Спорт
Атлетико Мадрид за многу пари го смени името на стадионот
Фудбалскиот клуб Атлетико Мадрид го смени името на стадионот кој од среда ќе се вика „Ријад Ер Метрополитано“.
Името на истиот спонзор Атлетико од минатата сезона го носи на дресовите. Станува збор за саудиска авиокомпанија. Договорот е потпишан до 2033 година.
Ова е посебен момент за Атлетико, бидејќи клубот успеа да го добие најголемиот договор во својата историја.
Атлетико во следните неколку години ќе заработи од 250 до 300 милиони евра.
Новиот стадион на Атлетико трет пат го менува името, откако се пресели од култниот „Висенте Калдерон“.
Првото име беше само Метрополитано, по стариот стадион кој беше пред ерата на „Висенте Калдерон“, на кое му беше додадено името на кинеската компанија „Ванда“, инаку малцински сопственик на клубот.
Минатата сезона името на стадионот беше „Сивитас Метрополитано“, компанија од Екстремадура. Договорот со Сивитас потпишан до 2032 година еднострано беше раскинат од Атлетико (кој не плати пенали за тоа).
Клубот набрзо влезе во преговори со саудиската авиокомпанија по што стадионот ќе го носи името во наредните години.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Вимблдон ги укина линиските судии
За прв пат по 147 години, линиските се ослободени од должноста на култниот тениски турнир.
Вимблдон најави дека од следното лето вештачката интелигенција или програмата наречена „автоматска електронска контрола на линиите“ ќе го преземе управувањето со натпреварите.
Тоа значи дека околу 300 линиски судии останаа без работа. Нивната дневница изнесува околу 180 фунти.
„Окото на соколот“, технологија која им овозможуваше на играчите да ги проверуваат одлуките на линиските суди,, како и на главниот судија, беше воведена на Вимблдон во 2007 година. Во меѓувреме, можностите се проширија, технологијата напредуваше, па Вимблдон реши целосно да го исклучи човечкиот фактор.
Сепак, се покажа дека компјутерот прави помалку грешки.
Спорт
ФА поведе постапка против Вејн Руни
Голманот на Ливерпул, Алисон Бекер ќе мора да мирува неколку недели. Бразиелцот беше заменет во второто полувреме од натпреварот против Кристал Палас.
Дополнителните прегледи потврдиле дека Алисон мора да отсуствува најмалку шест недели.
Фудбалската асоцијација на Англија (ФА) го обвини тренерот на Плимут, Вејн Руни за непримерно и насилничко однесување кон судиите и официјалните лица на натпреварот против Блекбурн, пренесува Би-би-си.
Руни беше исклучен во 87. минута од саботниот натпревар од деветтото коло на Чемпионшип против Блекбурн, откако протестираше сметајќи дека на израмнувачкиот гол на гостите му претходел фаул во напад.
Тој беше обвинет дека употребил навредлив јазик кон службено лице и дека неговото однесување по добивањето на црвениот картон било непримерно и/или насилно.
Тренерот на Плимут беше обвинет и за недолично однесување по враќањето на теренот по исклучувањето. Руни има рок до 15 октомври да одговори на обвиненијата.
Плимут го победи Блекбурн со гол со 90+7. минута. Тимот предводен од Руни е на 14. место во Чемпионшип со 11 бодови.
Спорт
Алисон ќе паузира шест недели
Ова е голем удар за тимот на Арне Слот, бидејќи по репрезентативната пауза Ливерпул има исклучително тежок распоред.
По репрезентативната пауза, Ливерпул го пречекува Челзи, потоа му гостува на Лајпциг во Лигата на шампионите и Арсенал во Премиер лигата. На крајот на октомври, Ливерпул ќе гостува и кај Брајтон во Лига купот, а потоа три дена подоцна го пречекува истиот ривал во Премиер лигата.
Пред ноемвриската репрезентативна пауза, Ливерпул ќе одигра два натпревара на „Енфилд“, против Баер Леверкузен и Астон Вила.
После тоа следува нова пауза од 10 до 24 ноември, па дури потоа се очекува враќање на Алисон.
Ливерпул седум натпревари ќе биде без својот прв голман.