Македонија
„Македонија го доживеа најголемиот пораз со ЕУ“, велат од партијата на Љубчо Георгиевски
Како што и се очекуваше, Македонија го доживеа најголемиот пораз од времето кога прва во регионот како најуспешна држава во својот развој го отпочна процесот на приклучување кон европското семејство, велат од ВМРО Народна партија.
Од таму потсетуваат дека Република Македонија уште во 2001 година прва го потпиша договорот за стабилизација и асоцијација со Европската унија која го навести патот кон кој, како што истакнуваат од ВМРО-НП, доколку го задржеше приматот на најразвиена држава во Западен Балкан на наредниот самит ќе ги отворевме првите кластери на преговорите со ЕУ.
„Освен што од моментов на Северна Македонија и претстои многу тежок период, загрижуваат и пораките на премиерот Мицковски во кој самиот упатува порака со „не благодарам“ кон Европската унија на коментарот дека за отпочнување на преговорите со С. Македонија е потребно почитување на одредбите од преговарачката рамка уредени со договор токму помеѓу Северна Македонија и Европската унија, а не како што велат од Владата, со Република Бугарија“, соопшти ВМРО-НП.
„Наместо уште веднаш да се отпочне со процес на помирување и исполнување на договорените обврски помеѓу Северна Македонија и Европската унија и што побрзо отворање на првите кластери за отпочнување на преговорите, Владата со нови проблеми пробува да го „откочи“ веќе закочениот процес без притоа да реагира на последиците кои денешните генерации најмногу ќе ги почувствуваат на своја кожа“, се додава во соопштението на ВМРО-НП.
Патот на Албанија за пристапување во ЕУ ќе биде одвоен од Северна Македонија, а првите преговарачки кластери ќе бидат официјално отворени на 15 октомври.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Николоски – Залаи Бобровницки: Македонија активно учестува со регионалните иницијативи и дава значаен придонес за регионалниот развој
Македонија останува цврсто на определбата активно да учествува во промоција и зачувување на мирот и стабилноста во регионот. Како земја членка на НАТО алијансата овозможуваме континуиран придонес за зајакнување на глобалната и трансатлантска безбедност, потенцираше заменик претседателот и министер за транспорт Александар Николоски на средбата со својот колега од Унгарија, министерот за одбрана, Криштов -Залаи Бобровницки.
Билатералната средба што денеска се оддржа во Охрид е во рамки на официјалната посета од страна на делегацијата на Владата на Унгарија која ја предводи проемиерот Викот Орбан.
На средбата беше истакната одличната соработка во делот на одбраната меѓу двете земји, како значаен сегмент во остварување на целите на НАТО алијансата и обезбедување на мирот и безбедноста на глобано ниво.
Македонија активно учестува со регионалните иницијативи кои се од особена важност за меѓусебната соработка и дава значаен придонес за регионалниот развој, истакна заменик претседателот Николоски.
Притоа тој ја изрази цврстата заложба на Владата во остварување на реформските процеси во земјава и исполнување на критериумите за членство во Европската Унија.
“Билатералните односи со Унгарија се на одлично ниво, посетата на премиерот Орбан со министрите е само потврда на силната поддршка што ја овозможува Унгарија за Македонија во остварување на стартешките цели на земјата. Со колегите министри разговаравме за бројни политички и економски прашања, нови можности и соработки меѓу двете земји. Унгарија е наш долгогодишен пријател и партнер и поддршката што ја овозможува за нашиот европски пат е значајна во ова време и се надеваме дека периодот што следи ќе имаме нови заеднички иницијативи и соработки во различни области”- истакна по средбата заменик претседателот и министер за транспорт, Александар Николоски.
Двајцата соговорници се согласија за интензивирање на соработката во области од заеднички интерес за двете земји.
Македонија
Цветановска: Бараме да се поништи одлуката за изменување и дополнување на програмата за урбанистичко планирање на Општина Карпош
СДС, Стевчo Јакимовски и советници од листата на Левица ги интересира само бетонизација на Карпош и повеќе не се грижат ниту за закони, ниту за постапки, ги интересираат само криминал и пари, истакна Благица Цветановска од ВМРО-ДПМНЕ на денешната прес-конференција.
-На вчерашната седница на Советот на Општина Карпош Јакимовски и СДС се обидоа, спротивно на сите законски норми и процедури, да протнат точка, Предлог – Програма за изменување и дополнување на Програмата за урбанистичко планирање за 2024 година. Оваа програма, воопшто не е донесена ниту пак е објавена во Службен гласник на Општина Карпош, за сега истата да се менува и дополнува. Оваа програма Јакимовски, СДС и Левица неколку пати се обидуваа да ја поминат насилно во Советот на Карпош, но во тоа не успеаја благодарејќи на активностите на нашата советничка група, изјави Цветановска.
-Зошто го прават ова вака со програмата по секоја цена? Бидејќи ако нема програма, нема простор за нивните криминални ДУП-ови и нема исполнети барања и нарачки од градежната мафија. Ваквото работење е спротивно на законите во Македонија, против сите процедури и постапки, за што денеска поднесовме претставка до Инспекторатот за локална самоуправа, каде бараме веднаш да интервенира и да ги поништи овие одлуки, нагласи на пресконференцијата, Благица Цветановска од ВМРО-ДПМНЕ.
-Воедно, бараме јавното обвинителство и сите останати институции, веднаш да отворат предмети за кршење на законските процедури, како и за злоупотреба на службена положба и овластување и да постапат. ВМРО-ДПМНЕ е вистински партнер на жителите на Карпош и ќе ги искористиме сите средства кои ни се на располагање да го спречиме урбаното дивеење на Јакимовски, СДС и поранешната Левица во Карпош, истакна во изјавата Цветановска.
Скопје
Прва фаза од асфалтирањето на улиците „9“ и „532“ во општина Илинден
Општина Илинден интензивно работи на реконструкцијата на улиците „9“ и “532“ во Марино, пришто денеска се изврши првата фаза од поставувањето на асфалт. Во оваа прва фаза асфалтирани се околу 380 метри.
Во рамки на градежните работи се врши целосна реконструкција на улицата во должина од околу 820 метри и широчина 6 метри, реконстукција на тротоар во должина од 450 метри како и зафаќање на атмосферските води од коловозот. Улица е од големо значење бидејќи претставува главна сообраќајница во општината што ги поврзува сите населни места. За време на реализација на градежните работи на улицата е воспоставен времен режим на сообраќај, кој го спроведува фирмата изведувач на активностите на терен Филип инжинеринг Дооел Скопје.
„Во наредниот период Општина Илинден ќе продолжи со инвестиции за подобрување на локалната патна инфраструктура се со цел да им се овозможи подобри и поквалитетни услови за живеење“, велат од Општина Илинден.