Спорт
Почина Салваторе „Тото“ Скилачи
Херојот на Италија од Светското првенство во 1990 година, легендарниот Салваторе „Тото“ Сцилачи, почина на 59-годишна возраст по долга борба со ракот.
Скилачи својот најблескав момент во кариерата го доживеа на споменатото Светско првенство во дресот на Италија, благодарение на неговите голови Азурите го освоија третото место. Тото беше најдобра стрелец на СП во 1990 година.
Поранешниот голгетер на Јувентус и Интер пред една недела беше пренесен во болницата „Цивико“ во Палермо на дополнителни прегледи, со оглед на тоа што претходно му беше дијагностициран тумор на дебелото црево.
Скилачи потоа доби тешка пневмонија и оттогаш бил на терапија со високопроточен кислород.
„Збогум Тото Скилачи, напаѓачот на магичната ноќ го нема“, со овие зборови „Газета дело Спорт“ се прости од легендарниот напаѓач.
Скилачи е роден во Палермо во 1964 година, се ожени двапати, со Рита и Барбара, а зад себе остави три деца, Џесика, Матија и Никола.
Одличниот напаѓач играше фудбал во Месина каде стана икона на клубот со над 200 натпревари и 61 гол. Во тоа време, еден од неговите тренери беше Чехот Зденек Земан, кој од него направи врвен напаѓач. Скилачи во последната сезона во клубот постигна 23 гола.
Потоа следуваше трансфер во Јувентус, постигна 15 гола на првите 30 натпревари од сезоната, а беше еден од најзаслужните за освојувањето на Купот на Италија и Купот на УЕФА. И тогаш, на врвот на кариерата, му се случи Светското првенство во Италија во 1990 година.
Светско првенство Скилачи го заврши како најдобар стрелец со шест гола, прогласен е и за најдобар играч на турнирот. Тој турнир беше негово животно дело.
Голот за 2:1 против Англичаните и го донесе на Италија третото место на Светското првенство.
Скилачи после тоа никогаш не блесна во дресот на Италија. До крајот на репрезентативната кариера постигна само уште еден гол, против Норвешка во квалификациите за ЕУРО 1992 година.
Од Јувентус во 1992 година се пресели во Интер. За клубот од Милано во две сезони одихгра 30 натпревари, постигна 11 голови. Кариерата ја заврши во Јапонија, во дресот на Ивата во 1997 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Бенфика на турски погон победи во Белград, Баер го декласира Феенорд
Бенфика и Баер Леверкузен со победи стартуваа во новата сезона во Лигата на шампионите.
Бенфика славеше во Белград против Црвена звезда со 2:1, а Леверкузен рутински го порази Феенорд со 4:0.
Црвена звезда ја надигра Бенфика во Белград, но победата ја однесе тимот од Лисабон. Лошите десет минути од почетокот на мечот ја однесоа Црвена звезда во пораз.
Актуркоглу во деветта минута ја искористи бавната реакција на Круниќ. Од тј момент домаќинот притисна, но налетот го одби Кокчу со перфектно изведен слободен удар.
Во вториот дел црвено-белите притискаа, го надиграа и наттрчаа противникот, но успеаја да постигнат само еден гол, во 86.минута кога погоди Милсон.
Германскиот првак Баер Леверкузенза едно полувреме го декласира Феенорд во Ротердам. Два гола постигна Вирц, еден Грималдо, а како шлаг на победата дојде комичниот авто-гол што си го постигна голманот на Феенорд.
Спорт
Рикиардо би можел да го напушти тимот по ГП во Сингапур
Возачот на РБ, јуниорскиот тим на Ред Бул, Даниел Рикиардо изјави дека не е сигурен дали ќе остане во тој тим до крајот на сезоната во Формула 1 по трката во Сингапур.
Договорот на Рикиардо истекува на крајот од сезоната, но има шпекулации дека по неделната трка во Сингапур, тој би можел да биде заменет со Лиам Лосон во последните шест трки од сезоната на тимот РБ.
„Знам како е и како оди и знаев дека ќе има некои датуми и датуми оваа година, без разлика дали е летниот распуст или сега по Сингапур. Мислам дека има уште многу неизвесност. Ќе видиме како ќе помине викендот Ќе дадам се од себе, за се што имам секогаш има за што да се борам, планот е да се обидам да стигнам до подиумот“, изјави Рикиардо.
35-годишниот австралиски возач се врати во Формула 1 кон средината на минатата сезона со РБ, но не успеа да се врати во добра форма и сега е 14-ти во генералниот пласман кај возачите, со 10 поени помалку од тимскиот колега Јуки Цунода.
Запрашан дали трката во Сингапур може да биде негова последна, со оглед на условите на договорот, Рикиардо рече дека не мисли така.
„Но, јас исто така не сакам да почнам овде и да бидам адвокат. Би одговорил на прашањето – не, но знаеме како функционира овој спорт. Не сакам да кажам дека останувам и „100 проценти се обложувам на тоа Она што е лудо во врска со овој спорт е дека ако сум на подиумот овој викенд, веројатно ќе бидам еден од најпопуларните“, рече тој.
Рикиардо додаде дека работите брзо се менуваат во Формула 1, дека е свесен дека ситуацијата се вжештува, но дека ќе се концентрира на своите перформанси и ќе даде се од себе.
Големата награда на Сингапур се вози во недела од 14 часот.
Спорт
Карвахал се закани со штрајк: фудбалерите никој ништо не ги прашува
Дани Карвахал, легендата на Реал Мадрид и на шпанската репрезентација, клучен играч за освојување на европските титули за клубот и репрезентацијата, откри дека фудбалерите планираат радикален протест поради зголемениот број на натпревари.
„Штрајкот поради премногу натпревари во текот на сезоната е опција, можност што ние играчите ја разгледуваме. Никој ништо не не прашува, воопшто не ни обрнуваат внимание и затоа мораме да го кренеме гласот“, изјави тој за популарната радио емисија „Тоемпо де Хуего“.
Играчите во врвните клубови и репрезентации се револтирани што и онака пренатрупаниот распоред на натпревари е зголемен оваа сезона. На пример, Реал на Карвахал одигра 55 натпревари минатата сезона.
Поради новиот формат на Лигата на шампионите и на клупското СП, би можеле да одиграат над 70 натпревари Ако на тоа се додаде дека репрезентацијата на Карвахал од минатото до ова лето одиграа дури 18 натпревари, јасно е зошто е шпанскиот ас е уште еден од низатта фудбалери кои јавно го искажаа своето незадоволство.