Спорт
(Видео) Надал ја заврши кариерата
Шпанскиот тенисер Рафаел Надал објави дека се повлекува од тенисот.
„Поздрав до сите. Овде сум да ве информирам дека ставам крај на мојата професионална кариера. Реалноста е дека имав тешки години зад мене, особено тешки беа последните две.
Мислам дека не би можел да играм без ограничувања. Ова е секако тешка одлука, за која ми требаше малку време да ја донесам. Но, сè во животот има почеток и крај и мислам дека ова е вистинско време да се стави крај на кариерата која беше долга и многу поуспешна отколку што можев да замислам.
Многу сум возбуден што мојот последен турнир ќе биде финалето на Дејвис купот каде ќе ја претставувам мојата земја. Мислам дека го затворив кругот, бидејќи еден од првите успеси во кариерата беше играњето во финалето на Дејвис купот во Севилја во 2004 година.
Се чувствувам многу, многу среќен поради сите работи што ги доживеав. Сакам да се заблагодарам на целата тениска индустрија. На сите кои се дел од овој спорт, на сите мои колеги, особено на моите најголеми ривали. Поминав многу часови со нив и доживеав многу моменти кои ќе ги паметам до крајот на мојот живот“, изјави Шпанецот.
Легендарниот тенисер реши да стави крај на својата тениска кариера која изобилуваше со одлични резултати, што го вбројува меѓу најдобрите тенисери на сите времиња.
Mil gracias a todos
Many thanks to all
Merci beaucoup à tous
Grazie mille à tutti
谢谢大家
شكرا لكم جميعا
תודה לכולכם
Obrigado a todos
Vielen Dank euch allen
Tack alla
Хвала свима
Gràcies a tots pic.twitter.com/7yPRs7QrOi— Rafa Nadal (@RafaelNadal) October 10, 2024
Во текот на кариерата Надал освои 22. Грен слем титули, 14 од нив се на Ролан Гарос.
Освен во Париз, Надал има четири титули на Ју-ес опен, а две на Австралија опен и Вимблдон.
Шпанецот најголемите битки ги водеше со Новак Ѓоковиќ, против кого одигра најмногу гренд слем финалиња во кариерата, но често споменуваше дека Роџер Федерер му бил најголемиот ривал.
Неговите натпревари против Новак и Роџер ќе се паметат уште многу години, па јавноста со право ги нарече „големата тројка“.
Во кариерата вкупно освои 92 титули што го прави петтиот најуспешен тенисер во опен ерата.
Надал својот најдобар тенис го одигра во 2008 година, кога на 1 август стана тенисер број еден во светот.
Успешен беше и кога играше за шпанската репрезентација, бидејќи во 2008 година освои златен медал на Олимписките игри во Пекинг, на Игрите во Рио де Жанеиро осови злато во дубл. Четири пати со Шпанија го освои Дејвис купот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Махач го елиминира Алкараз на мастерсот во Шангај
Чехот Томаш Махач спречи полуфинале Синер-Алкараз на Мастерсот во Шангај. Махач, 33. на АТП листата, преку Алкараз избори пласман во своето прво мастерс полуфинале.
Чехот по еден час и 55 минути го победи Шпанецот со 7:6, 7:5.
Карлос Алкараз, како фаворит влезе во дуелот со махач, но како ретко кога во кариерата не можеше да го испрати темпото што го наметна неговиот противник.
Првиот сет Махач го реши во тај-бреј, а до брејк дојде на самиот почеток на вториот сет. Алкараз успеа да го врати брејкот во шестиот гем, но на крајот се испостави дека тоа беше само момент на слабост на Махач.
Чехот уште еднаш му го одзеде сервиост на противникот на 11. гем, а потоа без загубен поен го реализира својот сервиз гем за конечен триумф.
Противник на Махач, во сабота, ќе му биде Јаник Синер, кој лесно се справи со повредениот Медведев (6:1, 6:4).
Спорт
Тен Хаг бара лев бек, Чилвел е прва опција
Има многу дилеми што ќе се случува во Манчестер јунајтед, пред се на тренерската позиција, а „црвените ѓаволи“ го подготвуваат јануарскиот преоден рок во кој главна цел ќе биде ангажман на лев бек.
Ерик Тен Хаг долго време има проблеми на оваа позиција. Лук Шо има проблеми со повредите, Тајрел Маласија исто така има сериозни проблеми со повреденото колено, поради што на тимот под итно му е потребен лев бек.
Решение за проблемите ќе биде Бен Чилвел од Челси. Поранешниот англиски репрезентативец пред почетокот на сезоната беше известен од новиот менаџер, Енцо Мареска, дека нема да смета на него.
Екс играчот на Лестер одигра само еден натпревар досега, во Карабао купот. Тој нема забележано ниту еден настап во Премиер лигата и сосема е извесно дека зимава ќе го напушти „Стемфорд Бриџ“. Многу веројатно е дека негов сладна дестинација ќе биде „Олд Трафорд“.
Спорт
Раниери: Батистута е уникат, не можете Влаховиќ да го споредувате со него
Творецот на чудото со Лестер и еден од најомилените тренери на денешницата Клаудио Раниери замина во пензија по завршувањето на минатата сезона откако со Каљари успеа да обезбеди опстанок во Серија А.
Раниери во интервју за италијанските медиуми го коментираше Јувентус под водство на Тијаго Мота. Пензионираниот тренер го пофали она што Мота го прави во Јувентус, а потоа го коментираше и напаѓачот на тимот Душан Влаховиќ.
Раниери во еден период од кариерата му беше тренер на легендарниот Аргентинец, Габриел Омар Батистута. Побара од коментаорите, навивачите, аналитичарите да не го споредуваат Влаховиќ со Батистута.
„Душан е одличен центарфор, ми се допаѓа. Не разбирам зошто луѓето го доведуваат во прашање неговиот квалитет кога нема да постигне гол на два или три натпревари. Сите напаѓачи имаат таков период и тоа не е ништо чудно. Сепак, малку ми пречи кога го споредуваат со Батистута“, изјави Раниери и додаде.
„Не правете такви споредби. Батистута беше уникатен напаѓач, а јас дури и не знам дали можете да го споредите Халанд со Бати, а зборуваме за играч кој постигнал голем број на голови во Манчестер сити. Батистута беше посебен, а Влаховиќ сигурно не е на тоа ниво на кое беше тој иако е одличен напаѓач“.