Црна хроника
Насилство врз две малолетни деца во Скопје, родителите пријавиле во полиција
Две малолетни деца во одделни настани биле нападнати во Скопје.
Случаите ги пријавиле родителите на нападнатите момчиња.
Вчера околу пладне, малолетникот бил нападнат од 55-годишен скопјанец, кој според пријавеното, се однесувал агресивно и кон таткото. Не се знае која била поврзаноста на таткото и момчето со напаѓачот.
Во вториот случај регистриран во полицискиот билтен, 47-годишниот С.Ц. од селото Булачани, скопско, пријавил дека претходниот ден во 23.15 часот во село Виниче неговиот малолетен син бил физички нападнат од М.З.
MВР ги расчистува случаите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Приведен крадец осуден на 10 години и девет месеци затворска казна
На ул.„Волт Дизни“ во Скопје, полициски службениџи од Единицата за интервентна полиција при СВР Скопје го лишиле од слобода Н.И.(30) од Скопје.
Тој бил осуден на 10 години и девет месеци казна затвор за сторено кривично дело „тешка кражба“ по член 236 од Кривичниот законик, а бил баран по централна потерница врз основа на наредба од Основен кривичен суд Скопје за доиздржување на пет години и девет месеци од казната.
Лицето било спроведенo во Полициското одделение Шуто Оризари за понатамошна постапка, по што ќе биде спрведено во надлежната казнено – поправна установа за доиздржување на казната.
Црна хроника
Тешко повреден малолетник на велосипед во Прилеп
Вчера во Полициската станица Прилеп било пријавено дека на ул.„Иво Лола Рибар“ во Прилеп се случила сообраќајна несреќа помеѓу патничко возило „хјундаи“ со прилепски регистарски ознаки, управувано од М.Ш.(59) од Прилеп и велосипед управуван од малолетник од Прилеп.
Во несреќата со тешки телесни повреди се здобил малолетникот, констатирани во Градската општа болница Прилеп.
Извршен бил увид од увидна екипа од ОВР Прилеп.
Црна хроника
Со возило удрил во малолетничка, а потоа и во паркирано возило, девојчето со тешки повреди пренесенo на клиника
Вчера во Полициската станица Прилеп било пријавено дека на крстосницата од ул.„Мице Козар“ со ул.„Никола Карев“ во Прилеп, патничко возило „мазда“ со прилепски регистарски ознаки, управувано од Е.Р.(38) од Прилеп, удрило во малолетен пешак од Прилеп, а потоа и во паркирано патничко возило „фиат“ со прилепски регистарски ознаки.
Во несреќата со тешки телесни повреди се здобила малолетничката, констатирани во Градската општа болница Прилеп.
Извршен бил увид од увидна екипа од ОВР Прилеп.