Спорт
Зубименди го одбил Манчестер сити
Играчот на Реал Сосиедад Мартин Зубименди (25) ги отфрли гласините за преселба во Манчестер сити. Пред три дена англиските медиуми објавија дека Сити ќе ја активира откупната калузла во неговиот договор која изнесува 50 милиони евра. Пеп Гвардиола го означи Зубименди како идеална замена за Родри за кгоо оваа сезона е завршена, поради тешка повреда.
„Секогаш има гласини, но досега секогаш мислев дека е најдобро за мене да останам во Реал Сосиедад. Имам уште многу да му дадам на овој клуб , сè уште сакам да напредувам и да се развивам овде“.
Според добро упатени извори, Зубименди минатото лето ги одбил Баерн, Ливерпул и Арсенал.
Зубименди пд почетокот на кариерата е во баскискиот клуб каде што е клучен играч. Има одиграно 198 натпревари, постигнал девет гола и забележал седум асистенции. За шпанската репрезентација има 12 настапи.
„Трансфермаркт“ неговата вредност ја проценува на 50 милиони евра. Тој минатото лето го освои Европското првенство со Шпанија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Грчки репрезентативец пронајден мртов во својот дом
Фудбалерот на Панатинаикос и на грчката репрезентација Џорџ Балдок (31) вечерва бил пронајден мртов во базенот во својот дом во Атина, јавуваат грчките медиуми.
Балдок е пронајден под вода и немало начин да се спаси, пишуваат грчките медиуми, а деталите за трагедијата се уште не се познати.
Балдок летово се пресели во Атина откако стана играч на Панатинаикос. Роден е во градот Бакингем, Англија, каде го поминал целиот свој живот, а за грчката репрезентација почна да игра во 2022 година благодарение на неговата баба, која била Гркинка.
Фудбалската кариера ја започна во Милтон Кејнс Донс, потоа седум години минал во Шефилд Јунајтед, за кој забележа 83 настапи во Премиер лигата. За Грција играше 12 пати.
Спорт
Завршница за инфаркт – Пелистер за 60 секунди постигна три гола и освои бод против Спортинг
Фото/ EPA-EFE/GEORGI LICOVSKI
Еурофарм Пелистер вечерва стави крај на црната серија во Лигата на шампионите. Македонскиот шампион одигра нерешено со Спортинг Лисабон 24:24 (15:13) и ја прекина серијата од 17 порази.
Пелситер во најголемиот дел го контролирапе натпреварот, одржуваше предност од два гола, но во втората половина од второто полувреме избраниците на Бранислав Ангеловски влегоа во „црна дупка“.
Пелистерци водеа 21:19, а потоа следуваше период од речиси 13 минути во кој не постигнаа гол. Играчите на Спортинг го искористија тоа и со серија од пет гола, на истекот на 58.минута стекнаа предност 21:24.
Во последните две минути се случи чудо, најпрвин погоди Радивојевиќ, потоа и Борзаш. Спортинг го имаше последниот напад на 35 секунди до крајот, Салвадор направи пробивање, а Атанасијевиќ погоди за 24:24.
Борзаш, Радивојевиќ, Кузмановски, Пешевски постигнаа по пет гола за Пелистер, а на голот повторно блескаше Митревски со 10 интервенции.
Пелситер во наредната рунда ќе и гостува на Висла.
Спорт
Милевски и Барди: Македонија се прашува за првото место во групата
Извор/ ffm.mk
Фудбалската репрезентација на Македонија, утре ќе го одигра натпреварот од третото коло во Лигата на нации против Летонија. Во пресрет на натпреварот, во Рига, прес конференција одржаа селекторот Благоја Милевски и капитенот Енис Барди.
„Летонија има максимален респект од нас. Потенцирам дека Македонија ќе се прашува за првото место во групата.
Ќе ни недостасуваат Зајков и Серафимов, кои имаат картони, но и Чурлинов и Трајковски, кои се повредени. Сепак, сите кои се во комбинација за настап ќе одговорат на предизвикот и на тоа што се очекува од нив.
Размислувам за повеќе опции за стартниот тим, верувам дека сите останати ќе бидат здрави и ќе се стават во функција на тимот. Пред почетокот на натпреварот ќе одлучам со кои играчи ќе настапиме.
Македонија која јас ја замислувам секогаш ќе се стреми да игра на победа. Овие момци ја добиваат и ја заслужуваат целата почит. Без разлика дали играат во своите клубови или не, го даваат својот максумум кога играат за Македонија“, рече селекторот Милевски.
Капитенот Енис Барди го дели оптимизмот на селекторот во пресрет на утрешниот меч.
Барди беше дел од претходниот дуел на Македонија против Летонија во септември 2019 година во квалификациите за Европското првенство. Нашиот капитен постигна гол во победата од 2:0 во Рига.
„Како и секогаш, одговорноста е кај сите нас. Јас ќе го дадам својот максимум, па дај Боже да биде како пред пет години. Помина грипот, добро се чувствувам и максимално сум подготвен за настап.
Кога играте под притисок за докажување, секогаш вадите од себе максимален квалитет. Притисокот треба секогаш да го чувствуваме и треба да најдеме начин да го дадеме најдоброто од себе“.