Свет
Грција околу германскиот план за построга контрола на границите: „Тие беа дарежливи кон мигрантите“
Грчкиот премиер Киријакос Митотакис денеска изјави дека планот на Германија за воведување построга контрола на копнените граници е еднострано откажување на шенгенската граница и ќе ги оптоварува земјите од фронтот како Грција.
Германија оваа недела објави дека проверките во зоната за слободно движење ќе започнат на 16 септември и првично ќе траат шест месеци додека земјата се обидува да ја спречи илегалната миграција.
„Германија имаше исклучително толерантна и би рекол дарежлива политика кон мигрантите, што сега предизвикува голема социјална реакција“, изјави Микотакис во интервју за грчко радио.
„Одговорот не може да биде еднострано укинување на Шенген и префрлање на топката на земјите лоцирани на надворешните граници на Европа“, рече тој.
Наместо тоа, треба да се имплементира Пактот на ЕУ за миграција и азил, обновен миграциски систем кој ја препознава важноста од чување на надворешните граници на Европа, рече Микотакис.
Грција беше на првата линија на миграциската криза во Европа во 2015-2016 година, кога повеќе од еден милион бегалци – многу од нив бегајќи од граѓанската војна во Сирија – пристигнаа, главно преку Турција. Повеќето на крајот се преселиле во Германија и други западноевропски дестинации.
Оттогаш, пристигнувањата во Грција опаднаа, но многу мигранти, главно од Либија и Египет, сè уште стигнуваат до грчките брегови пред да се упатат кон Западна Европа, пишуваат светските медиуми.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Полскиот премиер: Ако видите германски војници, не паничете, дојдоа да помогнат
Најлошите поплави што ја погодија централна Европа во најмалку две децении оставија трага на уништување од Романија до Полска, со кал и урнатини во градовите, уништени мостови, потопени автомобили и оставајќи ги властите и луѓето со сметки за штети кои ќе се мерат во милијарди долари, пишува агенцијата Ројтерс.
Градовите јужно од Вроцлав, како што е Левин Брзески, веќе ја почувствуваа целата сила на поплавите, принудувајќи ги жителите да минуваат низ водата до половината или да бараат засолниште на покривите на влезовите на станбените блокови.
Германија се понуди да им помогне на Полјаците. Тоа беше можност за примеси на хумор во инаку незавидна ситуација. Така полскиот премиер Доналд Туск на хумористичен начин го најави доаѓањето на германски доброволци и војници, кои ќе им помогнат на Полјаците во санирањето на последиците од поплавите.
"If you see German soldiers, don't panic. They're here to help," says Polish PM @donaldtusk after announcing that German troops were volunteering to help tackle the floods in Poland pic.twitter.com/h8XwO2egG3
— Daniel Tilles (@danieltilles1) September 19, 2024
„Ако видите германски војници, не паничете. Тие дојдоа да помогнат“, рече тој.
Инвазијата на Полска од страна на германските војници на 1 септември 1939 година се смета за почеток на Втората светска војна.
Свет
Израелски бизнисмен обвинет за заговор за атентат врз Нетанјаху: „Иран стои зад се“
Израелската разузнавачка агенција Шин Бет денеска објави дека обвинила израелски бизнисмен за заговор за атентат врз Бенјамин Нетанјаху.
Според тврдењата на агенцијата, човекот планирал да ги убие министерот за одбрана Јоав Галант и шефот на Шин Бет Ронен Бар, а планот бил развиен од разузнавачките агенции во Иран, пишува „Ерусалим пост“.
Осомничениот, наводно, двапати го посетил Иран – во мај и август – и за тие средби добил 5.000 евра.
„Шин Бет“ соопшти дека на човекот му било наредено да преземе финансиски, логистички и активности поврзани со оружје како дел од планот.
Мажот беше уапсен минатиот месец под сомнение дека „извршил безбедносни прекршувања поврзани со контакт со разузнавачки елементи на иранскиот режим“.
Свет
Силен земјотрес ја погоди Индонезија: има загинати, над 80 се повредени, а стотици се евакуирани
Во земјотресот со јачина од 4,9 степени според Рихтеровата скала што ја погоди Западна Јава во Индонезија, едно лице загина, а најмалку 82 се повредени, јави агенцијата ВНА.
Епицентарот на земјотресот бил на 24 километри југоисточно од провинцијата Бандунг и на длабочина од 10 километри.
Најпогодено е подрачјето на Бандунг, каде се повредени 81 лице, а по него е Гарут.
Според првите проценки, оштетени се околу 700 куќи.
Оштетени се и речиси 100 здравствени, образовни, верски и јавни објекти, вклучително и пазари.
Поради земјотресот евакуирани се 450 лица.