Спорт
(Видео) Трета „седумка“ во мрежата на Селтик во последните седум сезони
Шкотскиот великан Селтик во првото коло го победи Слован со 5:0, но синоќа во од Дортмунд беа испратени со седум гола во мрежата на Харт. Поразително за европскиот великан звучи фактото дека во последните седум сезони во Лигата на шампионите, три пати примиле седум, а еднаш шест гола на натпревар.
Барселона во сезоната 2016/17 ги победи со 7:0, една година подоцна загубија од ПСЖ со 7:1, минатата сезона Атлетико ги совлада со 6:0, а оваа година Дортмунд со 7:1.
Адејеми постигна хет-трик во првото полувреме и стана вториот германски играч (по Марио Гомез) кој го направил .
„Имаше моменти на мрачна комедија во мрачната ноќ кога менаџерот Брендан Роџерс седна да го процени безмилосното демонтирање на неговиот тим“, пишуваат англиските медиуми, со посебен саркастичен осврт на изјавата на менаџерот по натпреварот:
„Не бевме најдобри“…
Дортмунд ја искористи сета наивност во играта на Селтик и многубројните грешки, па крајот на натпреварот не ја отсликува вистинската ситуација. Селтик можеше да прими и двоцифрен број на голови.
„Се обидовме да играме, но бевме премногу отворени и направивме премногу грешки. Примивме лесни голови. Тешко е да се достигне нивото што го покажа Дортмунд“, изјави Брендон Роџерс, кој претрпе неколку високи порази во Европа во последните сезони.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Алкараз преку Синер до титулата во Пекинг
Карлос Алкараз ја освои титулата на турнирот во Пекинг. Во финалето, по три часа и 21 минута, Шпанецот го победи бранителот на трофејот, Јаник Синер со 6:7, 6:4, 7:6. Од понеделник Алкараз повотно ќе биде втор на АТП листата.
Алакраз трет пат сезонава го победи светскиот рекет број еден и стигна до својата четврта титула сезонава. Во меѓусебниот скор Алкараз сега води со 6:4.
Шпанецот пред Пекинг победи во Индијан Велс, Ролан Гарос и Вимблдон.
Изглучително квалитетен и незивесен меч одиграа Синер и Алкараз. Шпанецот подобро влезе во мечот, во првиот сет имеше предност од 5:2, меч топка на 6:5, а потоа уште две во тај-брејкот, а откако не ги искористи шансите, сетот му припадна на Синер.
Шпанецот успеа да изедначи откако во вториот сет успеа да направи брејк во деветтиот гем.
Драмата кулминираше во третиот сет, Алакраз направи брејк дојде до 3:1, имаше уште две брејк топки, аоткако не ги искористи Синер намали на 3:2, а птооа во следниот гем го врати брејкот.
Тај-брејкот заочна со три поени на Синер, но одговорот на Алкараз беше брутален, до крајот ги освои сите поени и дојде до трофејот.
Спорт
Милевски: Македонија се прашува за изгледот на табелата во групата
Извор/ ffm.mk
Селекторот на Македонија, Благоја Милевски го објави списокот на фудбалери на кои ќе смета за претстојните два натпревари против Летонија и Ерменија на гостински терен во Лигаta на Нации. На списокот од 25 фудбалери, дебитант е дефанзивниот фудбалер на словачка Жилина, Андреј Стојчевски.
„Што се однесува до списокот, за жал повторно имаме некои повреди на фудбалери кои беа непланирани. Трапановски нема да игра поради повреда на тренинг. Ќе мора да паузира четири до шест седмици. Се надевам дека Трајковски ќе биде подготвен и ќе ни биде на располагање. За жал, Дарко Велковски нема клуб и жалам што не е во посакуваната форма. Не сум задоволен од статусот на Елези во тимот на Бохум. Тој е професионалец и ќе даде сè од себе да се наметне во клубот. Потребен ни е таков играч, беше со нас на минатите собири и се разбира дека сметаме на него во иднина“, рече Милевски и поота образложи зошто во националниот тим е повикан Стојчевски.
„Имаме проблеми со дефанзивата, особено со жолти картони и поради тоа е повикан Стојчевски за да биде дел од ротацијата. Останатите се надевам дека ќе бидат здрави пред се, а потоа и способни да се стават во функција на тимот. Во моментов ми е најважно здравјето на фудбалерите. Не можеме да зборуваме за натпреварувачка форма, тимот го градиме веќе три години и не сме во позиција да го менуваме секој собир. Тие фудбалери кои се повикани се најдобри во моментот, без разлика за формата. Секогаш се тука за Македонија и тоа е најважно“.
Во овој циклус Македонија ќе гостува кај Летонија на 10.октомви и кај Ерменија три дена подоцна.
„Нè очекуваат уште четири меча, секој од нив е подеднакво важен. Сега играме на гости со Летонија и Ерменија. Ме радува фактот и се надевам така ќе остане, дека сè зависи од нас. Македонија се прашува за изгледот на табелата во оваа Лига на нации. Ќе бидеме задоволни ако и по овој собир бидеме на првото место, каде што сме сега“.
По првите две кола Македонија е водечка во групата со четири бода пред Ерменија и Летонија кои имаат по три.
Спорт
Максимовиќ воодушеви против Интер – влезе во историјата на Црвена звезда
Црвена звезда доживеа тежок пораз во Милано од Интер (4:0), во второто коло во Лигата на шампионите. Светла точка беше Андрија Максимовиќ, кој ги воодушеви италијанските новинари. Според водечките италијански медиуми, тој бил најдобриот играч на српскиот шампион.
Андрија Максимовиќ е роден во 2007 година, синоќа дебитираше во Лигата на шампионите. Со 17 години, три месеци и 26 дена стана најмладиот српски играч кој дебитирал во Лигата на шампионите.
Исто така тој е четвртиот најмлад фудбалер во тековната сезона во Лигата на шампионите.
Помлади од него се само Ајуб Буади од Лил со 16 години, 11 месеци и 15 дена и фудбалерите на Барселона Ламин Јамал со 17 години, два месеци и шест дена и Андрес Куенка со 17 години, три месеци и 20 дена.
Максимовиќ минатата недела го продолжи договорот со Црвена звезда до 2027 година.