Спорт
Мбапе обвинет за силување?! Итно се огласи: Ова се лажни вести
Францускиот фудбалер Килијан Мбапе проговори за пишувањата во медиумите дека полицијата добила формална пријава за силување против него.
Шведскиот весник „Афтонбладет“ објави дека францускиот напаѓач е под истрага на полицијата.
Полицискиот извештај, наводно, бил поднесен во саботата, откако наводната жртва побарала лекарска помош.
„Експресен“ објави дека Мбапе во четвртокот вечерал во ресторанот „Чез Џоли“, а потоа со пријателите отишол во ноќен клуб во Стокхолм.
Извештаите наведуваат дека тој и неговите пријатели потоа се вратиле во хотелот Банк, каде што престојувал Мбапе.
Медиумите јавуваат дека полицијата го истражува наводното силување кое се случило таа вечер во хотелот.
Мбапе ја напушти земјата со приватен авион во петокот, пред да биде поднесена пријавата.
Во понеделникот полицијата отишла во хотелот во кој престојувал Мбапе, пишува „Афтонбладет“.
Обвинителот што ја води истрагата изјави за АФП дека истрагата е во тек. и во објава на социјалната мрежа „Х“, Мбапе се осврна на извештајот велејќи:
„ЛАЖНИ ВЕСТИ!!!! Станува толку предвидливо, непосредно пред рочиштето, случајно“.
FAKE NEWS !!!! ❌❌❌
Ça en devient tellement prévisible, veille d’audience comme par hasard 😉 https://t.co/nQN98mtyzR— Kylian Mbappé (@KMbappe) October 14, 2024
Фудбалерот на Реал Мадрид веројатно мислел на рочиштето во врска со неисплатените плати за кои тврди дека му должи неговиот поранешен клуб Пари Сен Жермен.
Мбапе тврди дека ПСЖ му должи 55 милиони евра (45 милиони фунти).
Фудбалерот во февруари требаше да добие бонус, како и неисплатени плати за седумгодишниот престој во Париз.
Сепак, ПСЖ одбива да плати, игнорирајќи ја пресудата на ЛФП, управното тело на фудбалот во Франција.
Портпаролката на полицијата Карина Скагерлинд зборуваше за наводната пријава за силување.
„Генерално, ако добиеме извештај и одлучиме да направиме интервјуа, и ако го објавиме јавно, инволвираните во случајот може да преземат дејствија што ја одложуваат и комплицираат истрагата“, рече таа.
Адвокатскиот тим на Мбапе потоа одговори со соопштение испратено до АФП.
„Денес на интернет почна да се шири нова клеветничка гласина од шведскиот медиум „Афтонбладет“. Овие обвинувања се целосно лажни и неодговорни, а нивното ширење е неприфатливо. За да се стави крај на ова методично уништување на имиџот на Килијан Мбапе ќе бидат преземени неопходни правни дејствија за утврдување на вистината и кривично гонење на сите луѓе или медиуми вклучени во моралното вознемирување и клеветничкиот третман што Килијан Мбапе го трпи одново и одново“.
Извор близок до Пари Сен Жермен изјави за АФП дека ќе ги „игнорира“ тврдењата на Мбапе дека постои поврзаност помеѓу извештаите во Шведска и неговиот спор околу платите со клубот.
Да потсетиме дека Мбапе моментално е повреден и не играше на натпреварите од Лигата на нации за Франција.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Новинар на „Евроспорт“ му испратил навредливи пораки на полскиот селектор
Полска и Хрватска од 20:45 часот на Националниот стадион во Варшава ќе одиграат натпревар од четвртото коло од групата А1 во Лигата на нации.
Хрватите во овој меч влегуваат како втори во групата со шест бода, додека Полјаците се на три бода, што значи дека според сегашниот поредок треба да одат во плеј-офот за опстанок во елитната дивизија во Лигата на нации.
Полскиот новинар Пјотр Квјатковски кој работи за „Еуроспорт“ е незадоволен од резултатите на репрезентацијата.
„Пржеглад Спортови“, откри дека Квјатковски му испратил навредливи пораки на полскиот селектор Михал Пробијеж (52) во 4 часот и 20 минути, ноќта по поразот на Полска од Португалија.
Полските медиуми ги објавија пораките што Квјатковски ги испрати до селекторот.
„Ретко со години функционираат луѓе кои се целосно несоодветни за одредена област, а вие сте апсолутно неподобни за тренер. Апсолутно не сте способни да бидете тренер“.
„Вашите прес-конференции се трагедија“.
„Ти си олицетворение на полскиот фудбал. Не си доволно добар, што никој не ви го кажал, но вие мислите дека сте доволно добар“.
Квјатковски се извини за своето однесување во изјава за „Пржеглад Спортови“: „Ме обземаа емоции по уште еден лош натпревар. Му се извинувам на селекторот и му посакувам многу среќа против Хрватска“.
Во септември 2023 година, Пробијеж ја презеде репрезентацијата на Полска, со која во 14 натпревари оствари седум победи, три нерешени и четири порази.
Претходно во кариерата раководеше со голем број полски клубови и со полската репрезентација до 21 година. Со Краковија и Јагелонија го освои Купот на Полска во 2010 и 2020 година, а со истите клубови го освои националниот Суперкуп во 2011 и 2021 година.
Спорт
Гвардиола демантира дека ќе биде селектор на Англија
Дел од англиските медиуми објавија дека по завршувањето на актуелната сезона тренерот на фудбалерите на Манчестер сити, Пеп Гвардиола ќе ја преземе англиската репрезентација.
„Дали ќе го напуштам Манчестер сити на крајот на сезоната? Се уште не сум се одлучил. Мојата иднина е отворена и немам точни одговори. Се е можно во фудбалот, но гледајќи од оваа перспектива можам да кажам дека нема да бидам следниот селектор на Англија“, рече 53-годишниот Гвардиола, со години еден од најдобрите светски стручњаци.
По завршувањето на Европското првенство, кое Англија го загуби од Шпанија, селекторската функција ја напушти Герет Саутгејт. На негово место дојде Ли Карсли, но само како вршител на должноста, до изборот на новиот селектор.
Англиската фудбалска асоцијација се обидува да најде долгорочно решение, планот е на клупата на националниот тим да седне реномирано тренерско има. Засега, според бројните извештаи моментално прв фаворит е Томас Тухел.
Актуелниот договор на Гвардиола со Манчестер сити истекува на крајот од оваа сезона, а според некои извори во текот на летото Англиската фудбалска асоцијација веќе му понудила работа на Шпанецот. Овие наводи не се потврдени.
Англија минатата сезона испадна од елитната Лига на нации и оваа сезона игра во Лига Б По четири кола е на второто место во својата група со девет бодови. Грција има три повеќе.
Гвардиола е тренер на Манчестер сити од 2016 година, а покрај доминацијата во англискиот фудбал, пред две сезони на клубот му ја донесе и премиерната титула во Лигата на шампионите. Претходно работеше во Барселона и Баерн.
Спорт
Четири европски великани го следат вундеркиндот на Црвена звезда
Европските медиуми не престануваат да пишуваат за Андрија Максимовиќ, младиот напаѓач на Црвена звезда. По добрите игри во дресот на српскиот шампион и неговото репрезентативно деби, момчето родено во Нови Пазар е блиску до преселба во некој од најдобрите клубови во светот.
„Скај Спортс“, открива кои клубови се заинтересирани за Максимовиќ.
„Борусија Дортмунд е насочена кон Андрија Максимовиќ, 17-годишен играч на Црвена звезда. Овој викенд стана најмладиот играч во историјата на српската сениорска репрезентација. Тој има договор со црвено-белите до 2027 година. Цена, најмалку 15 милиони евра. Засега нема конкретни понуди, само се испитува теренот за евентуалните преговори“, пренесува новинарот на „Скај Спортс“, Патрик Бергер.
Меѓу заинтересираните за Максимовиќ, според наши извори, се уште Јувентус, Манчестер сити и Ливерпул“, вели германскиот новинар.