Забава
Почина Сиси Хјустон, добитничка на „Греми“ и мајка на Витни Хјустон
Сиси Хјустон, добитничка на „Греми“ и мајка на покојната Витни Хјустон, почина на 91-годишна возраст.
„Со тага објавувам дека денес почина мојата сакана кралица Сиси Хјустон! Молете се за семејството Хјустон“, напиша снаа ѝ Пет Хјустон на „Инстаграм“.
View this post on Instagram
Сиси Хјустон е родена како Емили Дринкард на 30 септември 1933 година во Њуарк. Таа пораснала во музичко семејство и ја почнала својата кариера пеејќи во црковниот хор, а подоцна и како член на евангелската група Drinkard Singers, основана од нејзината постара сестра Ли.
Нејзиниот продорен глас и талент бргу го привлекоа вниманието и таа стана баран придружен вокал во музичкиот свет. Во текот на 60-тите таа се приклучи на групата Sweet Inspirations, придружна вокална група, која соработуваше со легенди како Арета Френклин и Елвис Присли. Со текот на годините Сиси Хјустон работеше со многу музички великани, вклучувајќи ја Дион Ворвик, нејзината внука, потоа Отис Рединг, Џими Хендрикс и многу други.
Како соло изведувач Хјустон издаде неколку албуми и се истакна со хитовите како Think It Over и Warning – Danger. Таа ја освои наградата „Греми“ за најдобар госпел-настап во 1996 година потврдувајќи го својот статус во музичката индустрија. Нејзината кариера остана во сенка на трагични приватни настани, особено поради прераната смрт на ќерка ѝ Витни Хјустон.
Сиси напиша мемоари, Remembering Whitney: My Story of Love, Loss, and the Night the Music Stopped, во кои ги сподели своите сеќавања за Витни, нивната семејна историја и нејзината перспектива за предизвиците низ кои поминале.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Хали Бери за поранешниот сопруг: Тврдеше дека е зависник од секс, тоа е глупост
Актерката Хали Бери сè уште не е подготвена да му прости на поранешниот сопруг Ерик Бенет, пишува „Пејџ сикс“. „Имав сопруг кој тврдеше дека е зависник од секс“, откри актерката во понеделникот за време на една епизода од поткастот Armchair Expert.
„Но, јас не верувам во тие глупости“, рече таа.
Иако актерката не го спомна името на Ерик за време на интервјуто, познато е дека во 2002 година отишол на рехабилитација поради зависност од секс.
Двојката се венча во 2001 година по двегодишна врска, но се раздели во 2003 година.
„Ерик и јас веќе некое време имаме брачни проблеми и се обидувавме да ги решиме работите заедно“, изјави тогаш Бери.
„Сепак, во овој момент чувствувам дека ни треба времето што ќе го поминеме одвоено за да ја преоцениме нашата врска. Ве молиме, почитувајте ја нашата приватност додека минуваме низ ова емотивно време“, додаде таа.
Во медиумите беше објавено дека Бенет ја изневерувал Бери за време на нивната врска поради неговата наводна зависност од секс. Сепак, Бенет, кој сега има 57 години, ги отфрли тврдењата во интервју во 2004 година.
„Јас не сум зависник од секс“, изјави тој за „Еј-би-си њуз“. „Јас сум човек што низ голем број емотивни настани, проблеми и предизвици направи навистина, навистина глупави и болни грешки“, додаде тој.
Инаку, Хали Бери минатата година се разведе и од актерот Оливие Мартинез.
Тие беа во брак од 2013 до 2015 година, кога објавија дека раскинуваат, но официјално се разведоа дури во август минатата година.
Забава
(Видео) Мараја Кери обвинета дека пеела на плејбек: „Тоа е болно очигледно“
Мараја Кери настапи на 50-тото доделување на Американските музички награди (AMA) во Лос Анџелес во неделата. Пејачката, која доби дури 10 награди АМА, на сцената ги изведе своите хитови, но не сите гледачи беа воодушевени.
Кери го отвори својот сет со Don’t Forget About Us од албумот The Emancipation of Mimi, кој беше објавен пред 20 години, а потоа го отпеа вториот сингл од албумот We Belong Together.
Меѓутоа, гледачите почнаа да пишуваат на Х дека пејачката пее на плејбек, а некои коментираа дека е очигледно оти не пее во живо.
„Тоа е болно очигледно секогаш кога пее на плејбек“, „Мразам што сега мора да пее на плејбек, нејзиниот глас во 80-тите беше посебен“ и „Јасно е дека не пееше во живо“, се дел од коментарите.
Забава
Тука се кога животот ќе се распадне: хороскопски знаци што секогаш имаат добри совети
Дали го имате тој посебен пријател кој е секогаш тука за вас, ве собира кога ќе се распаднете и ви го дава најдобриот совет? Да не е тоа Девица, Јарец или Рак? Ова се хороскопските знаци кои секогаш имаат добри совети
Каде би биле без пријател на кој секогаш му се обраќате за совет? Оваа личност одговара на вашите пораки во 2 часот по полноќ, ви се придружува на кафе дури и ако нема многу време и е тука за вас откако ќе се расплачете. Најдобро од се? Оваа личност секогаш има одличен совет.
Според Мишел Бел, астролог, оваа особина им припаѓа на одредени хороскопски знаци, особено оние во елементот земја и вода. Тие се одлични слушатели, немаат потреба да ја засенат вашата приказна со своја и затоа се феноменална поддршка.
Рак
Раковите веднаш можат да препознаат кога нешто не е во ред со некој пријател. Ако силно воздивнете или изгледате замислено за време на состанокот, тие брзо ќе ве прашаат што се случува. Како знак на длабоката емпатија што доаѓа со владеењето на Месечината, Раковите се секогаш подготвени да ги апсорбираат туѓите чувства. Нивната цел? Да ви помогне да си го олесните товарот. Овој знак длабоко ги чувствува работите, па разбираат како е кога ви треба рамо за плачење. Тие ќе ве поттикнат да се жалите колку што е потребно додека не се чувствувате подобро. Ракот ќе слуша без осудување, а потоа кога ќе дојде редот да зборуваат, магично ќе ги најдат совршените зборови за да се чувствувате видени и разбрани. Исто како вистински терапевт, тие исто така ве поттикнуваат да копате подлабоко за да дојдете до коренот на проблемот.
Девица
Ако барате животен совет, Девицата е вашата личност. Ова е пријателот кој има решение буквално за се. Можете да им пристапите со проблем и тие ќе имаат подготвен акционен план чекор по чекор. Како земјен знак ориентиран кон детали со кој владее Меркур, Девиците не само што ги средуваат своите животи, туку и животите на сите околу нив. Благодарение на нивните практични совети и нивната способност да ги разделат проблемите на податливи делови, тие стануваат „исцелители на групата“. Дали штотуку ја напуштивте работата? Дали прекинавте врска? Вашата пријателка Девица ќе ви каже точно што да правите понатаму. Нивната супермоќ е тоа што прават да се чувствувате како да можете да се справите со се“. Сепак, запомнете дека ако не ги правите работите како што велат или не преземете некоја иницијатива, тогаш нивната критика ќе ви падне на глава како чекан.
Јарец
Јарците имаат мирна енергија, што значи дека имаат се што е потребно за да ги решат несогласувањата во групен разговор. Тие ќе предложат секој да добие чаша вода или нешто за јадење пред да избие кавга, а тие ќе ја преземат одговорноста кога сите други ќе побегнат. Тие се и најдобри кога станува збор за давање деловни совети. Како земјен знак со кој владее Сатурн и почитува правила, тие се стабилни, сигурни и секогаш размислуваат 10 чекори понапред. Организираниот Јарец ќе ја израдува вашата пријателска група. Без разлика дали сте тажни, лути, под стрес или преоптоварени, Јарецот ќе ве охрабри да го оставите сето тоа, а потоа ќе ве принуди да се усогласите.