Скопје
Кирков: Со Данела Арсовска и нејзините кадри за директори од најголема атракција Зоолошката во Скопје се претвори во хорор приказна

„Мојот збор ќе се однесува за годишната програма за вработување во Зоолошката Градина. Навистина ми е жал што немаме претставник од Зоолошката Градина што говори и за тоа каква почит имаат и кон овој совет и кон сите нас советници кои сме денес тука. Замислете со доаѓањето на Данела Арсовска и нејзините кадри како директори кои ги менува како гинис, од нај посетувана установа Зоолошката градина, зоолошка која беше атракција во регионот која привлекуваше голем број туристи за само три години Арсовска и нејзините кадри направија зоолошката градина да изгледа на една хорор приказна“, кажа Стефан Кирков на денешната седница на Град Скопје и додаде:
„Наместо иновации таму умираат животни,повеќе од 40 егзотични животни за 2,5 години смртност, имаме инциденти, труење на животни, имаме животни затруени од салмонела од неисправна храна имаме незгоди, зоолошката стана небезбедно место и замислете се бара програма каде што се бараат нови вработувања. За кого еве ќе се обратам до Градоначалничката за кого се бара нови вработувања кога ние имаме повеќе од половина празни кафези? Во програмата пишува се бара ЗОО негуватели, за кого? Зоолошката градина според мене треба да добие нов менаџмент, и наместо овој директор и овој менаџмент да размисли дека треба да ја напушти оваа позиција и да отстапи место на некој кој навистина ќе знае и умее да донесе инвестиции во зоолошката да го врати сјајот тие бараат нови вработувања. Сметаме дека тука се работи за тешки манипулации и злоупотреба само за да се добијат вработувања. Сметам дека не треба да се дозволи вработувања, ова што се случува во моментот не му доликува на Скопје и најстарата зоолошка градина. Директоре и Градоначалничке време е да превземете нешто или да си заминете“, истакна Кирков.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Градоначалникот Стефковски: Изминатите три години успеавме да го вратиме спортот насекаде во општина Гази Баба

Вчеравечер се одржа првиот тематски настан на тема „Гази Баба за спортот“ на кој беа презентирани постигнатите резултати во областа на спортот во мандатниот период 2021 – 2025 година под раководство на градоначалникот Бобан Стефковски.
Пред присутните во своето обраќање, градоначалникот Стефковски ги истакна реализираните проекти во оваа област, а вооедно и ја најави реализацијата на проектите кои ќе следуваат во следниот период.
„Изминатите повеќе од три години успеавме да го вратиме спортот насекаде низ општина Гази Баба. Инвестиравме во спортската инфраструктура како никогаш претходно. Изградивме 27 спортски терени на најсовремена тартан подлога, а во деновите пред нас ќе изградиме уште 8 нови терени со тартан подлога. Изградивме и 5 спортски терени на подлога од вештачка трева, а за скоро од денес ќе изградиме уште 3 нови терени. За прв пат во општина Гази Баба изградивме 6 фитнес зони, а наскоро ќе изградивме уште 3 нови зони. Преку изградбата на нови училишни спортски сали обезбедуваме услови за реализација на часовите по физичко и здравствено образование. Изградивме училишни спортски сали во Булачани и Стајковци, а во тек е изградбата на нова сала во Црешево. Дополнително изградивме и два нови спортски комплекси во Стајковци и Хиподром кои соддржат терени за различни категории на спорт. Посебно сакам да ја истакнам финансиската поддршката која ја доделува општина Гази Баба на спортските клубови и индивидуалните спортисти. Во изминатите четири години доделивме 40 милиони денари директна финансиска поддршка за спортот во општина Гази Баба“, истакна Стефковски.
Тој пред присутните наведе дека сите спортски клубови и спортисти од Гази Баба се дел од победничкиот тим кој тој го предводи.
„Денес сите ние сме тука како еден голем победнички тим. Во нашиот тим се клубовите од сите категории на спортови, тренерите и играчите, таеквондистите и каратистите, фудбалерите, кошаркарите и други. Тука се и учениците и наставниците. Заедно тренираме и се натпреваруваме, едноставно заедно победуваме. На спортските терени има спортисти кои доаѓаат од различни средини, зборуваат на различни јазици и одат во различни храмови. Но сите овие разлики стануваат неважни, бидејќи сите ние заеднички во победите се радуваме, а во поразите тагуваме“, заклучи Стефковски.
На настанот беа доделени плакети на спортисти од општината кои во изминатиот период имаат постигнато врвни спортски успеси во Република Македонија но и надвор од неа. Плакети во знак на признание добија: Милијана Релиќ, Александар Илиевски, Марко Стојковиќ, Теодор Николовски, Андреј Митревски и Максим Митровски.
За успешна соработка во изминатите години, беа доделени плакети и на претседателите на ракометната федерација, таеквондо федерацијата и атлетската федерација на Македонија, како и на селекторот на ракометната репрезентација на Македонија Кирил Лазаров.
На настанот присуствуваа претставници на сите спортски клубови, спортисти, пратеници во Собранието на Република Македонија, членови на Советот на општина Гази Баба и други граѓани од општината.
Македонија
Герасимовски: „Дебарца” се реконструира, вложуваме во побезбеден и поквалитетен сообраќај

Општина Центар започна со реконструкција на улицата „Дебарца”, на потегот од улицата „Ленинова” до студентскиот дом „Кузман Јосифовски – Питу“. Се реконструира делница во должина од 220 метри, со целосна санација на коловозната површина од 1.700 квадратни метри, како и обновување на тротоарот од едната страна со површина од 1.000 метри квадратни, извести општина Центар.
„Продолжуваме со реконструкција и санирање на повеќе улици во општината согласно зацртаната програма. Приоритет ни е модерна и квалитетно изведена патна инфраструктура за побезбеден и полесен сообраќај”, изјави градоначалникот Горан Герасимовски.
Овој дел од улицата е во амортизирана и дотраена состојба, со сериозни оштетувања што го отежнуваат нормалното одвивање на сообраќајот. Со реконструкцијата значително ќе се подобрат условите за движење и безбедноста, а ќе се придонесе и за поквалитетно урбано уредување на просторот.
Средствата за реализација се дел од поддршката што Општина Центар ја доби од претходната Влада, во износ од 40 милиони денари, наменети за реконструкција на улиците „Светозар Марковиќ“ и „Дебарца“. Според предвидената динамика, се очекува работите да завршат за два месеци, соопштуваат од општина Центар.
Македонија
Изгаснат пожарот спроти Клиничкиот центар во Скопје, изгоре возило

Изгаснат е пожарот спроти Клиничкиот центар во Скопје.
Во пожарот изгоре возило, а густиот чад се гледаше и од центарот на градот.
На терен излегоа полицијата и противпожарните служби.
Повеќе детали се очекуваат во текот на денот.