Забава
Мајката на Диди: „Мојот син не е чудовиште како што го прават, тоа ми го крши срцето“
Мајката на Диди јавно го бранеше својот син, кој се соочува со низа обвинувања за сексуална злоупотреба и трговија со луѓе. Џенис Комбс, мајка на Шон Диди Комбс, даде изјава во неделата преку адвокатката Натли Г. Фигерс.
„Мојот син не е чудовиштето како што го прават и тој заслужува можност да ја каже својата страна од приказната. Срцето ми се кине кога гледам како ма мојот син му се суди не поради вистината, туку поради приказната што е создадена на лагите“, рекла Џенис, пренесува „Холивуд рипортер“.
„Да бидам сведок на она што се чини дека е јавен линч на мојот син, пред тој да има шанса да ја докаже својата невиност, е болка без зборови. Како и секое човечко суштество, мојот син го заслужува својот ден на суд, конечно да ја претстави својата страна и да ја докаже невиноста“, додаде таа.
Продолжи признавајќи дека тој можеби направил грешки во минатото, мислејќи на спогодбата со својата поранешна девојка Каси Вентура по шокантните снимки од хотелот од 2016 година, на кои се гледа како тој физички ја напаѓа. „Можеби син ми не беше целосно искрен за некои работи, како што е негирањето дека некогаш бил насилен кон поранешна девојка, кога снимките од хотелскиот надзор покажуваат поинаку“, рече таа.
„Понекогаш вистината и лагите стануваат толку испреплетени што станува страшно да се признае дел од приказната, особено кога таа вистина излегува надвор од нормата или е премногу сложена за верување“, рече Џенис.
Да потсетиме, раперот е во истражен затвор во Њујорк и е обвинет дека сексуално малтретирал жени и ги терал да учествуваат во секс-забави и да користат дрога користејќи закани и насилство. По неговото апсење, се дозна дека 120 лица планираат да поднесат тужба против него, од кои 25 биле малолетни во моментот на инцидентите што ги предизвикуваат тужбите. Едно лице имало 9 години кога се случила наводната злоупотреба.
За 24 часа излегле дури 12 илјади наводни жртви и сведоци, а Диди ги негира сите обвинувања.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Безос, еден од најбогатите луѓе во светот, открива како го почнува денот: Не сум толку продуктивен како што мислите
Џеф Безос, основачот на „Aмазон“ и еден од најбогатите луѓе во светот, откри кој утрински ритуал секогаш го следи, а кој му помага да постигне успешен ден.
Безос, чие богатство се проценува на 204 милијарди долари, беше гостин во подкастот на Лекс Фридман во декември 2023 година, каде размислуваше за неговата продуктивност и начинот на размислување што го доведе до успех.
Милијардерот објасни дека секое утро одвојува малку време да се опушти пред да започне со своите обврски. Тој објасни дека откако станува од кревет, прво пие кафе и многу споро се придвижува.
„Не сум толку продуктивен како што мислите. Читам на мојот телефон некое време, го читам весникот некое време, разговарам со Лорен, го пијам првото кафе. Се движам прилично бавно во првите неколку часа“, објасни тој.
Безос објасни дека рано си легнува и рано станува, додавајќи дека му требаат осум часа сон за да биде попродуктивен. Инаку, неговата свршеница Лорен Санчез во интервју за магазинот People откри дека омилен дел од денот и е утрото што го поминува со Безос и дека времето го поминуваат во разговор.
Забава
Кралот Чарлс првпат во животот седна на ручек, создадена историска фотографија
Кралот Чарлс воведе нова рутина во своето секојдневие, како што открива „Дејли мејл“, британскиот монарх првпат во животот почнал да одвојува време за ручек откако целиот свој живот го прескокнувал средниот оброк, наводно сметајќи го за луксуз. На интернет се шират фотографии од неговиот наводно прв ручек, а Британците одат чекор понатаму тврдејќи дека тоа е историски момент.
Кралот Чарлс исто така тврдеше дека нема доволно време во својот напорен распоред за да си дозволи време за ручек.
👑 The King has started to incorporate a light lunch into his daily schedule, according to reports
Read more here 👇https://t.co/hovtdXwzZh pic.twitter.com/IP5kavTYow
— Telegraph Royal Family (@TelegraphRoyals) October 6, 2024
По наредба на неговата сопруга, како и на советник и лекар, тој неволно почнал да јаде среде бел ден за да има доволно енергија. Кралот Чарлс, кој закрепнува од рак, инсистира дека за ручек ја има најздравата, но и најмодерна ужина што постои.
„Тој ја прифати препораката да јаде нешто за време на ручекот – всушност закуска. Јаде половина авокадо за да му даде сила. Ова е многу важно, особено ако сте болни“, рекол изворот за „Дејли мејл“.
Познато е дека кралот Чарлс се храни здраво, дека инсистира на органски произведена храна, а особено сака јајца. Тој пред три години за Би-би-си изјави дека два дена во неделата избегнува месо и риба, а во тие денови избегнува и млечни производи.
Том Паркер Боулс, критичар на храна, откри дека кралот има штедлив пристап кон подготовката на оброците.
„Сè се рециклира. Ако нешто остане, ќе се направи нешто друго или ќе се појави на менито следниот ден. Ништо не се фрла“, откри тој.
Во најновата книга за историјата на храната во кралското семејство тој открива дека мајка му, кралицата Камила, јаде каша секој ден, ручекот ѝ е лесен – пилешка супа или чаден лосос, а Чарлс за појадок јаде суво овошје и мед, а претпочита ручек попладне.
„Забавите со чај отсекогаш биле спектакл за нив. Сите се собираат, а на масата нема само колачи и слатки, туку и сендвичи. Можеби ќе добиете дури и поширани јајца“, откри Паркер Боулс.
Забава
Леонардо ди Каприо се одмора во Рим со својата 26-годишна девојка и со мајка му, носел маска во градот
Леонардо ди Каприо е фотографиран со девојката Виторија Серети во Рим.
Двојката се упати кон Италија откако Виторија направи неколку ревии на Модната недела во Париз. Фотографите ги фатија актерот и манекенката како се гушкаат по скалите, а потоа и на романтична вечера во еден од рестораните.
Леонардо и 26-годишната Виторија претходно во Рим ги виделе најголемите знаменитости. Актерот најчесто се шетал на улиците со маска за лице. Мајката на актерот, Ирмелин Инденбиркен, и очувот Дејвид Вард се одмораат со познатиот пар во Рим.
49-годишниот актер веќе некое време престојува во Италија. Многумина веруваат дека тој сака да избега од скандалот што ја тресе Америка.
Ди Каприо, всушност, се најде во фокусот на јавноста поради наводните снимки, кои откриваат дека се дружел со Диди. Се дозна дека Ди Каприо бил омилен гостин на забавата на Диди. Во клип од 2018 година, кој неодамна беше повторно објавен, „Вог“ го праша Диди кој е број еден на неговата листа на гости за неговите „бели забави“. Тој одговори: „Леонардо ди Каприо“.
Објавени се и фотографии од „белата забава“ во 1998 година, на кои актерот се смее и пуши. Сепак, извор близок до Ди Каприо вели дека актерот со години не бил во контакт со Диди, иако има докази дека двајцата заедно присуствувале на Демократската национална конвенција на 29 јули 2004 година и дека актерот бил на забавата на Диди за 50. роденден.