Македонија
Македонија добива 330.000 долари за практична настава за зелени вештини за учениците

Првиот вицепремиер и министер за животна средина и просторно планирање, Изет Меџити, учествуваше и имаше обраќање на церемонијата на потпишување на договорот меѓу УНИЦЕФ Македонија и Групацијата Нелт, иницијатива која има за цел воведување на практична настава за зелени вештини за учениците од професионалните училишта.
Меџити рече дека министерството што тој го предводи поддржува и е целосно посветено на еколошкото образование и климатските активности, преку кои учениците ќе ги зајакнат своите капацитети да учат, дејствуваат и водат во иднина, со цел да се обезбеди поотпорно општество за климатските промени.
„Денес, кога светот брзо се менува, оспособувањето на учениците со знаење и искуство за правилно справување со причините и последиците од климатските промени е од суштинско значење, додека стекнувањето практични вештини и искуства и нивно интегрирање во наставната програма им обезбедува на учениците неопходни алатки потребни за се справат со сложените предизвици на климатските промени“, рече Меџити.
Тој додаде дека зајакнувањето на знаењето на учениците значи и нивно охрабрување да станат активни придонесувачи во решението, бидејќи кога учениците се гледаат себеси како дел од решението, тие се повеќе мотивирани да донесуваат информирани одлуки и да вложат напори кои имаат корист нивната но и глобалната средина.
Од вкупно 1,3 милиони долари доделени за Северна Македонија, Босна и Херцеговина и Србија, нашата земја ќе добие 330.000 долари во текот на три години, додека иницијативата се очекува да им помогне на 8.100 ученици од стручните училишта да стекнат зелени вештини во однос на еколошката одржливост, зачувувањето на природата и климатската акција, овозможувајќи им практично да го применат знаењето на работното место во иднина во различни области, од управување со отпад и позеленување, производство на енергија до процеси на одржливо производство, енергетска ефикасност и кружна економија во градежништвото.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Филипче: Актуелната власт го заборави Делчево само затоа што градоначалникот е од друга партија

Претседателот на СДСМ Венко Филипче заедно со градоначалникот на Делчево Горан Трајковски денеска ги посети капиталните проекти во градот. Салата АСНОМ, прочистителната станица, новиот пазар и новата градинка со капацитет за околу 150 дечиња.
„Станува збор за капитални проекти коишто беа навистина потребни и коишто сериозно го олеснуваат животот на граѓаните во Делчево.
Филипче оценува дека овие проекти не се само инфраструктура, туку се вложување во подобар живот за сите граѓани, проекти кои го менуваат животот на граѓаните на подобро. За жал, денеска Делчево не само што нема капитални проекти туку истото е целосно заборавено а тоа најмногу се одразува на граѓаните и тоа само затоа што градоначалникот не е од истата партија.
„Еве сега гледаме што значи да се нема поддршка од влада. Од оваа актуелна влада практично Делчево е заборавено и целосно е маргинализирано. Жалам што прават таква политичка сегрегација врз основа на тоа кој градоначалник од која партија е, тоа граѓаните навистина не го заслужуваат“, потенцираше Филипче.
Македонија
Во среда авионско прскање против комарци во Скопје

од Центарот за управување со кризи известуваат дека во Град Скопје во среда ќе се реализира авионско прскање против комарци.
„Авионската дезинсекција на подрачјето на градот Скопје, против ларви од комарци, ќе се реализира на 11.06.2025 година (среда), во раните утрински часови.
Доколку временските услови не го дозволуваат вршењето на дезинсекцијата, истата ќе се изврши првиот нареден ден, кога временските услови ќе бидат поволни, во истите термини“, велат од ЦУК.
Се известуваат пчеларите навремено да ги преземат потребните мерки за заштита на пчелите.
Македонија
(Видео) Тренчевска: Хаосот во здравството не може да го среди министер информатичар

Владата, наместо да гради систем што треба да се грижи за здравјето на граѓаните, создава систем што го става во ризик животот на луѓето, систем кој убива. И овој хаос треба да го среди новиот министер за здравство – Азир Алиу, кој е професионалец во информатиката, но не и во здравството.
Хаосот во здравството не може да го среди министер информатичар. Алиу нема никакво претходно искуство во здравството, и додека да се запознае со областа во која влегува, најверојатно и него ќе го сменат или сам ќе си отиде. И повторно нема да е криво ВМРО-ДПМНЕ, туку ќе бидат криви коалиционите партнери затоа што дале такви кандидати, рече пратеничката на СДСМ, Јована Тренчевска, на денешната собраниска седница.
Тренчевска се осврна на, како што рече, сите пропусти на оваа влада, потсетувајќи и на вчерашната прослава, 34 години од постоењето на Унијата на млади сили на ДПМНЕ, со скандалозно шоу од пиротехнички средства, на неполни три месеци од пожарот во Кочани.
„Како паметот да не им доаѓа, или намерата беше да се испрати јасна порака дека сè им е дозволено. Цехот ќе си го носат родителите, сестрите, браќата, фамилијата, роднините, пријателите, граѓаните, а тие ќе си тераат како сакаат и ќе отвораат телефонски линии за да покажат некаква божемски грижа. Од финансиската поддршка, ништо не обезбедија. Обезбедија граѓаните и компаниите со донации, а на ДПМНЕ им остана фалбата и лажниот ПР, рече Тренчевска.
Таа потсети дека имаме влада која, заради својата неспособност, се соочи со најголемата трагедија во историјата на независна Македонија – кочанската трагедија, каде што згаснаа 62 млади животи, а 200 се повредени.
Влада која не знае како да се справи со здравствените предизвици. Токму во контекст на оваа трагедија, таа, додаде Тренчевска, не прифаќа понудени законски решенија од опозицијата, со кои се нуди вистинска и реална поддршка и помош, потенцираше Тренчевска.
Таа потенцираше дека во моментов ја имаме најнеспособната влада од осамостојувањето на Македонија до денес, која го донесе здравството до степен на „тежок пациент“ на кој му нема спас.
„Секој сектор од здравството е метастазиран од неспособноста и негрижата на власта, а граѓаните го плаќаат цехот со сопственото здравје“.