Свет
(Видео) По повеќе од две години се огласи Меланија Трамп: Достигнувањата на Бајден и Харис зборуваат сами за себе, но не на добар начин
Достигнувањата на американскиот претседател Џозеф Бајден и американската потпретседател Камала Харис „зборуваат сами за себе“, а не на добар начин, изјави Меланија Трамп.
Меланија Трамп за Фокс њуз, запрашана за коментар за фактот дека Харис го замени Бајден како кандидат на Демократската партија на претстојните избори, рече дека земјата се соочува со многу предизвици под нивното раководство, што е во целосна спротивност со времето кога на функцијата беше нејзиниот сопруг, објави Њујорк пост.
„Земјата страда. Луѓето не можат да купат основни потреби за своите семејства. Имаме војни низ целиот свет. Војниците умираат. Тие загинаа под оваа управа поради лошото раководство. Границата е отворена и опасна. Многу е тешко да се гледа тоа“, изјави таа за Фокс њуз.
Според неа, економијата навистина не е сјајна.
„Инфлацијата е висока и ако ги споредиме овие четири години под оваа администрација во споредба со четирите години под мојот сопруг како врховен командант, тој ја водеше земјата низ мирот, преку силата“, рече таа.
„Немавме војни. Луѓето напредуваа. Тие имаа работа. Тие можеа да ги издржуваат своите семејства, така што мислам дека американскиот народ треба да одлучи што навистина сака“, рече таа, додавајќи дека сè е во рацете на американскиот народ на 5 ноември.
Ова беше првото телевизиско интервју на поранешната прва дама по повеќе од две години, дадено во пресрет на нејзиното ново издание на мемоари, наречено „Меланија“.
За време на интервјуто таа се присети како дознала за двата обиди за атентат врз нејзиниот сопруг, кои се случиле за краток период од два месеци.
„Дотрчав до телевизорот и (го премотав) и го гледав. Не го видов во живо, но можеби, знаете, три минути, неколку минути подоцна. Но, кога го видов, бев, знаете, тоа беше само… Сè уште никој не знаеше. Затоа што кога ќе го видите на подот, а не знаете, не знаете што навистина се случило“, се присети Меланија.
Само два месеци подоцна, поранешниот претседател повторно се соочи со смрт на меѓународниот терен за голф Трамп во Вест Палм Бич, Флорида, кога цевката од огненото оружје на осомничениот напаѓач Рајан Раут беше забележана во грмушките.
Меланија во тоа време била во Њујорк, но се јавила да се увери дека се е во ред и оцени дека Тајната служба завршила „фантастична“ работа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Нетанјаху во ОН: Мојата земја се бори за живот
Израелскиот премиер Бенјамин Нетанјаху денеска во својот говор на Генералното собрание на Обединетите нации изјави дека неговата земја „се бори за својот живот“ и затоа немал намера да присуствува на ОН оваа година.
Како што додаде, откако слушнал „лаги и клевети“ од ОН, сепак дошол да ја каже вистината и да се пресмета, објави „Тајмс оф Израел“.
„Израел бара мир, Израел копнее по мир, Израел создаде мир и ќе го врати“, рече Нетанјаху.
Тој додаде дека, и покрај тоа, Израел е соочен со сурови непријатели кои сакаат негово уништување и предупреди дека тие исто така сакаат да ја уништат цивилизацијата.
„Мојата земја е во војна, се бори за својот живот. Мораме да се браниме од суровите убијци. Нашите непријатели не сакаат да не уништат само нас, туку и нашата заедничка цивилизација, како и да не вратат сите во мрачното доба на тиранијата и терор“, рече израелскиот премиер, пренесе Ројтерс.
Цитирајќи зборови на поет, Нетанјаху рече дека Израел „нема да оди мирно во ноќта“, објави „Тајмс оф Израел“.
Тој рече дека светлината на Израел ќе свети вечно, а на народот и војниците на таа земја им порача да бидат силни.
„Народот на Израел ќе живее сега, утре и засекогаш“, рече тој во своето обраќање.
Тој се обрати до ОН додека Израел продолжува со нападите врз позициите на Хезболах поддржани од Иран во јужен Либан, пренесува Ројтерс.
Во својот говор Нетанјаху го обвини Иран, нагласувајќи дека Израел се брани од Техеран на седум фронта.
„Нема место во Иран до кое долгата рака на Израел не може да допре. Ова важи и за целиот Блиски Исток. Израелските војници нема да бидат јагниња за колење, далеку од тоа, тие возвратија со неверојатна храброст“, рече Нетанјаху.
Во тој момент, дел од делегациите на средбата, меѓу кои и Иранците, ја напуштија салата, пренесе Ројтерс.
Израелскиот премиер додаде дека има уште една порака за собирот како и за светот, а тоа е дека Израел победува.
„Израел ќе продолжи со дискусиите за предлозите за прекин на огнот во Либан во наредните денови“, изјави претходно денеска Нетанјаху, пренесува Танјуг.
Тој рече дека неговата земја повеќе нема да ги толерира секојдневните ракетни напади на Хезболах, пренесе АП.
Свет
Метеоролозите во Велика Британија издадоа повеќе од 180 предупредувања за поплави
Британската метеоролошка служба издаде повеќе од 180 предупредувања за обилни врнежи и поплави во целата земја, а во тек е операција за спасување на возачите заглавени на поплавениот автопат М5, објавија денеска британските медиуми.
Како што јави „Скај њуз“, поплавен е и стадионот на локален фудбалски клуб, кој апелира за помош за санирање на последиците од невремето.
Дождот, кој паѓа со денови, најтешко ги погоди северните и централните делови на Англија и Велс предизвикувајќи голем прекин на сообраќајот во Милтон Кејнс, Оксфордшир, Кембриџшир, Лестершир и Западен Мидлендс.
Свет
На светот му требаат лидери кои не се за војна, изјави Орбан за поддршката за Трамп во Охрид
Унгарскиот премиер, Виктор Орбан, смета дека поранешниот претседател и актуелен кандидат за претседател на САД, Доналд Трамп се залага за мир во светот.
Одговарајќи на новинарско прашање во Охрид за поддршката за Трамп, Орбан изјави дека ако САД сакаат да имаат претседател кој е за војна, тогаш во светот ќе има војна, а ако сакаат да има мир, треба на чело на САД да биле политичар кој е за мир, а Доналд Трамп е за мир.
Тој рече дека Унгарија уште на изборите во 2016 година била поддржувач на Трамп, без намера да се меша во американските избори, иако постои мешање во унгарските избори.
Според него, политиката на Западот денес е во рацете на еден тесен круг политичари, на една елита.
„Ако се прашаме зошто како како Запад и како ЕУ губиме, тоа е поради тој елитистички круг на застарени политичари. Тие не можат да се справат со светските предизвици, па затоа треба да поддржиме енергични политичари. Западната елита нема свежа крв, таа е стегната во тесен круг и ги губи позициите на светската политичка сцена“, изјави Орбан.