Болидот на Ферари со кој Михаел Шумахер постигна голем успех е ставен на аукција и достигна екстремно висока цена.

Шумахер, кој седум пати ја освојуваше светската титула, исто како и Луис Хамилтон, беше возач на италијанскиот тим и со нив освои пет титули.

Болидот што Шумахер го возеше во неговата последна сезона за Ферари во 2006 година достигна неверојатна почетна цена од 11 милиони фунти.

Аукцијата се очекува официјално да започне на 14 ноември, а некои од најголемите колекционери во светот веќе се пријавиле за наддавање.

Инаку, Михаел Шумахер во таа минатата сезона победи на пет трки со ова возило.

Таа година го собори и рекордот на Аиртон Сена по бројот на пол-позиции (68), додека сегашниот рекорд е во сопственост на Луис Хамилтон (104).

Судот за спортска арбитража во Лозана ја одби жалбата на Барселона на казната изречена од УЕФА.

Станува збор за казна од 500.000 евра која Каталонците ќе треба да ја платат поради прекршување на правилата за Финансиски фер-плеј.

Барселона поднесе жалба во јануари, но судот сега ја отфрли жалбата.

УЕФА го казни шпанскиот клуб поради лажни извештаи за 2022 година.

Интересно е што во образложеното решение судот навел дека „во конкретните околности на овој случај глобата од 500.000 е блага“.

Исто така, се додава дека „помалата казна нема да биде доволно силна за да спречи голем клуб како Барселона намерно да пријави неточен извештај во иднина“.

Како и да е, пресудата дополнително ја усложнува финансиската состојба на клубот кој веќе подолго време е во тешкотии.

Голем инцидент ја обележа спринт трката на патеката „Филип Ајленд“ во Австралија. Во претпоследниот круг се судрија возачите на ВР46 и Априлија, Марко Бецеки и Маверик Вињалес.

Во моментот кога се случи страшниот инцидент, двајцата се бореа за петтата позиција, а беа блиску да го нападнат Франческо Бањаја (Дукати) кој беше пред нив.

Вињалес го престигна Бецеки на стартно-целната рамнина, но во првиот свиок Италијанецот направи голема грешка, веројатно мислеше дека неговиот ривал нема да кочи толку рано и се заби во мотоциклот на Вињалес.

Двајцата излетаа од патеката.

Победата во спринтот, прва на патеката „Филип Ајленд“, ја освои Хорхе Мартин од Прамак Дукати, пред Марк Маркез (Гресини Дукати) и Енеа Бастианини (Дукати).

Dari sini udah kelihatan kok kalau Marco Bezzecchi jadi korban jahatnya dirty air MotoGP saat ini.

Gak ada alasan skill ataupun gotong royong bantu sesama KTP, memang situasional dan jelas racing incident.pic.twitter.com/dC28P6teX9

— Lambe Resing (@LambeResing) October 19, 2024