Спорт
Ибрахимовиќ си подари Ферари од еден милион евра
Златан Ибрахимовиќ, може да се каже, знае како да живее…
Легендарниот напаѓач во четврток на 3. октомври го прослави својот 43 роденден, а најубавиот (и најскапиот) подарок го доби од Златан Ибрахиновиќ.
Возниот парк на поранешниот шведски репрезентативец е побогат за црно „Ferrari SF90 XX Stradale“ вредно речиси еден милион евра.
Овој модел, кој е произведен во само 799 примероци, има импресивни технички можности.
За Ибрахимовиќ ваквиот начин на прославување на роденденот стана традиција во последните пет години.
Happy Birthday to Zlatan pic.twitter.com/QuB09DILDg
— Zlatan Ibrahimović (@Ibra_official) October 3, 2024
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Фудбалер фрли петарда во собата со новинарите
Роберт Алварадо, фудбалерот на Чивас и мексикански репрезентативец направи неверојатна глупост на прес-конференцијата на клубот.
Тој наводно сакал да се пошегува фрлајќи петарда во просторијата каде што биле претставниците на медиумите.
Петардата погоди еден снимател во ногата, што предизвика негодување кај новинарите, кои во знак на протест ја напуштија конференцијата.
Increíble lo que pasó hoy en Chivas, ojalá @Amauryvz tome cartas en el asunto, en casi 15 años que tengo cubriendo al equipo, JAMÁS habíamos pasado esto…!
Eso NO fue una broma, como ellos lo argumentan. Tronaron un “barreno” en la puerta de la sala de prensa con todos dentro. pic.twitter.com/CzsjPl05qk— Karina Herrera 🦮 (@chapis_herrera) October 3, 2024
Приказната набрзо се прошири на социјалните мрежи, а Алварадо ја презеде одговорноста за шегата и се извини. Тој рече дека немал намера да фрли петарда во прес-салата, туку дека сакал да се пошегува со соиграчите.
По експлозијата на петардата, новинарите ја напуштиле просторијата, но некои подоцна се вратиле да продолжат со договорените активности. Сепак, сите остро ги осудија постапките на играчот.
„Неверојатно е тоа што се случи денеска во Чивас. За речиси 15 години следење на тимот, тоа никогаш не се случило. Не беше шега“, напиша новинарката Карина Херера на Твитер.
На новинарите им се извини и раководството на Чивас, кое моментално е на 10. место на табелата.
Спорт
ФИФА загуби на суд, се подготвува ли револуција во трансферите?
Врховниот суд на Европската унија (ЕУ) пресуди дека некои правила на ФИФА за трансфери на играчи се во спротивност со законодавството на ЕУ.
Одлуката доаѓа откако поранешниот француски репрезентативец Ласана Диара правно ги оспори правилата на ФИФА по спорот со клубот кој датира од пред десет години.
Диара тврдише дека поради ограничувањата на ФИФА тој не можел да најде нов клуб откако неговиот договор со Локомотив Москва беше раскинат во 2014 година.
Правилата на ФИФА велат дека ако играчот го раскине договорот без „праведна причина“, играчот и секој клуб што сака да го потпише се заеднички одговорни за плаќање на отштета на претходниот клуб.
„Тие правила го попречуваат слободното движење на играчите и конкуренцијата меѓу клубовите. Правилата за кои станува збор се такви што го попречуваат слободното движење на професионалните фудбалери“, се вели во соопштението на судот.
Судот додаде дека сегашните правила „наметнуваат значителни правни ризици, непредвидливи и потенцијално многу високи финансиски ризици, како и големи спортски ризици за играчите и клубовите што сакаат да ги вработат и кои ги попречуваат меѓународните трансфери на играчи“.
Диара потпиша четиригодишен договор со Локомотив, кој беше раскинат една година подоцна, откако Диара не беше задоволен од намалувањето на платата.
Локомотива бараше отштета од ФИФА, а Диара поднесе противтужба, барајќи компензација за неисплатените плати.
Судот за спортска арбитража во Лозана, пресуди дека клубот го раскинал договорот со Дијара „со оправдана причина“ и на играчот му беше наложено да плати 10,5 милиони евра.
Диара тврдеше дека неговата потрага по нов клуб била попречена со правилата на ФИФА кои предвидуваат дека неговиот нов клуб ќе биде заеднички одговорен за плаќање на отштета на Локомотив.
Спорт
По Дембеле Енрике на ладење ќе го испрати и Донарума
Тренерот на Пари Сен Жермен, Луис Енрике сериозно размислува да го пресели Џанлуиџи Донарума на клупата за резерви.
Весникот „Лекип“ пишува дека Шпанецот бил бесен на Италијанецот по неговото слабо издаие во поразот од Арсенал и дека сака промена на голот.
Луис Енрике летово инсистираше да добие уште еден голман, па Русинот Матвеј Сафонов пристигна за 20 милиони евра од Краснодар.
Тој дури доби шанса на три натпревари оваа сезона, а сега повторно би можел да го замени Донарума.
Не треба да заборавиме дека во ПСЖ настапува и младиот Арнау Тенас, голман кој потекнува од академијата на Барселона, кој минатото лето дојде како слободен играч кога не доби нов договор. Тој подоцна беше херој во походот на злато на Олимписките игри во Париз.
Да потсетиме, Луис Енрике поради недисциплина и непочитување на тимот, на гостувањето кај Арсенал беше без Усман Дембеле кој остана во Париз.