Свет
(Видео) Спасена 21-годишна девојка, ИСИС ја киднапиралa кога имала 11 години, сега е ослободена во Газа: „Хамас сексуално ме малтретира“
Израелската војска (ИДФ) вчера објави дека е спасена 21-годишната девојка, која беше заробена од Хамас во Газа повеќе од една деценија, по киднапирањето од ИСИС во Ирак. ИДФ вели дека тоа била сложена операција координирана со САД и други меѓународни актери.
Фавзија Амин Сидо изјави за Си-ен-ен дека ИСИС ја киднапиралa како дете во август 2014 година кога групата го освоила градот Синџар во северен Ирак. ИСИС егзекутира мажи и момчиња и изврши сексуално насилство и силување врз жени и девојчиња, меѓу другите злосторства.
Fawzia, a Yazidi girl kidnapped by ISIS from Iraq and brought to Gaza at just 11 years old, has finally been rescued by the Israeli security forces.
For years, she was held captive by a Palestinian Hamas-ISIS member.
She has now been reunited with her family. Her story is a… pic.twitter.com/nkVotqYdov
— David Saranga (@DavidSaranga) October 3, 2024
Сидо рече дека потоа била прошверцувана на разни локации во неколку земји во следните неколку години.
„Завршивме во кампот Ал Хол (во Сирија) пред да бидеме прошверцувани во Идлиб во 2019 година, а од таму отидовме во Турција. Во 2020 година ми договорија пасош во Турција за да можам да летам од Истанбул до Хургада, Египет, а потоа до Газа“, рече таа.
𝐀𝐟𝐭𝐞𝐫 𝐦𝐨𝐫𝐞 𝐭𝐡𝐚𝐧 𝐚 𝐝𝐞𝐜𝐚𝐝𝐞 𝐢𝐧 𝐜𝐚𝐩𝐭𝐢𝐯𝐢𝐭𝐲 𝐢𝐧 𝐆𝐚𝐳𝐚, 𝐚 𝟐𝟏-𝐲𝐞𝐚𝐫-𝐨𝐥𝐝 𝐘𝐚𝐳𝐢𝐝𝐢 𝐰𝐨𝐦𝐚𝐧 𝐡𝐞𝐥𝐝 𝐛𝐲 𝐚 𝐇𝐚𝐦𝐚𝐬 𝐭𝐞𝐫𝐫𝐨𝐫𝐢𝐬𝐭 𝐚𝐟𝐟𝐢𝐥𝐢𝐚𝐭𝐞𝐝 𝐰𝐢𝐭𝐡 𝐈𝐒𝐈𝐒 𝐰𝐚𝐬 𝐫𝐞𝐬𝐜𝐮𝐞𝐝 𝐚𝐧𝐝 𝐫𝐞𝐭𝐮𝐫𝐧𝐞𝐝 𝐭𝐨 𝐡𝐞𝐫…
— Israel Defense Forces (@IDF) October 3, 2024
Таа за Си-ен-ен изјави дека останала една година во Рафа, во јужниот дел на Газа, каде што животот бил неподнослив, раселувајќи се често од избувнувањето на војната меѓу Израел и Хамас во октомври 2023 година до вторникот кога била спасена, рече таа.
„Хамас постојано ме злоупотребуваше поради моето потекло и контакт со моето семејство, дури и отиде дотаму што го форматира мојот телефон за време на нивните истраги“, рече таа.
„Во сложена операција координирана меѓу Израел, САД и другите меѓународни актери,таа неодамна беше спасена во тајна мисија од Појасот Газа преку преминот Керем Шалом. По влегувањето во Израел, таа продолжила за Јордан преку преминот, мостот „Аленби“, и од таму се вратила кај своето семејство во Ирак“, соопшти вчера ИДФ.
ИДФ соопшти дека нејзиниот киднапер бил убиен, „веројатно за време на напад на ИДФ“ во Газа, што ѝ овозможило да избега и да се скрие.
Фавзија не го спомна нападот кога зборуваше за Си-ен-ен. Таа само рече дека во Рафа ја спасила невладина организација, на чие име не може да се сети. „Од таму ме одведоа американските власти и ми помогнаа да се вратам во Багдад“, рече таа.
САД и Ирак потврдија дека се координирале за да помогнат во евакуацијата на девојчето од Газа.
„Контактирани сме од ирачката влада, која била запознаена со фактот дека девојакта побегнала, дека е жива и дека сака да се врати дома кај своето семејство“, изјави вчера портпаролот на американската влада, Метју Милер.
„Владата на Ирак побара од нас да направиме сè што можеме за да ја извлечеме од Газа и да ја вратиме дома. Така, работевме со голем број наши партнери во регионот во последните неколку недели за да ја извлечеме од Газа“, рече Милер.
Ирачкото Министерство за надворешни работи соопшти дека Сидо била ослободена по повеќе од четири месеци напори на ирачките владини агенции, кои работеле со американските и јорданските власти.
Израелскиот дипломат Дејвид Саранга објави видео на кое се гледа средбата меѓу девојчето и членовите на нејзиното семејство. Саранга рече дека нејзиниот киднапер бил палестински член на Хамас – ИСИС.
„Нејзината приказна е потсетник на бруталноста со која се соочуваат децата езиди (етнорелигиозна група Курди), преземена без избор“, напиша Саранга.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Најмалку 14 загинати во Јабланица, објавена првата официјална информација за жртвите од поплавите во БиХ
Дарко Јукан, раководител на Секторот за односи со јавноста, потврди дека во Јабланица загинале најмалку 14 лица.
Тој објави дека се пронајдени 14 тела и дека има многу жртви, а најкритична е состојбата во областа Долна Јабланица, на патот од Мостар кон Сараево, по обилните врнежи во текот на ноќта, што предизвика одрони и свлечишта на југот на Босна и Херцеговина.
Јабланица сè уште е целосно отсечена од остатокот на БиХ. Министерот за одбрана на БиХ, Зукан Хелез, претходно изјави дека има неофицијални информации за најмалку 20 жртви во Јабланица.
Тој изјави дека се ангажирани припадници на вооружените сили на Босна и Херцеговина, полицијата и меѓународните сили, кои се на обука и дека има проблеми со прекин на комуникациите.
„Ќе побараме помош од меѓународната заедница и од другите земји“, додаде тој за „Ал џезира“.
Вооружените сили на Босна и Херцеговина ќе бидат ангажирани со полн капацитет да му помогнат на населението во поплавените подрачја, изјави министерот Хелез за „Аваз“.
„Трудницата, чие дете ѝ почина во утробата, е евакуирана од подрачјата погодени од поплавите на југот на Босна и Херцеговина и е оперирана во Мостар“, изјави Ламија Дурановиќ, директор на кантоналната болница „Д-р Сафет Муиќ“, за Радио Слободна Европа.
Свет
Руската амбасада предупредува: Америка го отвора патот за нуклеарен конфликт
Со охрабрување на Украина да ја таргетира Русија со американско оружје, САД го отвораат патот за нуклеарен конфликт, изјави рускиот амбасадор во Вашингтон, Анатолиј Антонов.
„Принуден сум уште еднаш да ве потсетам за можната одлука на Соединетите Американски Држави да ги поттикнат Украинците да користат американски системи со долг дострел за гаѓање длабоко во руска територија. Ова е сериозен чекор не само кон ескалација туку и кон патот што администрацијата го трасира за нуклеарен конфликт“, изјави Антонов за „Прв канал“.
Тој посочи дека мора да се направи сè за да се избегне нуклеарен конфликт бидејќи во таков конфликт нема да има победници.
„За ваквата одлука одговорни се центрите за одлучување, кои исто така се наоѓаат тука“, заклучи дипломатот.
Медиумите потсетуваат дека рускиот претседател Владимир Путин претходно предупреди дека Русија го задржува правото да користи нуклеарно оружје во случај на агресија врз неа, меѓу другото, ако непријателот користи конвенционално оружје – ако тоа претставува закана за виталните интереси на државата.
Регион
Исчезна пат поради порои во Босна и Херцеговина, пруга виси во воздух
Во близина на изворот Комадино, недалеку од Јабланица во Босна и Херцеговина, патот е целосно исчезнат поради пороите и одроните што го зафатија теренот. На фотографијата може да се види и како железничката пруга виси во воздухот бидејќи водата ја однела почвата под неа.
Малку претходно Планинарската служба за спасување (ГСС) Јабланица ги повика жителите да се обратат за помош и пожарникарите со заеднички сили се обидат да ги спасат загрозените од поплавите предизвикани од обилните врнежи во текот на ноќта. Потврдено е дека Јабланица е целосно блокирана.
„Полицијата нè извести дека е блокирана и пругата. Во моментот не можете да влезете или да излезете од Јабланица. Фиксните телефони работат, но мобилните немаат сигнал“, велат од ГСС.
Поради големите поплави и одрони, загрозено е голем дел од населението, а според достапните информации, има голем број повредени и исчезнати лица.