Спорт
Суарез поради Биелса се повлекол од националниот тим
Луис Суарез жестоко го критикуваше селекторот на уругвајската репрезентација Марсело Биелса и ги замоли навивачите да не им се лутат на играчите „ако нешто тргне наопаку“. Биелса минатиот мај го презеде Уругвај, а Суарез ја напушти репрезентацијата пред неполн месец.
Еден од најдобрите напаѓачи на сите времиња, стрелец на повеќе од 500 гола (постигна 195 за Барселона, 111 за Ајакс, 82 за Ливерпул, 34 за Атлетико…) го делат помалку од четири месеци до неговиот 38-ми роденден. а за два месеци му истекува договорот со Интер Мајами.
Најавувајќи го своето збогување со репрезентацијата, тој рече дека жали поради тоа и додаде: „Имам мои причини, но тешко, многу тешко“.
Тој се повлече од репрезентацијата како играч кој постигнал најмногу голови за Уругвај (69), а само Диего Годин има повеќе настапи од (143, Годин 161). Со Уругвај играше на четири светски првенства (2010, 2014, 2018, 2022), а во 2011 година со репрезентацијата ја освои Копа Америка.
Во интервју за телевизиската емисија „De fútbol se habla así“, Суарез кажа многу повеќе од претходно, па истакна дека има нови правила во комплексот на Уругвајскиот фудбалски сојуз. Според нив, вработените немаат право ниту да се поздравуваат со играчите. Со Биелса сè тргна надолу многу брзо, веќе на Копа Америка.
„Имаше ситуации кои ме повредија, но поради добрата атмосфера не сакав јавно да зборувам за нив. Неколку играчи одржаа состанок за да побараат од него барем да не поздрави. Добро утро не кажуваше кога ќе се појаваше”, откри Суарез.
„Биелса кажува убави работи на печатот, а кога бевме во Њујорк, еден ден ни забрани дури и да се поздравуваме со луѓето“, рече Суарез и откри дека разговарал со Биелса пред да се повлече од репрезентацијата:
„Разговаравме пет минути. Јас ги претставував играчите. На крајот од разговорот тој само ми рече: „Многу ти благодарам“. Ги молам луѓето да не им судат играчите ако нешто тргне наопаку. Биелса ги подели“.
Марсело Биелса е познат во фудбалскиот свет по прекарот Ел Локо или Лудиот. Тој е легендарен тренер, иноватор и револуционер и еден од највлијателните тренери на сите времиња. Пеп Гвардиола го смета за гуру, а имаше големо влијание и врз Диего Симеоне и Маурисио Покетино.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Перез: Кога ќе ги знам сите опции, ќе донесам одлука
Серхио Перез потврди дека разговарал со „неколку тимови“ за враќање на патеките следната сезона.
Мексиканецот го напушти Ред Бул на крајот од минатата сезона, шест месеци откако потпиша нов двегодишен договор со тимот.
Перес не успеа да забележи победа во 2024 година, а на подиумот беше само четири пати. Тоа беше неговата најлоша сезона откако пристигна во Ред Бул во 2021 година.
„Добив неколку повици од Абу Даби. Сезоната започна па некои работи ќе се отворат во наредните месеци“, изјави Перес за официјалната веб-страница на Формула 1.
„Кога ќе ги знам сите опции што ги имам, ќе донесам одлука. Она што ми е јасно е дека ќе се вратам само доколку предизвикот што че ми биде понуден има смисла и ако е нешто во што можам да уживам“, изјави Мексиканецот.
Во 2023 година, Перес беше втор во генералниот пласман, зад Макс Ферстапен, но самиот тој ја опишува последната сезона како „ужасна“.
Перес во кариерата возеше и за Заубер и Мекларен.
Спорт
Салах ќе чека до последен момент, но преферира трансфер во Саудиска Арабија
Мoхамед Салах (32) се уште е заинтересиран за преселба во Саудиската Про лига ова лето, пренесуваат британските медиуми. Актуелниот договор на Египќанецот со Ливерпул истекува по завршувањето на сезоната. Досега двете страни не успеаја да договорат продолжување на соработката.
Како што се повеќе се шпекулира за неговата иднина на „Енфилд“, се појавија информации дека челниците на саудиски клуб размислуваат за понуда за египетскиот крилен напаѓач, а како најсериозен кандидат за неговиот потпис се споменува Ал Хилал.
Според „Телеграф“, Салах сака да замине во Саудиска Арабија, но приоритет му е прво да слушне што има да му понуди Ливерпул. Минатата недела во египетските медиуми се појавија тврдења дека Ливерпул веќе започнал преговори со Рами Абас, агентот на Салах, за да се обиде да договори продолжување на соработката.
„Телеграф“, наведува и дека има мали шанси Салах да замине во Саудиска Арабија пред Светското клупско првенство ова лето.
Спорт
(Видео) Реал е голем клуб, ваква помош од судиите не му е потребна“
Реал Мадрид се пласира во финалето на Купот, откако по 120 минути одигра 4:4 против Реал Сосиедад. Во регуларниот дел натпреварот заврши со победа на тимот од Сан Себастијан (3:4).
Реал во 80.минута имаше минус од два гола, се врати во натпреварот со головите на Белингем и Чуамени во 82. и 86.минута, а продолженија на Сосиедад му обезбеди Ојерзабал со голот во 93.минута. Апсолутен херој на реал во продолженијата стана Ридигер кој со голот во 115.минута го постави конечниот резулта.
Иманол Алгуасил, тренерот на Реал Сосиедад, се пожали на судиите по натпреварот:
„Голот на Реал за 3:3 дојде по очигледниот офсајд на Мбапе. Јасно е дека тој беше во недозволена позиција во акцијата пред корнерот по кој беше постигнат голот. Тоа е офсајд, и тоа офсајд што секогаш се суди. Не знам зошто не беше суден во оваа ситуација. Реал Мадрид е голем клуб и не му е потребна ваква помиш од судиите. Тврдам дека овој гол да беше постигнат на дугата страна дека ќе беше поништен“.
Mbappe was offside here and confuse the Sociedad player, Madrid got a corner and score from the corner, the world knows. 🤌pic.twitter.com/bWvbtzwG1i
— Football Ferreira (@FootFerreira) April 1, 2025
Секој има право да протестира, но барањата за минимална плата синдикатите треба да ги кажат на седница на ЕСС, а не на улица, вели Дурмиши
Министерот за економија и труд, Бесар Дурмиши, ја потпишал минималната плата без согласност од Економско-социјалниот совет (ЕСС), што е законска...
Уапсени три лица од Кривопаланечко поради извршено кривично дело убиство
Вчера во 18.25 часот, полициски службеници од ОВР Крива Паланка ги лишиле од слобода 24-годишниот З.Ф., 19-годишниот С.Ф. и 44-годишниот С.Ф....
„Кој се плаши од анкетна комисија во Собранието со меѓународно надгледување“, прашува ДУИ
„Демократската унија за интеграција прашува – кој се плаши од формирање на анкетна комисија во Собранието со учество на сите...
Од денеска нова авионска линија Скопје – Париз („Орли“)
Од денеска Скопје и официјално директно се поврзува со Париз преку новата авиолинија Скопје – Париз. Утрово, на Меѓународниот аеродором...
Водостоите на сите реки во земјата се доста високи и таа тенденција се очекува да продолжи и во текот на денот
Според утринските податоци од хидролошките станици низ земјава, водостоите на сите реки низ земјава се доста високи и таа тенденција...
Поплавени куќи, магацини и индустриски објекти во Студеничани, Батинци, Пинтија и во Горно Лисиче
РЦУК – Скопје, известува дека поради врнежите од дожд, во текот на доцните попладневни и вечерните часови, дојдено е до...
Арсовска: Ѓеоргиевски, освен со фотографирање, со друго не може да се пофали, со превенција се спречуваат поплави, не со глумење спасител
„Се излеала реката во Батинци, општина Студеничани, бидејќи општинските власти не ги чистат каналите, активност која како нивна надлежност превентивно...
Сообраќајот на магистралниот пат Крива Паланка – Деве Баир нормализиран
Сообраќајот на магистралниот пат Крива Паланка – Деве Баир, кој беше во прекин поради сообраќајна незгода, е нормалзиран, извести АМСМ....
Град Скопје: Одржувањето на одводните канали и коритото на Маркова Река е во директна надлежност на општина Студеничани и Министерството за животна средина
„Согласно актуелните акти на Министерството за животна средина и просторно планирање, и актуелниот ГУП донесен во време на Коце Трајановски...
Ѓорѓиевски во Студеничани по поплавата од излеаната Маркова Река: Механизацијата е на терен и нема опасност за населението
По добивањето на информацијата за излевањето на Маркова Река во соседната општина Студеничани, градоначалникот на Општина Кисела Вода, Орце Ѓорѓиевски,...
Се излеа Маркова Река кај Батинци
Маркова Река се излеа денес по обилните врнежи од дожд. Во селото Батинци, водата е надојдена, излевајќи се на неколку...
Оставката на Папазов помина на владина седница
Владата ја прифати оставката на градоначалникот на Кочани, Љупчо Папазов. Советот на општината ќе треба да назначи в.д. градоначалник на...
„Вреди“: Посакуваме Бектеши да ја докаже невиноста, не сакаме ниту еден Албанец да биде одговорен за Кочани
Коалицијата „Вреди“ посакува ексминистерот за економија од редовите на ДУИ, Крешник Бектеши да ја докаже својата невиност во случајот со...
Обезбедувачот на Мицкоски за 50.000 евра оддавал службени тајни, приведен е
За 50.000 евра откривал полициски службени тајни од истрага. Припадникот на обезбедувањето на премиерот Христијан Мицкоски е во притвор. Од...
Кочани доби ново амбулантно возило – донација од компании
Донирано е амбулантно возило за општата болница во Кочани од страна на приватни компании. Амбулантното возило е донација на „Аутомотив...
По трагедијата во Кочани целосно се забранува употребата на пиротехниката во затворен простор
Трагедијата во дискотеката „Пулс“ во Кочани го менува Законот за прекршоците против јавниот ред и мир. Пратениците со 87 гласа „за“, без...
Нема повеќе седење дома и земање плати, потребна ни е ефикасна администрација, порача Мицкоски
„Јавната администрација не е само механизам за спроведување на законите и политиките, таа е лицето на државата, одраз на нејзината...
Трендафилов подготвен тој и сите функционери една година да земаат плата 500 евра, но уште утре минималната да се зголеми на истиот износ
Претседателот на Сојузот на синдикатите на Македонија (ССМ), Слободан Трендафилов, е подготвен една година тој и сите избрани и именувани...
(Видео) Талески: Мицкоски не може да не знае, втор обезбедувач од неговиот круг фатен во контакт со подземјето
Оваа Влада и ДПМНЕ се очигледно сериозно вмешани во криминал, а лица од најголема доверба на премиерот во континуитет се...
(Видео) Масовни кремирањa, сè мириса на смрт во Мјанмар: преживеаните во очај, луѓето клекнати на улица и плачат
Сè послаби се надежите во Мјанмар дека ќе се пронајдат живи луѓе по разорниот земјотрес од 7,7 степени според Рихтеровата...
