Свет
(Фото+видео) Цела Куба остана без струја, десет милиони луѓе во мрак
Целиот остров Куба вчера остана без струја, оставајќи десет милиони жители во мрак, соопшти Министерството за енергетика и рударство на земјата.
Министерството објави на платформата Х во попладневните часови дека „националниот систем за електрична енергија бил целосно исклучен во 11:00 часот откако откажала една од главните централи на островот“, објави „Њузвик“.
❗️⚡️🇨🇺 – The blackout in Cuba left 10 million people without electricity after a power plant failed, highlighting the fragility of the country's infrastructure.
The incident affected the entire island, highlighting the economic crisis the government faces to maintain essential… pic.twitter.com/xBRo2ooGXl
— 🔥🗞The Informant (@theinformant_x) October 19, 2024
„Системот остана без струја во целата земја“ по неочекуваното исклучување на електраната Антонио Гитерас, изјави за државната телевизија Лазаро Гуера, генерален директор за електрична енергија во Министерството за енергетика и рудници.
Кога термоцентралата се затвори, „системот пропадна“, рече тој, додавајќи дека владата работи на тоа што побрзо да ја врати услугата.
Во четвртокот, премиерот Мануел Мареро објави дека островот е во „вонредна состојба“, со сериозен недостиг на снабдување, оставајќи некои провинции без електрична енергија до 20 часот.
Владата во четвртокот ги прекина сите „несуштински“ активности на јавниот сектор за да им даде приоритет на куќите во снабдувањето со електрична енергија.
Куба ја добива својата енергија од осум термоелектрани, како и седум пловечки централи изнајмени од турски компании.
Оваа недела, кубанската влада, која се соочува со зголемен недостиг на енергија, повика на драконски мерки за заштеда на енергија, вклучително и повици многу работници да останат дома. Наставата во училиштата е откажана, ноќните клубови и рекреативните центри добија наредба да се затворат, а на нивните работни места треба да доаѓаат само „основните работници“.
Кубанските власти обвинија комбинација на настани за распадот на системот – од зголемени американски економски санкции, до прекини предизвикани од неодамнешните урагани и лошата состојба на инфраструктурата.
Во вчерашното телевизиско обраќање, кубанскиот премиер Мануел Мареро Круз рече дека голем дел од производството во земјата е запрено за да се избегне луѓето целосно да останат без електрична енергија.
Тој рече дека недостигот на гориво остави голем дел од Куба во мрак, но дека испораките по бродови во наредните денови ќе ја подобрат ситуацијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Нападната резиденцијата на Нетанјаху, се огласија сирените ширум Израел
Приватната резиденција на израелскиот премиер Бенјамин Нетанјаху во Цезареја била цел на напад со дрон утринава испратен од Либан, потврдија од неговиот кабинет.
Во кусото соопштение се наведува дека Нетанјаху и неговата сопруга Сара не биле дома во моментот на нападот и дека во инцидентот нема повредени.
Утринава беа соборени уште два дрона испратени од Либан, а сирените се огласија во областа Тел Авив, пишува Тајмс оф Израел.
BREAKING:
A Hezbollah launched drone flies directly above an Israeli helicopter.
This was an attempted strike on PM Netanyahu’s home in the Mediterranean town of Caesarea.
The PM and his wife were not there and there were no casualties in the incident. pic.twitter.com/2b1PZEHw8U
— Visegrád 24 (@visegrad24) October 19, 2024
На видеата на социјалните мрежи се гледаат голем број амбулантни возила и други услуги, додека пристапот до медиумите е забранет.
The first footage from the area where Netanyahu's house is located after Hezbollah kamikaze UAV attack in Caesarea.
The UAV flew 70 kilometers from Lebanon and directly hit a building in Caesarea.
Israeli police & ambulances are present. https://t.co/6XSYftKi0v pic.twitter.com/3czw4vqv0J
— Clash Report (@clashreport) October 19, 2024
New footage from Akka emerges of the drone that made direct impact on Netanyahu's home in "Caesarea" earlier today, evading all detection. pic.twitter.com/1bf4BknKkg
— 🇱🇧 (@leb313shihin) October 19, 2024
Канцеларијата на Нетанјаху не даде информации за локацијата на израелскиот премиер во моментот на нападот.
Регион
Силен земјотрес во Грција
Силен земјотрес со јачина од 4,9 степени според Рихтеровата скала го погоди Крит, јавува Европско-медитеранскиот сеизмолошки центар.
Земјотресот е регистриран на 47 километри од градот Сити, на длабочина од 18 километри, во 8.31 часот.
Да потсетиме, завчера имаше земјотрес со јачина од 4,2 степени според Рихтеровата скала кај брегот на Лефкада. Земјотресот се случил околу 00:40 часот во близина на западната страна на островот.
Тоа е дел од островот каде што има бројни популарни плажи и одморалишта.
Свет
Огромен пожар во Калифорнија: повеќе од 200 семејства мораа да се евакуираат
Стотици пожарникари се бореа со пожарот што ги принуди жителите на Оукленд, Калифорнија да се евакуираат.
Пожарот, кој се прошири на површина од околу пет хектари, избувна вчера поради екстремно суви и ветровити услови, пренесе ABC News.
Според шефот на пожарникарите на градот, Дејмон Ковингтон, најмалку две згради биле оштетени, но ниту една не била целосно уништена.
„Го спречивме ширењето на пожарот. Имаме уште многу работа, но сме во многу подобра ситуација отколку пред два часа“, рече Ковингтон на прес-конференција.
Во еден момент, повеќе од 200 домаќинства добија наредба да се евакуираат.
Пожарот избувнал околу 13 часот и 30 минути по локално време во областа на планината Келер и брзо почнал да се шири поради силниот ветер.
Причината за пожарот се уште не е позната.