Свет
Арсенал оружје пронајден кај 11-годишно момче од Флорида, подготвувало масакр во училиште, полицијата го уапси
Американската полиција објави видео и фотографија од арсенал оружје запленет од 11-годишно момче, кое подготвувало масовно пукање во училиште.
Областа за која станува збор е Волузија, Флорида, а шерифот Мајк Читвуд на прес-конференција најави дека во иднина ќе биде пракса да се објавува фотографија од уапсените ученици:
„Секогаш кога ќе апсиме, ќе бидат објавени фотографии од вашите деца и ако можам да го направам тоа, детето ќе биде спроведено со лисици“, рече шерифот, според вестите на „Ен-би-си њуз“.
Florida sheriff releases mug shot and ‘perp walk’ video of 11-year-old charged with making school shooting threat https://t.co/LNZkmQxPKF via @nbcnews
— GiGi Gator Girl (@zazzybritches) September 17, 2024
Уапсеното момче се заканувало дека ќе изврши масовно пукање во училиштето пред да биде уапсено. Во последните неколку дена беа уапсени двајца тинејџери и веќе споменатиот 11-годишник.
„Бидејќи родителите не сакаат да ги воспитуваат своите деца, јас ќе почнам да ги воспитувам“, додал шерифот.
Полицијата потврди дека уапсеното момче (11) одело во средното училиште „Криксајд“. Имал и список со имињата на оние што планирал да ги ликвидира. Момчето од Порт Оринџ е обвинето дека при видеоразговор со пријателите покажало арсенал оружје, со кој планирало да изврши масакр.
Полицијата добила анонимна дојава по што е приведено. Канцеларијата на шерифот ги објави името на детето и видеото од носењето во затвор. Меѓутоа, американските медиуми не ги објавуваат имињата на малолетниците ниту, пак, ќе ја објават фотографијата од уапсеното момче.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Километарски колони во Либан, луѓето панично бегаат: „Ова е вистинска војна“
Илјадници семејства побегнаа денеска од јужен Либан во областите кон главниот град Бејрут и планината Либан по денешните израелски воздушни напади во кои, според последните податоци, загинаа најмалку 274 луѓе, а повеќе од илјада се ранети.
Најмалку 274 лица, од кои 21 дете и 31 жена, загинаа, а 1.024 се ранети во израелските напади врз јужен Либан во понеделникот, изјави министерот за здравство на земјата на прес-конференција, пренесе Ројтерс.
Патиштата што го поврзуваат јужниот пристанишен град Тир со Бејрут се полни со колони автомобили полни со жени и деца и набрзина собрани лични работи. Повеќето од нив возат по главниот автопат Калдех кој води до јужниот влез во Бејрут.
IDF INFILTRATES LEBANON RADIO
An urgent message from the IDF broadcast on Lebanese radio: "The IDF is targeting Hezbollah military positions in your village and does not intend to harm civilians. If you are in or near a Hezbollah-used building, you must evacuate the village by… pic.twitter.com/nKdKfNe5qB
— Lucifer (@krishnakamal077) September 23, 2024
„Напади има насекаде, а звукот е застрашувачки“, изјавила жена од автомобилот за ДПА. Човек од истото возило додава дека не знаат каде одат, но дека веруваат дека е најдобро да стигнат до главниот град.
Израел објави дека извршил повеќе од 800 воздушни напади врз цели и инфраструктура на Хезболах. Владин извор истакнал дека „Израел се обидува да создаде криза со раселување со цел да го зголеми притисокот врз Хезболах“, пренесува медиумот.
Според написите, некои празни училишта во близина на главниот град веќе се подготвуваат да примат бегалци од јужен Либан. Ова го потврди и министерот за образование Абас ал Халаби, кој рече дека некои училишта во предградието на главниот град веќе ги отвориле вратите за бегалците.
Андреа Тененти, портпарол на Привремените сили на Обединетите нации во Јужен Либан (УНИФИЛ), изјави за ДПА дека несуштинскиот персонал потребен за функционирањето на УНИФИЛ е советуван да се пресели надвор од областа на операција на агенцијата на ОН.
„Нашите воени мировници и голем број цивили ќе останат тука за да ја продолжат основната мисија“, рече Тененти. Побегнатите лица како што пренесуваат светските агенции се шокирани, испаничени, исплашени и плачливи и истакнуваат дека Израел веќе започнал војна против јужен Либан.
Една од бегалците смета дека „веќе избила вистинска војна“ и додава дека „се плаши дека населението нема да се врати во своите домови“.
Свет
Портпаролот на израелската влада не одговори дали денес започна нова војна: Израел има одговорност да ја брани својата граница
Портпаролот на израелската влада Дејвид Менцер на денешната прес-конференција одби да одговори на прашање дали денешните насилни израелски напади врз цели на Хезболах во Либан значат нова војна.
Запрашан дали сегашната состојба на конфликтот може да се нарече „трета либанска војна“, тој рече: „Од 8 октомври Хезболах не престана, ниту еден ден, да не напаѓа, ниту еден ден“.
„Ниту една земја не може да прифати безобзирно гранатирање на нејзините градови“, рече тој.
Хезболах вели дека неговите напади врз Израел се знак на солидарност со Палестинците во Газа. Друг новинар праша дали денешните напади претставуваат „објавување војна“.
Менцер рече: „Израел има одговорност да ја брани својата северна граница. Тоа е она што ние го правиме“.
Свет
Објавени фотографии од Израел: „Ја избегнавме смртта за 30 секунди и три сантиметри“
Израелската телевизија „Канал 12“ разговараше со Израелецот Дуди Јицаки, кој живее во населбата Гиват Авни во Галилеја.
Тој рече дека тој и неговото семејство биле на 30 секунди и три сантиметри од смртта кога нивниот дом бил погоден од ракета на Хезболах, која исламистичките милитанти ја лансираа денеска врз Израел како одговор на силните напади врз нивните упоришта во јужен Либан.
פגיעה ישירה בתוך בית בגבעת אבני. אין נפגעים.@guyvaron pic.twitter.com/R5Rb6v6ixC
— החדשות – N12 (@N12News) September 23, 2024
„Бев среде деловен телефонски повик надвор кога се вклучи сирената. Влегов во куќата и влегов во просторија која беше зајакната со арматура. Беа 30-ина секунди, а потоа слушнавме неверојатна експлозија. Веднаш разбрав дека ракетата ја погодила куќата“, рече тој.