Свет
Во бомбардирање во Газа загинаа фудбалер, неговата сопруга и нивните четири деца
Хамди Лубад, фудбалер на Ал Јармук, беше убиен заедно со неговото семејство при напад што се случи во Појасот Газа.
Како што јави руската новинска агенција РИА Новости, за време на израелското бомбардирање загинаа Хамди Лубад, неговата сопруга, како и нивните четири деца.
Конфликтот меѓу Израел и Палестина се уште трае, а Лубад е 303. спортист кој загинал во бомбашките напади.
Лубад беше познат по своите вештини на теренот, но неговиот живот за жал заврши трагично.
Breaking 🚨: Hamdi Lubbad, current midfielder of Al-Yarmouk Club and former of Ittihad Deir al-Balah, has been killed in an Israeli airstrike on his apartment in Gaza.
His wife and four daughters also killed.
303 footballers now killed by Israel, which will play today Vs Italy pic.twitter.com/n41hdjJPqP
— Abubaker Abed (@AbubakerAbedW) September 10, 2024
Најмалку 40 лица загинаа, а 60 се повредени во израелски напад врз палестински камп во областа Ал-Маваси во Кан Јунис, јужно од Појасот Газа.
Цивилната одбрана на Газа соопшти дека во нападот биле погодени најмалку 20 шатори каде што спиеле раселените Палестинци.
Областа Ал-Маваси, каде што има голем привремен камп за прием на палестински бегалци, израелската армија ја назначи како „безбедна зона“ за време на нејзините копнени напади врз блиските градови Рафа и Кан Јунис.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Лидерот на Хезболах: Непријателот ги премина сите црвени линии, сакаа да убијат 4.000 луѓе одеднаш
За време на телевизиско обраќање, лидерот на Хезболах, Хасан Насралах, детонирањето на пејџери и воки-токи низ Либан го нарече „терористички чин“ и изјави дека „непријателот на Израел ги преминал сите црвени линии“ со намера да убие 4.000 луѓе во еден момент.
Тој призна дека на Хезболах му бил зададен тежок удар, но подвлече дека тоа „нема да го скрши“ отпорот и дека операциите во јужен Либан нема да престанат додека не заврши војната во Газа.
Насралах на почетокот рече дека настаните во изминатите два дена го навеле да го одржи говорот. Тој објасни дека планирал да ја претстави својата анализа и извештај за борбите во изминатата година на 7 октомври, но дека она што се случило во изминатите 48 часа „ја барало оваа порака“.
Тој им изрази сочувство на паднатите на фронтот во јужен Либан и на загинатите како последица на експлозиите, а на повредените им посака брзо закрепнување. Тој им се заблагодари на лекарите, официјалните лица и на сите кои помогнаа во лекувањето на жртвите од нападот и на луѓето кои даруваа крв за повредените и ја поздрави солидарноста и единството на народот во земјата.
Тој подвлече дека експлозиите се случиле во болниците бидејќи пејџерите ги користеле и медицинските работници, како и во аптеките, маркетите, продавниците, куќите, автомобилите и на улиците каде што имало многу цивили.
Насралах изјави дека Израел имал за цел да убие „4.000 луѓе одеднаш“.
„Тоа беше намерата на непријателот и ова е обемот на нивниот криминал. Како да го наречеме овој вид криминална активност? Дали е тоа голема операција? Дали е тоа геноцид? Дали е тоа масакр?“, рече тој.
Тој призна дека на Хезболах му бил зададен „многу тежок“ удар, опишувајќи ги нападите како „невидени“ во Либан. Тој рече дека се формирани истражни комисии кои ќе проучат како се случиле експлозиите и дека ќе ги чекаат резултатите од истрагата.
„Претрпевме многу тежок удар. Но, ова е воена состојба“, рече тој.
Тој рече дека неговата група е свесна дека Израел има технолошка предност бидејќи е поддржан од САД и други технолошки суперсили, но храбро ќе се соочи со овој предизвикувачки момент со крената глава.
„Не може да бидеме скршени од овој удар, колку и да е силен. И можам верно и самоуверено да ве уверам дека овој тежок и невиден удар не нè клекна – и нема“, подвлече тој.
„Јасно велам: без разлика какви се последиците, без разлика на жртвите, без разлика на сценаријата, отпорот во Либан нема да престане да го поддржува отпорот во Газа и Западниот Брег и сите повредени на окупираните територии“, рече Насралах.
Тој изјави дека нападите низ Либан биле насочени кон инфраструктурата на Хезболах и дека тоа е обид да се предизвикаат поделби во неа.
„Нека знае непријателот дека тоа што се случи не ја разниша нашата вера, верба, решителност, подготвеност или инфраструктура. Напротив, нè направи порешителни, поробусни и истрајни. Ако целта на Израелците беше да не разделат од она што се случува во Газа, тоа не успеа“, подвлече тој.
Свет
По расправија извадил нож и солзавец, има повредени: тепачка во трговски центар во Германија
Неколку лица се повредени во тепачка што се случила денеска во трговски центар во Ерфурт, Германија, кога еден маж по расправија извадил нож и го расекол мажот.
Полицијата брзо пристигнала на местото на настанот и го евакуирала трговскиот центар, а според полицијата дошло до вербална, а потоа и физичка пресметка меѓу група лица, кои не се по потекло од Германија, пренесуваат германските медиуми.
Се се случило околу 15 часот и 30 минути, а еден од учесниците во тепачката извадил нож. Како што објави „Билд“, мажот (27) бил пренесен во болница поради сериозни повреди на раката, но неговиот живот не е во животна опасност.
Во трговскиот центар бил употребен и солзавец, па лекарска помош побарале и посетителите на центарот. Се пожалиле дека им горат очите и дека имаат проблеми со дишењето.
Полицијата соопшти дека е приведен маж (26), кој е осомничен дека извадил нож и ранил најмалку едно лице.
„Ве уверуваме дека не се работи за напад, немало опасност за граѓаните“, соопштија од полицијата.
Според написите,не се знае зошто дошло до тепачката, ниту точно колку лица се повредени во инцидентот.
Свет
Велика Британија ги повика граѓаните веднаш да го напуштат Либан
Британскиот министер за надворешни работи Дејвид Лами изрази длабока загриженост за зголемените тензии во Либан, повикувајќи ги британските граѓани да ја напуштат земјата.
Во телефонски разговор со либанскиот премиер Наџиб Микати, Лами ја изрази својата длабока загриженост поради растечките тензии и цивилните жртви во Либан.
Британскиот министер за надворешни работи рече дека разговарале за потребата од преговори за изнаоѓање решение за враќање на стабилноста и безбедноста преку Сината линија.
Лами исто така ги повика британските граѓани да го напуштат Либан, наведувајќи ги како причина зголемените тензии во регионот.
„Тензиите се високи и ситуацијата може брзо да се влоши“, напиша Лами на платформата X.
Во вторникот и средата во различни делови на Либан се случија експлозии на пејџери и радио уреди (воки-токи).
Во експлозиите загинаа најмалку 37 лица, а неколку илјади беа повредени.
Либанската влада и Хезболах го обвинија Израел дека го извршил нападот, а Хезболах вети одмазда.