Спорт
Бергвајн: Додека Куман е селектор, нема да играм за Холандија
Фудбалската јавност во Холандија се разгоре откако селекторот Роналд Куман го отпиша Стивен Бергвијн поради преселбата во Саудиска Арабија.
„Бергвајн замина во Саудиска Арабија на 26 години. Ако имаш 26 години, најважна е да имаш спортски, а не финансики амбиции. Можеше да остане во Ајакс, нели? Прилично сум сигурен дека Ајакс ги плаќа играчите добро, исто така“, им кажа Куман на холандските новинари во пресрет на натпреварите со Босна и Херцеговина и Германија во Лигата на нации.
Три дена, по изјвата на Куман, со жесток коментар се огласи Бергвајн.
“Не сакам никогаш повеќе да играм за Роналд Куман. Нема да играм за некој кој ме оцрнува како што тоа го правеше во медиумите”, изјави Бергвајн и додаде:
„Точно е дека имам 26 години, но што значи тоа, дека вакви одлуки можеш да носиш само кога имаш 32 години? Напредувам во секој поглед, стојам зад мојата одлука и среќен сум поради тоа. Можеше да ми се јави, да слушне што имам да кажам, од каде го доби правото да кажеува такви работи за мене, без претходно да разговара со мене?“, изјави Бергвајн.
Бергвајн потсети дека Куман и претходно давал лоши изјави за своите играчи, поточно за младиот напаѓач Брајан Броби.
„Претходно јавно го кажа своето мислење за Броби. И тоа не беше убаво и подоцна самиот рече дека не постапил правилно. Нотој така се однесува кон своите играчи. Ако продолжи вака, ќе го изгуби целиот кредибилитет“, изјави Бергвајн.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Победата на Реал во сенка на повредата на Карвахал
Реал Мадрид го победи Виљареал со 2:0 во деветотот коло, во Примера. Со овој триумф Реал се изедначи на првото место со Барселона, која утре му гостува на Алавес.
Реал ја потона „жолтата подморноца“ со две торпеда, на Валверде во 14. и Винисиус Жуниор во 73.минута. Виљареал имаше свои шанси кои не ги искористи. Пеп во првото полувреме веднаш по голот на Валверде ја погоди гредата. Во финишот добија пенал, но судијата го поништи откако ВАР покажа дека на пеналот му претходел офсајд.
Интересно Реал на овој натпревар упати само три удари во рамките на голот, два од нив завршија зад грбот на Кунде.
Реал победи, но прашање е колку скапо ја плати победата. Винисиус Жуниор во 78.минута поради повреда на рамото го напушти теренот, а во самиот финиш на натпреварот се повреди и Карвахал, кој мораше да биде изнесен од теренот.
Спорт
(Видео) Три гола на Турам, Интер го победи Торино
Интер го победи Торино с 3:2 во последниот натпревар од саботната програма во Серија А. Интер ја забележа четвртата победа сезонава, а Торно вториот пораз.
Победата на Интер му ја донесе Маркус Турам кој го постигна првиот хет-трик во Серија А. Работата на актуелниот пампион му ја олесни Марипан кој во 20.минута доби црвен картон.
Пет минути подоцна предноста од играч повеќе Интер ја искористи кога Турам го постигна првиот гол. 11.минути подоцна францускиот репрезентативец го постигна вториот гол. Асистент за двата гола беше Бастони.
Само што тргнаа од центарот гостите успеаја да намалат на 2:1 преку Колумбиецот Дуван Запата. По еден час игра Тирам го комплетираше хет-трикот. До крајот на натпреварот, Торино преку Влашиќ од пенал го намали резултатот.
Спорт
(Видео) Јокиќ им одржа говор на играчите на Мега по победата над Дубаи
Дубаи во саботата беше местото за повторното обединување на Никола Јокиќ и клубот во кој за него започна се во неговата кариера.
Кошаркарите на Мега направија мало изненадување, во драматичен натпревар го победија Дубаи со 83:80, а сведок на овој натпревар беше центарот на Денвер, Никола Јокиќ.
Српскиот репрезентативец во Емирсти е со Денвер на мини-турнеја во претсезоната, а во „Кока-кола“ арената му се придружија и неговите соиграчи Дарио Шариќ и Влатко Чанчар До Јокиќ седеше првиот човек на Мега, еден од најмоќните менаџери во кошарката, Ражнатовиќ.
По натпреварот Јокиќ во соблекувалната им одржа краток говор на младите играчи на Мега, кои беа воодушевени од присуството на официјално најдобриот играч во НБА лигата.
„Задоволство ми беше да ве гледам, посакувам уште да ја имам таа желба и таа радост што вие ја имавте денес“.
Овој момент КК Мега го сподели на своите социјални мрежи.
“I wish I still had that joy and enthusiasm that you showed today” 😂🩷 pic.twitter.com/aIgM2R6D8I
— KK Mega (@KKMegaBasket) October 5, 2024