Спорт
(Видео) Билансот на „Виенскиот срам“, се бројат повредени полицајци
Големото дерби меѓу виенските ривали Австрија и Рапид мина во сенка на жестоко насилство на хулиганите на двата клуба.
Натпреварот заврши со победа на домаќинот Рапид (2:1), кој со тоа го зазеде првото место на табелата. Ден по дербито ретко кој зборува за играта, головите, убавите потези.
Според официјалниот полициски извештај, шестмина припадници на оваа служба биле повредени при големите немири кои се случиле на самиот терен, каде се судриле хулиганите на двата клуба.
Вкупно во текот на вечерта во болницата помош побарале девет лица.
Ситуацијата, да потсетиме, ескалира кога најжестоките приврзаници на Рапид, многумина со маски, истрчаа кон гостинската трибина, вооружени со стапови и пиротехнички средства, целосно подготвени за напад. Нивните соперници веднаш реагираа, па тој дел од теренот се претвори во вистинско бојно поле.
Австриските медиуми во преден план го потенцираат и отсуството на каква било реакција од страна на редарите, кои стоеја на страна и го следеа судирот на хулиганите“.
И полицијата не реагираше веднаш, туку тргна во акција неколку минути по најсилниот судир на хулиганите, што беше тема и на австриските медиуми.
„Поразот на виенскиот фудбал“ е можеби најдобриот опис на страниците на „Курир“ по се што се случи во неделата вечерта на стадионот Рапид.
22/09/2024 Austria 🇦🇹 Rapid Wien – Austria Wien pic.twitter.com/zDJLiFYirr
— 𝐂𝐚𝐬𝐮𝐚𝐥 𝐔𝐥𝐭𝐫𝐚 𝐎𝐟𝐟𝐢𝐜𝐢𝐚𝐥 (@thecasualultra) September 22, 2024
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ди Канио: Дали е ова шега? Ова е исто како со Алегри
Јувентус на Тиаго Мота нема примено гол во првите пет натпревари во Серија А ја сочува мрежата. Јувентус стартуваше со две победи, па одигра три пати без голови.
Јувентус не прима голови, но течко ги постигнува, само шест гола во пет натпревари. На оваа тема дебатираа Паоло ди Канио и Алесандро Костакурта .д дебатираат за тоа што направил младиот тренер.
Ди Канио истакнува дека ова тимот не направил никаков прогрес во однос на ерата на Масимилијано Алегри.
„Сето ова е ново, се уште се на почетокот. Но, сега ја фалиме одбраната. Ме потсетува на нешто. Дали е ова шега? Јувентус е ист како под Алегри. И тој беше критикуван за неговиот дефанзивен стил, но резултатите на Мота не се разликуваат. Мора да бидеме сериозни, се очекуваше повеќе“, Ди Канио.
Спорт
Федерер ќе го испрати Надал во пензија
Еден од најдобрите тенисери на сите времиња, Роџер Федерер, по долго време би можел да му се врати на теренот.
Ова го соопшти менаџерот на Роџер, Тони Годсик, кој изјави дека Швајцарецот би можел да учествува во егзибициски меч против Рафаел Надал, што би било збогување на легендарниот Шпанец со активниот тенис.
„Мислам дека нема дилема околу тоа. Роџер и Рафа сакаат да работат заедно и тоа би била одлична приказна”, изјави Годсик.
Последен пат Надал и Федерер одиграа егзибициски меч во 2020 година, кога приредија встински спектакл во Јужна Африка.
Спорт
Рускиот фудбал добива милиони од УЕФА и ФИФА
Европската и светската фудбалска федерација уплатиле пари на сметката на Руската фудбалска федерација, на име на членството во овие органнизации.
Ова се парите што секоја година ги добива секоја друга Федерација во Европа и светот.
Русија и нејзините клубови, како и репрезентацијата се исклучени од сите натпреварувања под покровителство на УЕФА и ФИФА од 2022 година, но и покрај суспензијата Руската фудбалска федерација имала редовен прилив на пари.
Тамошните медиуми пишуваат дека во 2023 година Руската Федерација добила 405.813.000 рубли од ФИФА и УЕФА.
Тоа се приближно четири милиони евра.
Руските клубови веќе две години играат само домашни првенства, а репрезентацијата игра само пријателски натпревари.