Македонија
Јаневска на вишокот наставници ќе им понуди вработување во Бирото за развој на образованието и други просветни институции
На наставниците што ќе бидат вишок по спојувањето на учениците во паралелки од дваесет ученици, наместо како досега во паралелки од само неколку ученици, ќе им биде дадена можност да бидат ангажирани во додатна и дополнителна настава во училиштата, но ќе им биде понудено и да се вработат во просветните институции, кои кубурат со кадар. Министерката за образование Весна Јаневска вели дека во 10 општини успешно е направена оптимизација, со која малите паралелки се споени со оние во централните училишта со цел сите учениците да добијат еднакви услови за образование, а во следниот период тоа ќе се направи во уште 20 општини.
„Кога ќе направиме нормални паралелки, не паралелки од 10, 15 ученици, туку ќе ги сведеме на 20 ученици, наставникот, кој е вишок, ќе продолжи да работи во втората половина на денот според програмата на училиштето која опфаќа многу додатни предмети, изборни, воннаставни активности, други наставни активности, работа со деца што имаат тешкотии во учењето, работа со талентирани деца, дополнителна настава, додатна настава, општествено корисни работи. Идејата е дека целиот пул на наставници треба да го искористиме за учениците да постигнат подобри знаења. Дополнително, познато е дека одредени институции во државата се со слаби човечки капацитети. Јас ќе ги набројам Бирото за развој на образованието, Државниот просветен инспекторат, Државниот испитен центар и Центарот за средно стручно образование, кои имаат потреба од искусни, сериозни луѓе. Откога ќе направиме мали измени во законите, ќе им понудиме на наставниците да се префрлат во овие институции за да може да дадат свој импакт во образованието “, рече денес министерката Јаневска.
Со спојувањето на паралелките министерката Јаневска смета дека учениците ќе добијат подобри услови за учење, ќе имаат поголем број наставници, ќе се социјализираат со врсниците, а во исто време ќе се намалат трошоците за одржување на училиштата. Очекува резултатите што ќе ги постигнуваат да бидат исти со оние што ги постигнуваат учениците во Европската Унија.
Македонските ученици учат 900 часа помалку од просекот, вели претставничката на УНИЦЕФ
Лесли Милер, претставничка на УНИЦЕФ, кој е партнер во спроведувањето на проектот за оптимизација на училиштата, вели дека има повеќе причини за слабите резултати на македонските ученици.
„Како што сите знаете, во Северна Македонија има криза во учењето со слаби резултати на учениците според последното ПИСА-оценување, односно над две третини од учениците имаат слаби резултати во читање, математика и во науки. Има многу причини за ова. Една од важните причини е тоа што учениците поминуваат малку часови во учење. Во основните училишта овде учениците имаат 900 часа помалку учење отколку ОЕЦД-просекот“, рече Милер и нагласи дека реформи се неопходни и поради тоа што образовниот систем не го следи темпото на демографските промени.
Целта на реформите е да се подобри квалитетот на образованието еднакво и за оние во урбаните средини, но и за оние ученици од руралните средини, кои имаат само еден или двајца соученици.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
„Вреди“: Институциите да ја лоцираат одговорноста за коруптивниот закуп на лотаријата
Коалицијата „Вреди“ (Влен) соопшти дека ја изразува својата непоколеблива посветеност да ја спречи секоја форма на корупција и злоупотреба на довербата на граѓаните.
Според нив, со поништувањето на договорот помеѓу компанијата „ХЕЈ ДООЕЛ“ и Државната Лотарија, се отвора пат за одговорност на сите оние кои профитирале преку оваа шема на корупција.
„Им упатуваме повик на обвинителството и другите инстанции да преземат соодветни чекори за целосно расветлување на овој срамен скандал кој нанесе големи штети врз нашето општество. Артан Груби, како глава на овој распаднат систем, и Перпарим Бајрами, неговата десна рака во индустријата за коцкање, се симболи на една империја изградена врз корупција, која ги крши правата на чесните граѓани на оваа земја. Овие индивидуи, тесно поврзани со раководството на ДУИ, проектирале и управувале со структурирана мрежа со цел лично богатење и на нивните најблиски“, велат од „Вреди“.
Како што се додава, секој чекор кон уништувањето на оваа империја изградена врз коцкање и корупција, е важен чекор за правдата.
„На правосудните органи и обвинителството им е отворена вратата за да ги изнесат пред правдата оние што ја изградиле оваа шема. Нема враќање! Ќе се бориме до крај против оваа епидемија на коцкање и корумпирани шеми на политичките казиномани. Артан Груби и Перпарим Бајрами, заедно со сите оние кои профитирале преку овој валкан пат, ќе одговараат пред правдата и пред народот. Времето на неказнивост заврши!“, се додава во партиското соопштение.
Македонија
„АД МЕПСО расипнички се однесувало со парите на граѓаните, претходното раководство да одговори дали донациите се согласно закон“, прашува ВМРО-ДПМНЕ
„Работењето на АД МЕПСО под претходното раководство е сомнително по неколку основи, а особено во делот на давање донации. За 2024 година на име донации и спонзорства АД МЕПСО предвидело вкупно 12.300.000 денари, а потрошило по овој основ 22.712.500 денари“, велат од ВМРО-ДПМНЕ.
„Законот за донации и спонзорства согласно член 11 предвидува да се утврди целта на донација и истата да биде од јавен интерес.
Оттука се поставуваат прашањата. Прво, кој е јавниот интерес кога станува збор за донацијата на АД МЕПСО, односно од донацијата за Здружението на граѓани за промоција 22 Нентор. Здружението добило 120.000 денари.
Второ, СЕСОН добило 300.000 денари и ОФ на Македонија добило 1.000.000 денари, а нема никакви јавни податоци.
Трето, Центарот за модерни и спортски танци Прима Данца од АД МЕПСО добил 300.000 денари во месец април оваа година.
Четврто, боречки клуб Тефејуз Скопје од АД МЕПСО добил 300.000 денари.
Објавеното е само мал дел од листата на донации кои ги давало АД МЕПСО, а за кои има основано сомнение дека не е почитуван Законот.
Затоа прашуваме, прво, дали согласно член 19 од Законот за донации и спонзорства се изготвени извештаи помеѓу давателот и примателот на донацијата, извештаи согласно закон се задолжителни, второ, дали врз основа на извештаите јасно е утврден јавниот интерес, односно користа од донацијата за јавноста?
Јавноста ќе ја информираме за сите неправилности, а за истите надлежните институции треба да реагираат веднаш. Одговорност за непочитување на правните норми мора да има“, се наведува во соопштението на ВМРО-ДПМНЕ.
Македонија
Без струја делови од Гази Баба и Карпош
Регионалниот центар за управување со кризи на Град Скопје, по добиеното известување од ЕВН, соопшти дека поради планирани зафати во електро дистрибутивната мрежа денеска, без напојување со електрична енергија ќе останат:
од 08:30 до 13:00 часот, корисниците од дел од ул. Финска, поточно подулиците со бр. 15 и бр. 20 во нас. Инџиково. (Општината Гази Баба)
од 09:00 до 13:00 часот, корисниците од дел од ул. Нерешка во нас. Жданец. (Општината Карпош)