Свет
Бурата Кирк ја погоди Шпанија, регионот Кантабрија најзагрозен
Невремето Кирк денеска ја погоди Шпанија, а северот на Пиринејскиот Полуостров беше особено погоден од ураганските ветрови, каде на планината Пикос де Европа беа измерени ветрови со брзина од 205 километри на час.
Шпанската метеоролошка агенција (Аемет) издаде црвено предупредување во Кантабрија, додека портокаловото ниво на тревога е активирано во регионите Астурија, Кастилја и Леон, Галиција, Навара, Баскија и Риоха поради дожд, ветрови, силни бранови и бури, пренесува шпански Ефе.
Портпаролот на Аемет, Рубен дел Кампо, предупреди дека се очекува ветерот да продолжи да претставува најголема опасност и во наредните часови, а прогнозите покажуваат дека утре попладне интензитетот на невремето ќе се намали до умерен, пренесува Танјуг.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
„Напишете го вашето име со маркер на раката“: Јавниот обвинител на Флорида до оние кои одбиваат да се евакуираат
Јавниот обвинител на Флорида, Ешли Муди, пред ураганот „Милтон“ рече дека „ако ви кажат да се евакуирате затоа што ќе ве погоди ураган и не можат точно да го предвидат бранот и ако сте во зона на евакуација, веројатно треба да го ставите вашето име со постојан маркер на вашата рака, за луѓето да знаат кој сте кога ќе ве најдат подоцна.”
Предупредувањето е едно од многуте на официјалните претставници на Флорида што ги издадоа за да ги охрабрат луѓето во зоните за евакуација веднаш да ги напуштат своите домови.
Ураганот „Милтон“, кој моментално е ураган од четврта категорија, се очекува вечерва да удри на западниот брег на Флорида.
„Ги повикав сите на патот на ураганот „Милтон“ да ги слушаат локалните власти и да ги следат безбедносните упатства, ако ви биде наредено да се евакуирате, веднаш треба да се евакуирате“, рече Бајден.
„Ова е прашање на живот и смрт – и ова не е претерување – ова е прашање на живот и смрт“, повтори американскиот претседател.
Свет
Зеленски во Дубровник: Ако Русија успееше да не освои, следната цел ќе беше Балканот
Украинскиот претседател Володимир Зеленски ги сумираше своите впечатоци од денешниот самит во Дубровник на Х.
„На самитот Украина – Југоисточна Европа ја истакнав важноста на стабилноста на Балканот. Како и во Источна Европа, она што се случува на Балканот одредува дали Европа ќе се соочи со војна. Затоа отпорот на Украина на руската инвазија е клучен за стабилноста од регионот. Ова е трет состанок во овој формат и благодарен сум за поддршката на Украина и нејзиниот народ, за гостопримството на земјите-учеснички на украинските ранети војници кои се опоравуваат во нивните земји, а особено за учеството во мировниот самит.
Сите овие земји навистина се обидуваат да ја завршат оваа војна на праведен начин. Ги цениме односите меѓу нашите народи кои не зајакнуваат и го прават светот постабилен. За жал, стабилноста станува редок ресурс. Затоа, секој извор на безбедност за луѓето и секој извор на вистински мир во меѓународните односи е скапоцен.
Ако Русија успееше да ја освои нашата земја и да ја загрози цела Источна Европа, нема сомнеж дека следниот регион што Москва би го користела за да ја дестабилизира Европа, би бил Балтикот или Балканот. Споделуваме заеднички интерес да се осигураме дека Русија нема сила да продолжи со својата агресија или да се меша во работите на другите народи“, напиша меѓу другото Володимир Зеленски.
Свет
(Видео) „Прашање на живот или смрт“: Бајден ги повика граѓаните да ги следат безбедносните упатства
Американскиот претседател Џо Бајден ги повика сите на патот на ураганот да ги следат безбедносните упатства, додавајќи дека се работи за живот или смрт.
Бајден вели дека неговиот тим направил се што може за да се подготви за ураганот „Милтон“.
Governor DeSantis and Mayor Castor – if you need any additional resources as we prepare for Hurricane Milton to make landfall, you give me a call.
We’re here for you as long as it takes. pic.twitter.com/FjjNftWWkg
— President Biden (@POTUS) October 9, 2024
„Сакам да објаснам нешто. Во последните неколку недели, неодговорно се шират дезинформации и отворени лаги за да ги вознемират луѓето. рече Бајден, одговарајќи на критиките дека не направил доволно за одбраната и безбедноста од ураганот.
Tornado footage from Clewiston, Florida, as Hurricane Milton approaches hours from landfall. pic.twitter.com/SLndb7EFP9
— AccuWeather (@accuweather) October 9, 2024
Тој се осврна и на изјавите на Трамп.
„Трамп го предводеше овој бран лаги. Изнесени се тврдења за одземање имот – тоа не е точно. Тие велат дека луѓето погодени од невремето ќе добијат 750 долари во готовина и ништо повеќе – тоа не е точно. Тие велат дека парите потребни за оваа криза се пренасочуваат кон мигрантите – што е смешно да се каже“, вели Бајден.
Бајден вели дека никој не треба да го наведува американскиот народ да се сомнева дали нивната влада ќе биде таму кога ќе удри ураганот.