Спорт
За 76 дена Трент Александер-Арнолд потпишува за Реал

За точно 76 дена, односно 11 недели, Трент Александер-Арнолд (26) ќе може слободно да потпише за кој било клуб, а потоа, кога неговиот договор со Ливерпул дефинитивно ќе истече на 30 јуни следната година ќе оствари трансфер како слободен играч.
Не само поради фактот што „црвените“ сè уште не ја продолжија соработката со едно од заштитните лица на модерниот Ливерпул, момче кое низ Академијата се проби до првиот тим на менаџерот Јирген Клоп и стана незаменлив дел од неверојатна серија резултати, но и поради тешката повреда на Дани Карвахал, медиумите во Шпанија и Англија очекуваат дека Реал Мадрид нема да пропушти ваков „зицер“.
Александер-Анролд, момчето родено во Ливерпул, има 319 натпревари во црвениот дрес, 19 гола и 83 асистенции.
Тој неодамна најави заминување од „Енфилд“ велејќи дека „сигурно ќе игра за Ливерпул до крајот на договорот“.
Со оглед на тоа што не го продолжи, на 31 декември на полноќ и официјално ќе стане господар на својата судбина и слободен да избере нова средина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Сабаленка ја освои првата голема титула како број 1 на Мастерс 1000 во Мајами

Светскиот рекет број еден Арина Сабаленка ја освои титулата на Мастерс во Мајами, победувајќи ја домашната тенисерка, Џесика Пегула во два сета 7:5, 6:3.
За Белорусинката ова е 19. ВТА титула во кариерата, осма на Мастерс турнирите и прва во Мајами. Сепак, можеби најважно, ова е прва голема титула (Гранслем, Мастерс, ВТА финале) за Сабаленка како број 1. Оваа година таа играше две големи финалиња како број 1 во Мелбурн и Индијан Велс, но ги загуби и двете. Сега беше трета среќа.
Ова беше прва пресметка на двете тенисерки по финалето на УС Опен. Оттогаш Пегула одигра уште три финалиња и може да се каже дека го игра можеби тенисот во кариерата. Но, тоа не беше доволно за актуелната најдобра тенисерка на светот.
Спорт
(Видео) Меси му го посвети голот на Новак Ѓоковиќ

Лионел Меси беше стрелец за Мајами во победата од 2-1 над Филаделфија, а голот го прослави во тениски стил.
Меси беше надвор од терените од 16-ти март поради повреда, ги пропушти меѓународните натпревари со националниот тим, а веднаш по враќањето, тој покажа колку е решителен на теренот.
За многумина овојпат беше помалку важно како Меси го постигна голот, туку како го прослави. Инспирација му беше Новак Ѓоковиќ, со кого неодамна се сретна на турнир во Мајами, каде Новак стигна до финалето.
Lionel Messi dedicates his Goal to Djokovic by celebrating like Djokovic’s forehand shot!
— MC (@CrewsMat10) March 30, 2025
Потоа се сликаа, се дружеа, разговараа, а по голот против Филаделфија, Меси уште еднаш ја покажа својата наклонетост кон најдобриот на сите времиња – го прослави голот симулирајќи удар со форхенд.
Новак дефинитивно ќе биде среќен кога ќе види колкава почит има од оној што многумина го сметаат за најдобар фудбалер на сите времиња и како тоа му го покажува на целиот свет.
Голот на Меси против Филаделфија беше негов втор сезонава во МЛС лигата.
Спорт
Лудница на стартот и нова сприт победа на Марк Маркез

Марк Маркез продолжува да доминира во класата Мото ГП, а по спринтот на патеката Остин го има максималниот учинок во новата сезона, 5 од 5.
Маркез, победи на третата спринт трка од почетокот на сезоната, во која перфектно влезе бидејќи има и две победи во главните трки.
Спринт трката во САД имаше бурен старт, Бањаја успеа брзо да се пробие од шестата на лидерската позиција… Но Италијанецот не издржа долго во битката со браќата Маркез.
Набрзо се беше решено, борбата меѓу двајцата возачи на Дукати беше кратка, Марк го зазеде првото место, а зад него се најде неговиот помлад брат Алекс, па Бањаја мораше да се задоволи со третото место.
Фабио Ди Џанантонио се најде на четвртото место пред неговиот тимски колега Франко Морбидели.
Фабио Квартаро може да биде задоволен со шестата позиција, а зад него е Педро Акоста. Потоа следеа Лука Марини, Аи Огура и Марко Бецеки.
Главната трка се вози во недела од 21:00 часот.