Тренерот на Реал Мадрид, Карло Анчелоти е се поблиску до заминување од „Бернабеу“, откако загуби од Арсенал во првиот четвртфинален натпревар од Лигата на шампионите.

Како што објави „Газета дело Спорт“, дури и Реал да успее да ја надополни разликата, отказт ќе виси над главата на Анчелоти.

„Газета“ и „Република“ објавија дека се очекува италијанскиот тренер да остане на клупата до крајот на сезоната, а потоа да биде заменет од Чаби Алонсо.

Шпанските медиуми деновиве го критикуваа Анчелоти, за кој сметаат дека требало да интервенира во претходните два трансфер периоди, односно да бара засилување во одбраната, по заминувањето на Начо и повредите на Дани Карвахал и Едер Милитао.

„Газета“, пишува дека Анчелоти „не плаче“ како некои негови колеги, особено за трансфер политиката.

„Газета“ и „Република“ повторно објавија дека Анчелоти се уште има опција да ја преземе репрезентацијата на Бразил доколку го напушти Реал на крајот од сезоната.

Кошаркарите на Реал Мадрид го совладаа Партизан во Белград со 91:89 во 34. коло од Евролигата. Партизан ја заврши сезоната во Евролигата, а Реал со 20 победи и 14 порази е на петтото место.

Паризан во последниот меч сезонава во Евролигата пред своите навивачи ја имаше, но неколку грешки во финишот скапо го чинеа.

Најпрво Кампацо израмни за Реал, а потоа Љуљ погоди за водство на Реал (87:89), а на две секунди до крајот изедначи Карлик Џонс.

Се чинеше дека натпреварот оди во продолжение, но Чус Матео нацрта добра акција. Од аут Камапцо му додаде на Таварез, кој успеа да погоди.

Walter Tavares for the Win!

Real Madrid wins against Partizan Belgrade in a huge comeback from -10 in Last Quarter. pic.twitter.com/EzPYpcF9H3

— Matteo Andreani (@matty_vanpersie) April 10, 2025

Трите натпревари во Лига Европа, одиграни во терминот од 21 часот, завршија без победник. Лион и Манчестер Јунајтед ремизираа 2:2, немаше голови на натпреварот Ренџерс-Атлетик Билбао, а 1:1 заврши дуелот меѓу Тотенхем и Ајнтрахт.

Лион и Јунајтед пропуштија неколку добри шанси и можат да жалт што не победија и покрај тоа што домаќинот во последните моменти избегна пораз.

Холанѓанецот Џошуа Зиркзе беше златната резервна на Рубен Аморим и им донесе пресврт на „црвените ѓаволи“ со голот во 88.минута, но Рајан Шерки успеа да израмни буквално во последните секунди од мечот по уште една од серијата грешки на Андреа Онана.

Камерунецот лошо интервенираше и во 26.минута кога Алмада центрираше, а тој лошо го процени летото на топката, потоа и лошо реагираше, а топката заврши зад неговиот грб.

Изедначи Јунајтед со голот на Лени Јоро, негов прв во дресот на „црвените ѓаволи“, во петтата минута од надополнувањето на времетов о првиот дел.

Немаше победник и голови во Глазгов на дуелот меѓу Ренџерс и Атлетик Билбао.

Тешко е да се каже кој е позадоволен. Гостите сигурно жалат бидејќи шкотскиот тим имаше играч помалку во поголемиот дел од натпреварот, поради црвениот картон што го доби Робин Пропер во 13. минута.

Баскијците имаа шанса за победа, но голманот Лиам Кели го одбрани пеналот на Алекс Беренгер во 82. минута.

Интереен ќе биде и реваншот во Франкфурт, кога Ајнтрахт ќе го пречека Тотенхем, откако вечерва одиграа 1:1.

Германскиот тим до предност дојде со голот на Уго Екитике, по грешката на Џејмс Медисон на средината на теренот, но англискиот фудбалер 20 минути подоцна се извади со асистенција за Педро Пора за израмнување. Всушност, тоа беше мајсторија на Шпанецот, кој со петица го совлада голманот на Ајнтрахт.