Свет
Гроси: Ја гледам подготвеноста на Иран повторно да се вклучи во нуклеарното прашање
Генералниот директор на Меѓународната агенција за нуклеарна енергија на ОН (МААЕ), Рафаел Гроси, изјави дека гледа поголема подготвеност на иранските власти за позначајно ангажирање со МААЕ по разговорите во Њујорк кога станува збор за иранската нуклеарна програма.
Гроси во интервју за „Ројтерс“ изрази надеж дека во октомври ќе отпатува за Техеран на средби со ирански претставници.
Гроси рече дека иранската нуклеарна програма продолжува да се развива со предвиденото темпо поради што би сакал да ги забрза напорите во наредните недели да се постави основа за разговори меѓу Иран и западните земји за иранската нуклеарна програма.
Директорот на Иранската организација за атомска енергија, Мохамед Еслами, претходно овој месец изјави дека има планови Гроси да го посети Иран, како и дека иранскиот амбасадор во МААЕ се сретнал со Гроси како дел од подготовките за посетата, пренесува „Танјуг“.
Еслами изјави дека МААЕ постојано објавува дека нема отстапувања во иранската нуклеарна програма и дека надзорот на МААЕ над иранските нуклеарни локации останува недопрен, а бројот на инспектори не е намален, туку зголемен, објави претходно иранската јавна новинска агенција „Фарс“.
Еслами отфрли каков било политички притисок или принуда во врска со прифаќањето на инспекторите на МААЕ тврдејќи дека Иран има законско право да прифати или одбие кој било инспектор.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Израел им порача на своите војници да бидат подготвени за можна копнена инвазија на Либан
Израелските напади врз Либан имаат за цел да го подготват теренот за можен влез на војници и да продолжат да го деградираат Хезболах, изјави командантот на израелската армија Херзи Халеви пред израелските војници, мислејќи на можна израелска копнена инвазија на Либан.
„Ова е, исто така, подготовка на теренот за можен влез во Либан и континуирана деградација на Хезболах“, рече тој пред израелската армија.
„Денеска Хезболах ги прошири своите напади, а подоцна денеска ќе добие многу силен одговор. Подгответе се. Ќе продолжиме, нема да застанеме, ќе продолжиме да ги удираме насекаде. Целта е многу јасна, безбедно да се вратат Израелците на северот на земјата“, додаде тој.
Израел веќе трет ден гаѓа цели на Хезболах во Либан со интензивни воздушни напади. Речиси 700 луѓе загинаа во нападите, а стотици беа повредени.
Свет
Ердоган: Предлогот на Украина за влез во НАТО не е прашање што треба да се избрзува
Турскиот претседател Реџеп Таип Ердоган денеска изјави дека предлогот на Украина за влез во НАТО не е прашање што треба да се „избрза“ и дека односите меѓу Турција и Русија ќе продолжат да се развиваат.
„Тоа се прашања што не треба да се избрзуваат и кога разговараме и кога донесуваме одлука, секогаш ја земаме предвид позицијата на другите земји-членки на НАТО, разговараме за овие можни прашања на маса и соодветно ја донесуваме конечната одлука“, рече Ердоган во интервју за NBC на маргините на Генералното собрание на ОН во Њујорк.
Ердоган досега го блокираше членството на Украина во НАТО, истовремено барајќи од Шведска и Финска да го променат ставот кон курдските бунтовнички групи кои Турција ги смета за терористички.
Претходно овој месец, Ердоган рече дека полуостровот Крим треба да се врати под украинска контрола и дека Украина мора целосно да го врати својот територијален интегритет.
Регион
Вучиќ: „Просечната плата во декември ќе биде 900 евра, за само 10 години три пати повеќе“
Српскиот претседател Александар Вучиќ зборуваше од Њујорк и истакна дека просечната плата во Србија во декември ќе биде 900 евра, што е трипати повеќе за 10 години.
„Мораме да притискаме, добро е што се носи ребалансот, наскоро ќе влезе во буџетот, се надевам дека министрите ќе ги намалат апетитите, дека ја имаме стапката на јавниот долг под контрола. Се надевам дека дефицитот нема да надмине три проценти“, додаде Вучиќ.
Вучиќ истакна и дека платите во Србија растат.
Платата на наставниците беше околу 30.000 динари, денес е околу 100.000 динари без надоместоци за стаж и други додатоци“, рече Вучиќ.