Спорт
Фудбалска Европа го крева гласот против ФИФА
Ненаситната потреба за стекнување финансиско богатство, под формулата „промоција на фудбалот“, ги турка луѓето задолжени за водење на овој спорт во планетарни рамки премногу често да започнуваат нови или да ги прошируваат постоечките натпреварувања. Кога ги планираат новите натпреварувања никој не се консултира со фудбалерите.
Фудбалска Европа го крева својот глас, на 14.октомври ќе биде поднесена официјална жалба против натпреварувачкиот календар на Меѓународната фудбалска федерација (ФИФА).
Целта на заедничката иницијатива на неколку европски фудбалски организации и лиги, асоцијации и сојузи на професионални играчи… е да се предупреди претседателот на ФИФА, Џани Инфантино за штетното влијание на зголемениот број на натпревари врз здравјето на фудбалерите.
„Притисокот врз ФИФА е тука и се чини дека се преземаат само првите чекори. Светското клупско првенство замислено од Инфантино, плус пресудата за случајот Ласана Диара која го става во ризик трансфер системот на ФИФА, конечно предизвикаа конфликт околу тоа како и на кој се управува со светскиот фудбал…“, стои во дел од објаснувањето на широк блок противници на печат на обврските на модерните робови во копачки.
И шпанска „Марка“ и медиумите низ Европа јавуваат дека во оваа прилика ќе се одржи конференција на работна тема „Заштита на здравјето на играчите и зачувување на одржливоста на националните лиги во Европа од навредливото однесување на ФИФА“.
Дека работата е сериозна покажува дека зад споменатата жалба стојат Ла Лига, Меѓународниот сојуз на професионални фудбалери (FIFPro), асоцијацијата на европски лиги, Премиер лигата… Дека се решени да истраат во своето барање покажува фактот дека истата жалба ќе биде поднесена и Европската комисија.
Premier League amongst group to lodge complaint against FIFA over fixture congestion, with the schedule having gone 'beyond saturation' https://t.co/tMf6ZhLz00
— Mail Sport (@MailSport) October 13, 2024
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Клоп сака да го донесе Гулер во РБ Лајпциг
Јирген Клоп од 1.јануари 2025 година ќе ја преземе функцијата фудбалски директор во мрежата на клубови Ред Бул, од кои секако најважен е оној од Германија, РБ Лајпциг.
Клоп ќе има важна улога во трансферите на овој клуб, а наводно веќе ја избрал првата мета.
Како што пишува „Defensa Central“, Клоп ќе се обиде да го донесе Арда Гулер, кој има мала минутажа во Реал Мадрид.
„Тој е многу добар, ќе го донесеме и ќе игра за нас, за една година ќе го продадеме за 100 милиони евра или повеќе“, изјави Клоп.
Гулер не игра многу откако во летото 2023 година се пресели во Реал Мадрид.
Во досегашниот дел од сезоната Гулер на теренот мина само 291 минута, што е доволен показател колку Анчелоти не го користи многу.
Спорт
Реал без Кампацо против Басконија
Кошаркарот на Реал Мадрид, Факундо Кампазо е казнет по натпреварот од првото коло во Евролигата. Непосредно пред натпреварот со Партизан казната му беше укината, но сега повторно е во сила.
По натпреварот помеѓу Реал и Баерн во првото коло од Евролигата, Факундо Кампацо доби суспензија од еден натпревар. Во тој момент тоа значеше дека Реал нема да може да смета на Кампацо на мечот од второто коло против Партизан во Мадрид .
„Кралскиот клуб“ поднесе жалба, која беше прифатена од Дисциплинската комисија, па Кампацо не играше само против црно-белите туку беше и еден од најважните играчи во првата победа на Реал во Евролигата сезонава.
И сега, се случи пресврт.
Одлуката за укинување на суспензијата на Кампацо дојде пред Комисијата за жалби, која ја врати првичната одлука.
Ова значи дека Аргентинецот е казнет со еден натпревар суспензија и нема да игра во третото коло од Евролигата.
Тој ќе ја одлежи суспензијата во вторник на гостувањето кај Реал во Басконија.
Спорт
Левандовски ја критикува тактиката на селекторот
Полската фудбалска репрезентација нема добар старт во Лигата на нации. Полјаците одиграа три натпревари и претрпеа два порази и ја победија Шкотска во групата во која се и Хрватска и Португалија.
Дека кризата не е само резултатска говори и изјавата на капитенот Роберт Левандовски, кој пред дуелот со Хрватите го нападна тренерот Михал Пробјеж.
Левандовски не беше задоволен од дуелот против Португалија, во кој Полска загуби со 3:1. И тој знае кој е виновен за тоа.
„Што ни недостасуваше против Португалија? Храброст. Имавме моменти кога се доближивме до шеснаесетникот, но не успеавме да го надиграме ривалот. Добив само една топка. Ништо повеќе. Стоевме премногу ниско. Знам дека против Португалија никогаш нема да одиме еден на еден по целиот терен и нема да можеме да играме рамноправно, но сепак… Моравме подобро“, изјави Левандовски по натпреварот и дополни.
„Мојата улога не е да се враќам во средината или дури и до одбраната за да ја добијам топката. Ова нема смисол“, додаде Лева, а неговата изјава ги крена на нозе сите фудбалски фанови во Полска.
Полска утре од 20.45 часот игра против Хрватска.