Спорт
(Видео) Атлетико лесно се справи со Валенсија

Фудбалерите на Атлетико Мадрид на домашен терен ја победија Валенсија во натпреварот од петтото коло на шпанскиот шампионат со резултат 3:0 (1:0).
Избраниците на тренерот Диего Симеоне беа доминантни против последно пласираниот тим на табелата. Особено надмоќни домашните беа во првото полувреме кога во континуитет создаваа шанси.
Отпорот на Валенсија го скрши Конор Галагер во 39. минута. Поранешниот играч од средниот ред на Челзи го постигна својот деби голот за својот нов клуб по пристигнувањето во Шпанија,
Атлетико ја удвои предноста со голот на Антоан Гризман во 54. минута по асистенција на Самуел Лино. По еден час игра Атлетико го спушти ритамот, топката им ја препушти на противниците, кои до крајот не успеаја да се заканат кон голот на Облак.
Поранешниот напаѓач на Манчестер сити, Хулијан Алварез постигна гол во четвртата минута од судиското надополнување за конечни 3:0. И за Аргентинбецот ова е првиот гол во дресот на новиот клуб.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Селекторот на Казахстан: Македонија е силна селекција

Македонија утревечер игра важен квалификациски натпревар против Казахстан, на кој цели кон нов триумф и продолжување на позитивната серија во овој циклус. Селекторот на гостите, Талгат Бајсуфинов, сепак, потенцираше дека неговиот тим ќе даде сè од себе за добар резултат во Скопје, но призна дека Македонија е фаворит.
„Македонија е силна селекција и знаеме колку ѝ значи овој меч, но ние ќе се бориме за позитивен исход. Против Лихтенштајн имавме среќа и се надевам дека ќе имаме слична ситуација и утре. Првиот меч со Македонија покажа дека можеме да пропуштиме многу шанси, но сега реализацијата ни е подобрена. Ќе се обидеме да освоиме колку што можеме повеќе бодови до крајот на квалификациите, и тоа важи и за утрешниот натпревар“, изјави Бајсуфинов.
Во првиот меѓусебен дуел, Казахстан го предводеше Али Алиев, кој по поразот од Белгија со 6-0 си поднесе оставка.
Спорт
Тренерот на Црвена Звезда ќе биде нов селектор на Србија?

Актуелниот тренер на Црвена Звезда, Владан Милојевиќ, според ексклузивни информации на „Спортски журнал“, ќе го преземе кормилото на фудбалската репрезентација на Србија.
Иако меѓу потенцијалните наследници се споменуваше и Вељко Пауновиќ, „Спортски журнал“ открива дека изборот паднал на Милојевиќ, кој ќе биде официјално потврден на седницата на Извршниот одбор на Фудбалскиот сојуз на Србија закажана за 17 октомври.
Одлуката доаѓа само еден ден по оставката на Драган Стојковиќ – Пикси, кој се повлече по поразот од Албанија (0-1) во Лесковац, резултат што практично ја затвори вратата за Србија за пласман во баражот за Светското првенство 2026.
Интересно е што Милојевиќ ќе ја комбинира новата функција со сегашната на клупата на Црвена Звезда, до зимската пауза ќе продолжи да го води клубот во Суперлигата и Лигата на Европа, по што клубот ќе добие нов тренер.
Дебитантскиот настап на Милојевиќ како селектор треба да биде на големиот дуел со Англија на „Вембли“ на 13 ноември.
Спорт
ВИДЕО: Фарски Острови ја победија Чешка, а тоа отвора пат Хрватска директно да се пласира на СП 2026

Фарските Острови приредија вистинска фудбалска сензација — во Торшавн го совладаа фаворитот Чешка со 2-1 и ѝ направија голема услуга на Хрватска во борбата за врвот на групата и директен пласман на Светското првенство 2026.
Овој неочекуван исход целосно ја расипа ситуацијата за Чесите, кои важеа за главен конкурент на „коцкестите“. По натпреварот, и двете селекции имаат по 13 бодови, но Хрватска има два меча помалку, што ѝ отвора широка врата кон Мундијалот доколку ги освои максималните поени.
Средбата во Торшавн започна внимателно, без голови во првиот дел, но второто полувреме понуди вистинска драма. Соренсен во 67. минута донесе предност за домаќините, Карабец израмни во 78., но само три минути подоцна Агнарсон повторно ја врати радоста кај Фарските Острови со удар што значеше конечни 2-1. До крајот, Чесите нападоа со сите сили, но без резултат.
Во другите натпревари, Холандија ја демонстрираше својата моќ против Финска, победувајќи со убедливи 4-0. Головите ги постигнаа Мален, Ван Дајк, Депај и Гакпо, а Мемфис Депај испиша историја — со двете асистенции на овој меч стана најдобар асистент во историјата на репрезентацијата со 36 додавања.
Шкотска лесно се справи со Белорусија (2-1), додека Кипар без проблеми го совлада Сан Марино со 4-0.