Спорт
(Видео) Елмас доби шанса во Бундес лигата, Лајпциг победи во Мајнц
Македонскиот репреентативец Елиф Елмас во осмото коло ги одигра првите минути во Бундес лигата оваа сезона. Досега Елмас играше само неколку минути во Лигата на шампионите против Атлетико во Мадрид.
Лајпциг забележа сугурна победа во Мајнц. „Биковите“ победата ја обезбедија во првото полувреме со головите на Симонс во 20. и Орбан во 37.минута.
Елмас на теренот влезе во 73.минута на местото на Вермерен.
Актуелниот шампион Баер Леверкузен со пресврт успеа да слави над Ајнтрахт. „Фармацевтиците“ можеа да поведат во деветтата минута, но ударот од пенал на Бонифејс успеа да го скроти Трап, по што стигна казна на другата страна бидејќи Омар Мармуш го претвори ударот од белата точка во гол во 16. минута.
Девет минути подоцна Баер израмни преку Роберт Андрих. За промашениот пенал на најдобар начин се искупи Бонифејс, со победничкиот гол во 72. минута.
Попладнево победи од 4:1 забележаа Фрајбирг над Аугсбург и Хофенхајм над Бохум, а со 3:2 Борусија во Менхенгладбах го победи Хандејхам.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Автогол го реши дербито Јувентус-Лацио
Фудбалерите на Јувентус го победија Лацио со 1:0 во 8. коло од Серија А и се израмнија со Наполи на врвот на табелата, со меч повеќе од тимот на Антонио Конте.
Тимот од Торино победи со автогол на Шпанецот Марио Гила во 85. минута и на тој начин ја материјализира големата офанзива бидејќи повеќе од 60 минути играа со фудбалер повеќе на теренот.
Од 24. минута домашните играа со фудбалер повеќе отако беше исклучен Алесио Ромањоли поради фаулот што го направи врз Пјер Калулу како последен играч во одбраната.
И на овој натпревар Јувентус го оправда епитетот најдобра одбрана во овој момент, тимот на Мота прими само еден гол во осум натпревари во Серија А.
Спорт
Алкалоид го декласира Драгунас, на реваншот патува со предност од 11 гола
Фото/ rkalkaloid.mk
РК Алкалоид успешно стартуваше во ЕХФ Европскиот Куп. Вечерва во Автокоманда го декласираа литванскииот преставник Клаипеда Драгунас со 42:31.
Алкалоид првата посериозна предност ја стекна во финишот на првото полувреме кога со серија од 8:1 додјде до водство 17:10. На полувреме домашниот тим имаше предност од 18:12.
Во второто полувреме избраниците на Кире Лазаров одржуваа предност од шест до осум гола, во 52.минута имаа 35:25, на крајот славеа со 11 гола пред реваншот во Литванија.
Костески со 10 и Бинго со девет гола го предводеа Алкалоид, голманот Галевски имаше девет одбрани.
По натпреварот тренерот Лазаров истакна дека е горд од изданиетот на неговиот тим и посочи дека ист пристап неговите играчи треба да имаат и во реваншот.
„Уште мислам дека тие се многу опасен тим кој игра модерен ракомет. Нивниот тренер игра многу брз ракомет, но ние бевме подготвени за нив. Секако дека ќе сакаме да победиме и таму. Предноста е голема, на чекор до следното коло сме, но мора да бидеме претпазливи““, изјави Лазаров.
Спорт
МЗТ го победи Работнички, дербито во сенка на дивеењето на навивачките групи
Фото/ facebook.com/kkmztskopje
МЗТ го победи Работнички со 70:56 во градската пресметка, која ја обележа дивеењето на навивчките групи.
Првата четвртина го покажа реалниот однос на силите во овој момент. По две минути игра резултатот беше 6:6, а потоа започна серијата на МЗТ од 22:0. По 10 минути игра МЗТ водеше 28:8.
Во втората, по три минути игра при резултат 30:13, започна дивеењето на навивачките групи „Фемили“ и „Сити Парк Бојс“. На паркетот беа фрлени петарди и чадни бомби. Кошаркарите се повлекоа во соблекувалните, а делегатото донесе одлука да бидат испразнети трибините каде се наоѓаа оние што го прекинаа натпреварот.
Откако навивачките групи беа отстранети од салата „Кале“, по 85 минути пауза натпреварот продолжи.
Копривица го предводеше МЗТ со 15 поени, а Ѓуровски со 12 беше најефикасен кај Работнички.