Спорт
Родителите разочарани – Ендрик се ожени со пет години постара манекенка
Новата ѕвезда на Реал Мадрид, Бразилецот Ендрик, повторно е во центарот на вниманието откако потврди дека се оженил со бразилската манекенка Габриела Миранда, иако неодамна го прослави својот 18-ти роденден.
Ендрик летово пристигна во Реал според претходно договорениот трансфер вреден 50 милиони евра како еден од најголемите таленти на денешницата.
Младиот Бразилец веднаш се најде во центарот на вниманието на јавноста кога во едно интервју изјави дека еден од неговите идоли кога растел бил Боби Чарлтон, поради што многумина го исмејуваа.
На неговите соиграчи од Реал им беше смешно што го спомна легендарниот Англичанец, поради што веднаш му го дадоа прекарот „Боби“.
Сега тој е во центарот на вниманието поради неочекуван потег во приватниот живот.
Тој се огласи на социјалните мрежи и потврди дека одлучил да се ожени, што ги изненади сите. Ендрик се ожени со Габриели Миранда која е пет години постара од него.
Ендрик пред два месеци го прослави 18-тиот роденден, со одлуката да се ожени ги изненадил и родителите.
Congratulations to Endrick as he reveals he has got married to his partner Gabriely Miranda 💍🇧🇷 pic.twitter.com/ztytoje51m
— CentreGoals. (@centregoals) September 16, 2024
Бразилските медиуми пишуваат дека родителите на Ендрик се противеле на бракот Габриела, сметале дека е тој се уште е премлад за таков чекор, а очигледно не се премногу воодушевени од неговиот избор.
Тие се запознале кога Ендрик имала само 16 години и веднаш почнале да кружат гласини дека таа била со него за неговите пари.
Endrick with his partner.
Congratulations! 🤍 pic.twitter.com/O7CcMmtSVw
— Madrid Xtra (@MadridXtra) September 16, 2024
Одлуката Ендрик и Габриела да се венчаат била апсолутно изненадувачка за јавноста во Бразил бидејќи многумина веруваа дека нивната романса нема да трае толку долго.
Иако родителите на Ендрик биле против бракот, тој ги игнорирал нивните совети и решил да се ожени. Не е прв пат Ендрик да прави работи сам и спротивно на советите на родителите, а тие се плашат дека нивниот син премногу го искористуваат.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Рикиардо би можел да го напушти тимот по ГП во Сингапур
Возачот на РБ, јуниорскиот тим на Ред Бул, Даниел Рикиардо изјави дека не е сигурен дали ќе остане во тој тим до крајот на сезоната во Формула 1 по трката во Сингапур.
Договорот на Рикиардо истекува на крајот од сезоната, но има шпекулации дека по неделната трка во Сингапур, тој би можел да биде заменет со Лиам Лосон во последните шест трки од сезоната на тимот РБ.
„Знам како е и како оди и знаев дека ќе има некои датуми и датуми оваа година, без разлика дали е летниот распуст или сега по Сингапур. Мислам дека има уште многу неизвесност. Ќе видиме како ќе помине викендот Ќе дадам се од себе, за се што имам секогаш има за што да се борам, планот е да се обидам да стигнам до подиумот“, изјави Рикиардо.
35-годишниот австралиски возач се врати во Формула 1 кон средината на минатата сезона со РБ, но не успеа да се врати во добра форма и сега е 14-ти во генералниот пласман кај возачите, со 10 поени помалку од тимскиот колега Јуки Цунода.
Запрашан дали трката во Сингапур може да биде негова последна, со оглед на условите на договорот, Рикиардо рече дека не мисли така.
„Но, јас исто така не сакам да почнам овде и да бидам адвокат. Би одговорил на прашањето – не, но знаеме како функционира овој спорт. Не сакам да кажам дека останувам и „100 проценти се обложувам на тоа Она што е лудо во врска со овој спорт е дека ако сум на подиумот овој викенд, веројатно ќе бидам еден од најпопуларните“, рече тој.
Рикиардо додаде дека работите брзо се менуваат во Формула 1, дека е свесен дека ситуацијата се вжештува, но дека ќе се концентрира на своите перформанси и ќе даде се од себе.
Големата награда на Сингапур се вози во недела од 14 часот.
Спорт
Карвахал се закани со штрајк: фудбалерите никој ништо не ги прашува
Дани Карвахал, легендата на Реал Мадрид и на шпанската репрезентација, клучен играч за освојување на европските титули за клубот и репрезентацијата, откри дека фудбалерите планираат радикален протест поради зголемениот број на натпревари.
„Штрајкот поради премногу натпревари во текот на сезоната е опција, можност што ние играчите ја разгледуваме. Никој ништо не не прашува, воопшто не ни обрнуваат внимание и затоа мораме да го кренеме гласот“, изјави тој за популарната радио емисија „Тоемпо де Хуего“.
Играчите во врвните клубови и репрезентации се револтирани што и онака пренатрупаниот распоред на натпревари е зголемен оваа сезона. На пример, Реал на Карвахал одигра 55 натпревари минатата сезона.
Поради новиот формат на Лигата на шампионите и на клупското СП, би можеле да одиграат над 70 натпревари Ако на тоа се додаде дека репрезентацијата на Карвахал од минатото до ова лето одиграа дури 18 натпревари, јасно е зошто е шпанскиот ас е уште еден од низатта фудбалери кои јавно го искажаа своето незадоволство.
Спорт
Флик: Можеме да ја освоиме Лигата на шампионите
Барселона го започнува овогодинешното учество во Лигата на шампионите со гостувањето во Монте Карло кај Монако.
Каталонците одлично го започнаа шпанското првенство, во првите пет натпревари имаат исто толку победи.
Германскиот стручњак Ханси Флик смета дека неговиот тим може да оди до крај во елитното европско натпреварување.
„Верувам дека можеме да стигнеме до титулата во Лигата на шампионите. Тоа е секогаш цел на најголемите клубови. Лигата на шампионите е најсилното натпреварување во светот, а јас сум убеден дека Барса може да игра и да ги победи сите“, изјави Флик.