Црна хроника
Тешко повреден тракторист, се судрил со „волво“ на магистралниот пат Радовиш – Струмица
Вчера во 18.30 часот во СВР Струмица било пријавено дека на магистралниот пат Радовиш – Струмица, во село Владевци, струмичко, се случила сообраќајна несреќа помеѓу трактор „ИМТ 53“ без регистраски ознаки, управуван од 61-годишниот В.С. од село Едрениково, општина Василево и патничко возило „волво“ со радовишки регистарски ознаки, управувано од 65-годишниот Н.Р. од село Покрајчево, радовишко.
Во несреќата со тешки телесни повреди се здобил возачот на тракторот, констатирани во Медицинскиот центар Струмица. Извршен бил увид од увидна екипа од СВР Струмица.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Исчезна малолетник од Кочани, можно е 16-годишникот да се наоѓа кај пријателка во Берово
Вчера во 13.30 часот во Полициската станица Кочани, 53-годишната В.Т. од Кочани пријавила дека од домот се оддалечил нејзиниот син, 16-годишниот М.Т. од Кочани, извести МВР.
Според пријавеното, можно е малолетникот да се наоѓа кај негова пријателка во Берово. Се преземаат мерки за пронаоѓање на лицето.
Црна хроника
Пожар во куќа во Кичево, нема повредени лица
Денеска во 00.35 часот во Полициската станица Кичево било пријавено дека на улицата „Јордан Пиперката“ во Кичево настанал пожар на затворен балконски простор на вториот кат од куќата сопственост на 69-годишниот Б.П. од Кичево.
Од екипа на Територијалната противпожарна единица Кичево пожарот бил изгаснат, а повредени лица нема, извести МВР.
Извршен бил увид од увидна екипа од ОВР Кичево.
Црна хроника
На Табановце уапсен 20-годишник од Полска, на увид дал фалсификуван пасош
Вчера во 17.20 часот на Граничен премин Табановце, полициски службеници го лишиле од слобода 20-годишниот Д.П.К. од Република Полска затоа што при пасошка контрола било констатирано дека на увид приложил фалсификувана патна исправа.
Тој бил предаден на полициски службеници од Одделението за прекуграничен криминал, миграции, странци и реадмисија Куманово за понатамошна постапка.