Македонија
Коцевски на регионална конференција на јавните обвинители за постапките за воени злосторства

Јавниот обвинител на Реублика Северна Македонија Љупчо Коцевски, и претседателот на Здружението на јавните обвинители, Елвин Вели, на покана на домаќинот – црногорското Врховно државно обвинителство, учествуваа на регионална конференција на јавните обвинители за соработка во постапките за воени злосторства, што се одржа во Подгорица.
На конференцијата, организирана со поддржа од Прогрмата за развој на Обединетите нации (УНДП) и проектот – поддршка од ЕУ за градење доверба на Западен Балкан, се дискутираше за проблемите, предизвиците и постигнатиот напредок на регионалната соработка во постапките за воени злосторства, но и за квалитетот на доказниот материјал во ваквите случаи.
Јавните обвинители дискутираа и за постапувањето по предмети за кривични дела на сексуално насилство поврзано со конфликт.
„Како Јавно обвинителство ние немаме активни предмети поврзани со воени злосторства. Но, секако постапуваме по замолници за меѓународна правна помош, кои се однесуваат на прибирање докази за предмети во други земји. Јавното обвинителство на Република Северна Македонија исклучително сериозно и посветено постапува и ќе постапува и во иднина кон сите поднесени барања и се обидува во најкраток можен рок да ги обезбеди доказите, кои ќе овозможат ефикаен кривичен прогон на сторителите на кривични дела“, нагласи во своето обраќање јавниот обвинител на Република Северна Македонија, Љупчо Коцевски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Нема подолги задржувања за влез и излез од државата

Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е зголемен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Делови од Центар, Аеродром и Ѓорче Петров денеска без струја

Од ЕВН Македонија АД известуваат дека поради технички зафати во електродистрибутивната мрежа денеска, без електрична енергија ќе останат:
· од 08:00 до 14:00 часот, корисниците од улицата Јосиф Јосифовски Свештарот, општина Центар;
· од 08:00 до 15:00 часот, корисниците од улиците: 1 , 2, и 3 во село Долно Лисиче, општина Аеродром;
· од 08:00 до 15:00 часот, корисниците од дел од ул. 3-та Македонска Бригада, поточно објектите во околината на СУГС Владо Тасевски, oпштина Аеродром;
· од 09:00 до 13:00 часот, корисниците од дел од ул. Црногорска, општина Ѓорче Петров.
Македонија
Претежно сончево и топло, максималната температура до 37 степени

Времето денеска ќе биде претежно сончево и топло. Ќе дува слаб до умерен ветер од јужен правец.
Минималната температура ќе биде во интервал од 7 до 17, а максималната ќе достигне од 30 до 37 степени.
Во Скопје, сончево и топло со слаб до умерен ветер од јужен правец. Минималната температура ќе се спушти до 13, а максималната ќе достигне до 37 степени.
Времето во наредните денови
Во сабота попладне, во текот на ноќта и во недела претпладне ќе биде нестабилно со локален пороен дожд и грмежи. Ќе дува умерен, наместа засилен јужен, а во недела северозападен ветер, кој ќе услови опаѓање на дневната температура. Потоа следува период на стабилно и потопло време.