Спорт
Одбиено барањето на Робињо за намалување на казната за силување
Поранешниот бразилски фудбалер Робињо, шест месеци се наоѓа зад решетки, издржува девет годишна затворска казна на која беше осуден за групно силување. Неговите адвокати по шест месеци поднеле барање за намалување на казната која судот ја одбил.
Робињо беше осуден во Италија во 2017 година за учество во групно силување што се случи во 2013 година. Жртвата била 22-годишна девојка од Албанија, Бразилецот во моментот кога го извршил делото играше за Милан, а во Италија пресудата стана правосилна во 2022 година, кога Врховниот суд на Италија ја потврди казната.
На 21 март, судот во Бразил пресуди дека Рбињо затворската казна ќе ја отслужи во Бразил. Одлуката е донесена поради сериозноста на делото, иако Бразил нема меѓународен договор со Италија според кој неговите граѓани би служеле затворски казни за кои биле осудени надвор од Бразил во самиот Бразил. Бидејќи Бразил не ги екстрадира своите граѓани, италијанските правосудни органи се согласија Робињо казната да ја одлежи во бразилски затвор.
Само еден ден подоцна, Робињо беше уапсен и сместен во затворот „Тремемба II“, кој има многу помалку затвореници од другите бразилски затвори и е познат кај Бразилците како затвор на славните.
Адвокатите на Робињо се уште се обидуваат да ја намалат казната, но, како што пренесува порталот „Лео Диас“, не успеале. .
Овој пат се обиделе да ја сменат категоријата на кривичното дело, односно тешкото кривично дело да се сведе само на кривично дело бидејќи во Бразил не постои можност за намалување на казната за тешки кривични дела. Адвокатите на Робињо сметаат дека силувањето не спаѓа во категоријата тешки кривични
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Поради Мбапе, Реал им ги зголеми платите на Белингем и Винисиус
Реал Мадрид за по пет милиони евра им ги зголеми платите на Џуд Белингем и Винисиус Жуниор. Англичанецот и Бразилецот со ова покачување ие изедначија со Килијан Мбапе. Реал Мадрид се реши на ваков потег за да спречи евентуално незадоволство во соблекувалната, пишуваат шпанските медиуми.
Мбапе во Реал пристигна како слободен играч, па клубот бидејќи не мораше да потроши цело богатство за тој трансфер, му даде и голема плата. Со нето плата од 15 милиони евра беше меѓу најплатените, а сега исто толку ќе добијат и Белингем и Винисиус, па причина за љубомора во тимот меѓу тројцата не би требало да има.
Во однос на нивните перформанси, Мбапе и Винисиус одиграа по седум натпревари од стартот на сезоната. Французинот постигна пет гола, а Бразилецот три гола со четири асистенции. Играчот од средниот ред Белингем, кој минатата сезона воодушеви со 23 гола и 13 асистенции, се враќа од повредата. Досега одигра три натпревари и забележа една асистенција.
Спорт
Нетси во јануари ќе го пензионираат дресот на Винс Картер
Бруклин Нетс ќе го повлечат дресот со број 15 на Винс Картер пред нивниот домашен натпревар на 25 јануари 2025 година против Мајами Хит.
Дресот на Картер ќе биде седмиот „пензиониран“ од оваа франшиза, по дресовите на Дражен Петровиќ (бр. 3), Џејсон Кид (бр. 5), Џон Вилијамсон (бр. 23), Бил Мелкиони. (бр. 25 ), Џулиус Ервинг (бр. 32). и Чарлс „Бак“ Вилијамс (бр. 52).
„Возбудени сме што можеме да му оддадеме чест на поранешниот играч на Нетс, Винс Картер, кој придонесе многу за оваа организација на теренот и надвор од него. Тој е важен дел од историјата на франшизата на Нетс и со нетрпение очекуваме да му посакаме добредојде во арената оваа сезона.за да го прославиме неговото наследство“, рече извршниот директор на Нетс, Џо Цаи.
Картер, член на класата на кошаркарската Куќа на славните од 2024 година, имаше просек од 23,6 поени во текот на четири сезони со тогашниот Њу Џерси Нетс од 2004-2009 година. Картер, кој сега има 47 години, сè уште го држи рекордот на франшизата со 2.070 поени во сезоната 2006/2007 година.
Осумкратен Ол-стар и дебитант на годината во сезоната 1998/99, Картер е единствениот играч во историјата на НБА кој се натпреварувал во текот на четири децении. Првиот пик на драфтот во 1998 година се повлече по сезоната 2019/20. со 25.728 поени во 1.541 натпревар.
Спорт
Трент сака да купи клуб во Франција
Интересни вести доаѓаат од светот на фудбалот. Фудбалерот на Ливерпул, Трент Александер-Арнолд сака да го купи фудбалскиот клуб Нант од Лига 1.
Како што пренесува „Лекип“, заменик-капитенот на Ливерпул и репрезентативец на Англија води сериозни преговори со сопственикот на „Канаринците“, Валдемар Кит. Кит е сопственик на Нант од 2007 година и наводно сака да го продаде клубот.
Еден од најдобрите десни бекови во светот би влегол во овој бизнис во партнерство со конзорциумот во кој е и неговиот татко. Наводно, Кит бара 100 милиони евра, но купувачите не се заинтересирани да инвестираат толку многу, па преговорите се уште траат.
Инаку, Александер-Арнол е малцински сосптвеник во Формула 1 тимот, Алпин, заедно с актерот и сопственик на Рексам, Рајан Рејнолдс, голферот Рори Мекилрој и боксерот Ентони Џошуа.