Свет
(Видео) Американска бомба од Втората светска војна експлодира на аеродром во Јапонија, откажани повеќе од 80 лета
Американска бомба од Втората светска војна експлодира на јапонски аеродром, кој беше затрупан под такси-патеката.
Експлозијата остави голем кратер и откажа повеќе од 80 лета, но нема повредени, соопштија јапонските власти.
Во моментот на експлозијата на аеродромот „Мијазаки“ во југозападна Јапонија немало авиони во близина, соопштија властите, додавајќи дека е во тек истрага зошто експлодирала бомбата тешка 225 килограми.
Видеото снимено од блиското воздухопловно училиште покажува како експлозијата фрла парчиња асфалт во воздух.
Видеоснимката емитувана на јапонската телевизија покажа кратер на сообраќајницата, наводно со дијаметар од приближно 7 метри и длабочина од 1 метар.
🌐 Breaking News: Explosion at Miyazaki Airport? ✈️💥
This morning, an explosion was reportedly captured on the information camera at Miyazaki Airport at 7:58 AM, sending plumes of dust into the air.
The airport office has confirmed that a sinkhole was found on the taxiway… pic.twitter.com/LPwA0VKsPp
— Currently JAPAN (@Currently_JAPAN) October 2, 2024
Аеродромот „Мијазаки“ бил изграден 1943 година како полигон за обука на поранешната Империјална јапонска морнарица, од која некои од пилотите „камикаѕе“ полетале во самоубиствени мисии.
Голем број неексплодирани бомби фрлени од американската војска за време на Втората светска војна се откопани во областа, соопштија претставници на Министерството за одбрана.
Стотици тони неексплодирани бомби сè уште се закопани низ Јапонија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Новиот шеф на НАТО ненадејно дојде во Киев, разговараше со Зеленски за планот за победа
Новиот генерален секретар на НАТО, Марк Руте, беше во ненајавена посета на главниот град на Украина, Киев.
Информациите за пристигнувањето на Руте во Киев ја објави портпаролката на НАТО, Фара Дахлалах, на социјалната мрежа „Икс“, каде што сподели линк од неговата прес-конференција со украинскиот претседател Володимир Зеленски.
Mark Rutte’s first visit as NATO Secretary General @SecGenNATO is to Ukraine, and this is truly significant. It immediately and clearly outlines the priorities, highlighting where the shared values of the entire Euro-Atlantic region are being defended right now. It also… pic.twitter.com/cknjtn7SsY
— Volodymyr Zelenskyy / Володимир Зеленський (@ZelenskyyUa) October 3, 2024
Дополнителни детали за посетата на Руте не беа веднаш објавени. Зеленски на „Икс“ напиша дека разговарале за неговиот план за победа.
Руте, поранешен холандски премиер, во вторникот ја презеде функцијата нов генерален секретар на НАТО на местото на Норвежанецот Јенс Столтенберг, кој ја предводеше алијансата во изминатата деценија.
Свет
Борел: Нападот на Израел врз центарот на Бејрут е кршење на меѓународното право
Шефот за надворешни работи и безбедност на ЕУ, Жозеп Борел, рече дека израелскиот напад врз Бејрут, во кој загинаа медицински работници, е кршење на меѓународното хуманитарно право.
IDF targeted once again healthcare workers overnight, in central Beirut: 7 people including paramedics were killed.
Not only civilians are victims of attacks, including in densely populated areas, but they are deprived of emergency care.
I condemn this violation of IHL.— Josep Borrell Fontelles (@JosepBorrellF) October 3, 2024
„Во текот на ноќта ИДФ повторно ги нападна здравствените работници во центарот на Бејрут: седум лица беа убиени, вклучително и болничари. Не само што цивилите се жртви на напади, вклучително и оние во густо населените области, туку тие се и лишени од итна помош. Го осудуваме ова прекршување на меѓународното хуманитарно право“, напиша тој.
Израелски напад синоќа погоди медицински центар на Исламската здравствена организација поврзана со Хезболах. Ова беше втор воздушен напад врз центарот на Бејрут оваа недела, при што повеќето претходни напади беа ограничени на јужните предградија.
Европа
(Видео) Се запали моторот на авионот на „Рајанер“ во Италија, патниците евакуирани
Патници се евакуирани од авионот на „Рајанер“, чиј мотор се запалил на летот Бриндизи – Торино во Италија.
Локалните медиуми јавија дека избувнал пожар на моторот на летот на „Рајанер“ со број 8826, кој требало да полета од градот Бриндизи на југот на Италија кон Торино на север. Од авионот се евакуирани 184 лица.
Ryanair Boeing 737-8AS aircraft (9H-QCB) engine caught fire at Brindisi Airport, Italy, nearly 200 passengers evacuated through emergency evacuation slides .
Flight FR8826 was preparing for take-off at Brindisi Airport in Italy when flames appeared from the Right engine.
The… pic.twitter.com/UBziP9pKf0
— FL360aero (@fl360aero) October 3, 2024
Италијанската противпожарна служба соопшти дека нема повредени. Исто така, беше наведено дека сите летови на аеродромот во Бриндизи се суспендирани.