Фудбалската репрезентација на Македонија од третиот шешир ќе ги чека противниците во кавлификациите за пласман на Светското првенство цо 2026 година, чии домаќини ќе бидат САД, Мексико и Канада. Ждрепката ќе се одржи на 13.декември во Цирих.

УЕФА го промени квалификацискиот систем, бидејќи Европа ќе обезбеди 16 претставници за следното Светско првенство. Затоа во квалификациите ќе има 12 групи, победниците ќе одат директно во САД, Мексико или Канада, додека сите второпласирани ќе играат плеј-оф со четирите најдобри селекции од Лигата на нации, од кои четири ќе изборат пласман на Мундијалот.

Шеширите за квалификациската ждрепка ќе бидат одредени кога ќе се одигра последниот натпревар од Лигата на нации.

Најдобрите осум репрезентации од А-дивизијата во Лигата на нации влегуваат во првиот шешир, заедно со четирите преостанати најдобро пласирани тимови на ФУФА листата. Многу генијален систем, па Англија сигурно ќе биде во првиот шешир, иако е во Лигата на нации во Б-дивизијата, со оглед на тоа што го зазема четвртото место на ФИФА листата.

Во пресрет на последниот циклус од Лигата на нации, 38 од 54 земји кои ќе играат во квалификациите веќе знаат во кој шешир ќе ја чекаат ждрепката.

Носители ќе бидат: Франција, Шпанија, Англија, Белгија, Холандија, Португалија, Италија, Германија и Хрватска.

Според проекцијата, најблиску до првиот шешир се Швајцарија, Данска (поради рангирањето на ФИФА) и Австрија.

Во вториот шешир сигурни се само четири репрезентации: Украина, Турција, Шведска и Велс.

Според проекцијата во вториот шешир ќе бидат: Унгарија, Србија, Полска, Грција, Словачка, Романија, Чешка и Норвешка.

Покрај Македонија сигурни во третиот шешир се: Република Ирска, Финска, Грузија, Албанија, Исланд, Северна Ирска и Црна Гора.

Проекцијата вели дека во третиот шешир ќе бидат и: Шкотска, Словенија, БиХ и Израел.

Четвртиот шешир е речиси завршен и тука се: Луксембург, Белорусија, Ерменија, Косово, Казахстан, Азербејџан, Естонија, Кипар, Летонија, Фарски Острови и Литванија. Има само едно слободно место, а прогнозите се дека ќе го пополни Бугарија.

И конечно во петтиот шешир се: Молдавија, Малта, Андора, Гибралтар, Лихтенштајн и Сан Марино.

Репрезентациите од А-дивизијата во Лигата на нации кои ќе се пласираат во четвртфиналето на натпреварувањето ќе учествуваат во квалификациските групи со четири екипи, додека другите групи ќе имаат по пет екипи.

Легендарниот фудбалер на Манчестер јунајтед, Ерик Кантона се огласи по повод случувањата во клубот.

Сер Алекс Фергусон веднаш по завршувањето на тренерската кариера остана во Манчестер јунајтед, стана глобален амбасадор на клубот, според кој добиваше над два милиони фунти годишно.

Во вторникот, косопственикот на клубот Сер Џим Ретклиф, директор на нафтената компанија Инеос, неформално го известил легендарниот 82-годишник дека повеќе нема да биде на платниот список, пишува „Атлетик“.
Причина за ваквиот потег е намалувањето на клупските трошоци.

Фергусон ги водеше „црвените ѓаволи“ од клупата од 1986 до 2013 година, освои 13 титули во Премиер лигата, пет ФА Купови и два трофеи во Лигата на шампионите.

Одлуката на Ретклиф предизвика многу реакции во јавноста, а Кантона беше најнемилосрден кон актуелната администрација.

„Сер Алекс Фергусон требаше да прави што сака во клубот до денот кога ќе умре. Толку малку почит. Скандалозно! Сер Алекс Фергусон ќе биде мојот шеф засекогаш! Би ги фрлил сите во една голема вреќа со г***а “, напиша Кантона.

Аргентина и Бразил забележаа убедливи победи во рамките на јужноамериканските квалификации за пласман на Светското првенство. Во 10.коло победи и Парагвај, а Уругвај ја продлабочи кризата откако не успеа да победи и на четвртиот натпревар во низа.

Аргентина и се реваншира на Боливија на противникот кој им го нанесе еден од најтешките порази во 2009 година, исто така во мундијалските квалификации. На „Монументал“ актуелните светски шампиони славеа со 6:0.

Во 2009 година во Ла Паз на надморска височина од 3.500 метри Боливија ја победи Аргентина со 6:1. Во меѓувреме, Аргентинците ја победија Боливија со 7:0 и 5:0, но во пријателски натпревари.

Овојпат беше поинаку во аргентинската престолнина, а херој беше Лионел Меси кој постигна хет-трик и сега е најдобар стрелец на квалификациите со вкупно шест гола. И тоа на 20-годишнината од дебито за националниот тим.

Асот на Интер Мајами ја затресе мрежата на Боливија во 19., 84. и 86. минута. Стрелци беа и Лаутаро Мартинез во 43. минута, Хулијан Алварез во третата минута од судиското надополнување во првото полувреме и Тиаго Алмада во 69. минута.

Бразил конечно успеа да забележи убедлива победа. Кариоките славеа против една од најслабите селекции, Перу со 4:0. Првите два гола ги постигна Рафиња. Играчот на Барселона два пати погоди од белата точка. Во последните 20 минути стрелци беа Переира и Луис Енрике.



Уругвај и Еквадор одиграа без голови, додека Парагвај ја победи Венецуела со 2:1.

Табела: