Спорт
Јувентус без половина тим против Лацио
Тијаго Мота, на прес конференцијата пред натпреварот со Лацио, на новинарите им откри дека се соочува со големи проблеми. Мота не може да смета на шест фудбалери.
Јувентус во дербито ќе биде без суспендираниот Франсиско Консеисао, додека повредени се Теун Купмајнерс, Аркадиуш Милик, Глеисон Бремер, Нико Гонзалес и Вестон Мекени.
Од друга страна, Мота истакна дека ќе може да смета на двајца играчи кои до пред некој ден беа под знак прашалник, Тимоти Веа и Николо Фаџоли.
Двата тима имаат три бода помалку од водечкиот Наполи кој со 16 е лидер на табелата во Серија А.
Натпреварот започнува во 20.45 часот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Барса сакаше да ја измами УЕФА, сега мора да плати казна
Фудбалскиот клуб Барселона ќе мора да плати казна од 500.000 евра откако беше одбиена уште една жалба против пресудата на Европската фудбалска унија (УЕФА) дека клубот „намерно и свесно“ погрешно ги пријавил приходите во обид да се усогласат со финансиските правила во Европа.
Судот за спортска арбитража (CAS) во Лозана ја отфрли жалбата на Барселона и, во многу критичката одлука објавена во петокот, рече дека казната од 500.000 евра е „всушност мала“.
Случајот произлегува од начинот на кој Барселона се справи со финансиските извештаи на договорот што го обезбеди за продажба на процент од своите права за емитување во следните 25 години.
УЕФА соопшти дека извештајот е „неточен и неконзистентен“ со нејзините правила, кои имаат за цел да обезбедат одговорно трошење на европските фудбалски клубови.
Во 2022 година, Барселона обезбеди договори во вредност од 667,5 милиони евра за да продаде 25 отсто од својата идна заработка од емитувањето на шпанската фудбалска лига во следните 25 години.
УЕФА соопшти дека клубот потоа намерно погрешно пријавил еден од тие договори во своите финансиски извештаи и „ги преценил рентабилните резултати за 267 милиони евра“.
УЕФА соопшти дека Барселона „намерно и свесно“ доставила погрешни информации и дека однесувањето на клубот мора да се осуди.
Спорт
(Видео) Катаи се изедначи со Панчев и испиша историја во српската Суперлига
Црвена звезда го победи раднички Ниш со 5:1 во 12.коло во Суперлигата на Србија. Хет-трик за актуелниот шампион на Србија, во првото полувреме, постигна Лука Илиќ, а во вториот дел два гола постигна Александар Катаи.
Александар Катаи со овоие два гола дојде до бројката 104 во Суперлигата на Србија со што стана најдобар стрелец во историјата на натпреварувањето.
Вкупно во дресот на Црвена звезда, Катаи има постигнато 116 голови, со што се изедначи со Дарко Панчево на седмото место на клупската вечна листа.
Ова е втор мандат на Катаи во клубот од стадионот „Рајко Митиќ“.
Прво играше од 2014 до 2016 година, пред да се врати во клубот во 2020 година по епизодите во Алавес, Чикаго и ЛА Галакси.
Со Црвена звезда освои пет титули во Суперлигата и четири трофеи во Купот на Србија.
Спорт
Интер со „вајлд кард“ ќе настапи на клупскиот Мундијал
На светското клупско првенство кое ќе го организира ФИФА следната година, еден од учесниците, како што стојат работите, ќе биде Интер од Мајами, иако клубот со резултатите не избори пласман на клупскиот Мундијал.
Светското првенство за клубови следното лето ќе се игра во нов формат со дури 32 клуба. Во овој момент познати се 30 учесници, а се чекаат имињата на уште два клуба.
Еден од тие два клуба, речиси сигурно, ќе биде клубот за кој настапува првата ѕвезда на светскиот фудбал Лионел Меси, пишуваат странските медиуми.
Иако тимот од Флорида се уште го нема освоено првенството на САД, туку само го заврши регуларниот дел од сезоната во МЛС на првото место, ФИФА, според некои медиуми, веќе донела одлука да го повика Мајами на овој турнир.
Мајами ќе биде петтиот тим од зоната КОНКАКАФ на турнирот, заедно со Рајадос од Монтереј, Леон, Пачука (Мексико) и Сиетл Саундерс (САД).
Второто празно место ќе го пополни победникот на Копа Либертадорес за 2024 година.
Извесно е дека Мајами ќе добие специјална покана за натпреварувањето, тоа наскоро ќе биде и официјално, па љубителите на фудбалот ширум светот ќе имаат можност, покрај најголемите ѕвезди на светскиот фудбал, да го гледаат и Меси во акција на тлото на САД, каде се одржува Светското клупско првенство.
Сите познати учесници на Светското клупско првенство на ФИФА:
Централна и Северна Америка: Рајадос Монтереј, Леон, Пачука (Мексико), Сиетл Саундерс (САД).
Јужна Америка: Палмеирас, Фламенго, Флуминенсе (последен победник на Копа Либертадорес), Бока Јуниорс, Ривер Плата (историски пласман).
Европа: Челзи (победник на Лигата на шампионите 2021), Реал Мадрид (2022, 2024), Манчестер Сити (2023), Баерн, ПСЖ, Интер, Дортмунд, Порто, Атлетико Мадрид, Бенфика, Јувентус, Салцбург.
Азија: Ал Хилал (Саудиска Арабија), Урава Ред Дајмондс (Јапонија), Улсан (Јужна Кореја) и Ал Аин (победник на Азиската Лига на шампиони во 2024 година).