Свет
Трамп ја одби поканата на „Фокс њуз“ да дебатира со Камала кон крајот на октомври
Поранешниот републикански претседател на САД, Доналд Трамп, вчера изјави дека нема да учествува на дебата со демократската потпретседател Камала Харис, неколку часа откако Фокс њуз ги покани двајцата претседателски кандидати на можна втора дебата на 24 или 27 октомври.
Трамп и Харис првпат се соочија во дебата на 10 септември, а Трамп рече дека нема да има друга дебата пред претседателските избори на 5 ноември.
Тој ја одби претходната покана на Си-ен-ен за дебатата на 23 октомври, која Харис ја прифати. Според анкетите, претседателската трка е тесна.
Фокс рече дека втората дебата „ќе му даде можност на секој кандидат да ги изнесе своите завршни аргументи“. Харис го избра гувернерот на Минесота Тим Волц за нејзин потпретседателски кандидат, а Трамп го избра американскиот сенатор Џеј-Ди Венс. Двајцата се соочија минатата недела.
„Нема да има повторна дебата. Значи, нема што да се дебатира“, напиша Трамп на својата платформа „Truth Social“.
Тој додаде дека е предоцна да се одржи дебата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Путин го разреши Анатоли Антонов од функцијата руски амбасадор во САД
Претседателот на Русија, Владимир Путин, со указ го разреши досегашниот амбасадор во Соединетите Американски Држави, Анатолиј Антонов, од таа позиција, како и од позицијата постојан набљудувач на Руската Федерација во Организацијата на американските држави.
Како што пренесе Интерфакс, претседателскиот декрет од 10 октомври е објавен на официјалниот интернет портал за правни информации.
Руското Министерство за надворешни работи минатата сабота соопшти дека Антонов ја завршил службата во Вашингтон. Дипломатот беше назначен за руски амбасадор во САД во август 2017 година.
Свет
(Видео) Беснеат торнада на Флорида, пет лица завршија во болница
На источната страна на Флорида, противпожарната служба на округот Палм Бич соопшти дека пет лица биле пренесени во болница откако опасното торнадо допрело во областа.
„Пожарникарите превезоа пет пациенти, меѓу кои тројца беа тешко повредени, а лекуваа уште многу пациенти со полесни повреди“, се вели во соопштението на Фејсбук.
„Нашите екипи на лице место пријавија дека се оштетени неколку куќи и возила, а шут е расфрлан низ целата област“, соопштија оттаму.
Свет
Во рускиот напад на Запорожје, најмалку две лица се ранети, уништени се куќи
Во рускиот напад на Запорожје утрово најмалку две лица се ранети, а приватни куќи се уништени, соопшти Иван Федоров, началникот на Воениот округ Запорожје.
„Засега се познати две жртви. Лекарите им помагаат. Подетални информации ќе бидат доставени подоцна“, рекол Федоров на Телеграм, пренесува Укринформ.
Агенцијата наведува дека околу 06:00 часот утринава силни експлозии одекнале во Запорожје.