорт
(Видео) Јокиќ им одржа говор на играчите на Мега по победата над Дубаи
Дубаи во саботата беше местото за повторното обединување на Никола Јокиќ и клубот во кој за него започна се во неговата кариера.
Кошаркарите на Мега направија мало изненадување, во драматичен натпревар го победија Дубаи со 83:80, а сведок на овој натпревар беше центарот на Денвер, Никола Јокиќ.
Српскиот репрезентативец во Емирсти е со Денвер на мини-турнеја во претсезоната, а во „Кока-кола“ арената му се придружија и неговите соиграчи Дарио Шариќ и Влатко Чанчар До Јокиќ седеше првиот човек на Мега, еден од најмоќните менаџери во кошарката, Ражнатовиќ.
По натпреварот Јокиќ во соблекувалната им одржа краток говор на младите играчи на Мега, кои беа воодушевени од присуството на официјално најдобриот играч во НБА лигата.
„Задоволство ми беше да ве гледам, посакувам уште да ја имам таа желба и таа радост што вие ја имавте денес“.
Овој момент КК Мега го сподели на своите социјални мрежи.
“I wish I still had that joy and enthusiasm that you showed today” 😂🩷 pic.twitter.com/aIgM2R6D8I
— KK Mega (@KKMegaBasket) October 5, 2024