Спорт
Ѓоковиќ во последниот меѓусебен меч го победи Надал
Новак Ѓоковиќ го победи Рафаел Надал во борбата за третото место на егзибицискиот турнир „Шест кралеви“. Српскиот тенисер славеше со 6:2, 7:6.
Овој дуел и покрај тоа што нема да влезе во официјалната статистика беше 60. меѓу легендите на светскиот тенис.
Првиот меѓусебен дуел Ѓоковиќ и Надал го одиграа пред 18 години на Ролан Гарос.
Судбината сакаше, Надал, последниот меч во кариерата надвор од Шпаноја да го одигра токум против Ѓоковиќ.
Се чинеше дека Надал нема да го добие заслуженото збогување. Новак направи брејк во првиот гем и му требаа само 31 минута за да го добие сетот.
За време на паузата меѓу двата сета, неговиот тренер Карлос Моја истакна дека Рафа е нервозен поради природата на овој меч и дека сигурно ќе биде подобар во вториот. И тоа се случи.
Ѓоковиќ направи брејк во првиот гем од вториот сет, Надал возврати во следниот. Ѓоковиќ потоа му го одзеде сервисот на противникот во деветтиот гем, сервираше за победа, имаше и меч топка, но Надал успеа да се врати и да избори тај-брејк.
Во 13. игра Новак брилијантно сервираше и го реши нивниот последен дуел во своја корист.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Норис со „помош“ на Расел до пол-позцијата во Тексас
Возачот на Мекларен, Ландо Норис ја освои пол-позицијата во пресрет на трката за Големата награда на САД. На патеката во Остин, Норис дојде до седмата пол-позиција во кариерата, шеста оваа сезона. Норис во борбата со Макес Ферстапен за првото место на стартото на трката доби „помош“ од Џорџ Расел, кој излета во последниот круг, во третиот сектор, поради што беа истакнати жолти знамиња и бепе означен крајот на квалификациите.
Ландо Норис, во првиот круг од последната квалификациска сесија забележа време (1:32.330), Фрстапен доцнеше за само 31 илјадити делови од секундата.
Вториот ред пред трката го освоија возачите на Ферари, Карлос Саинц јуниор и Шарл Леклер. Зад нив се Оскар Пјастри (Мекларен) и Џорџ Расел (Мерцедес), а во топ 10 се пласираа Пјер Гасли (Алпин), Фернандо Алонсо (Астон Мартин), Кевин Магнусен (Хас) и Серхио Перез (Ред Бул).
Ужасни квалификации имаше седумкратниот светски првак Луис Хамилтон. Стјуардите му го избришаа времето бидејќи во 12 свиок беше надвор од патеката и трката ќе ја започне во 19.место.
Големата награда на САД, в недела ќе се вози од 21 часот.
Спорт
Синер го освои егзибицискиот турнир во Ријад и заработи шест милиони долари
Италијанскиот тенисер Јаник Синер е победник на егзибицискиот турнир „Слемот на шест кралеви“.
Првиот светски рекет го совлада Карлос Алкараса во финалето во Ријад по пресврт со 2:1 (6:7, 6:3, 6:3).
Мечот со Шпанецот беше се освен егзибиција, бидејќи влогот беше голем. Дури шест милиони долари заработи победникот.
Можеби Синер можеше порано да ја заврши работата, доколку беше малку поконцентриран. Тој прв стигна до брејк во мечот и имаше големи 4:1, но Алкараз успеа да направи пресврт. На крајот Шпанецот в тај-брејк го освои првиот сет.
Во вториот сет повторно Синар прв направи брејк, а Алкараз возврати. Се чинеше дека уште еднаш ќе се повтори сценариото од првиот сет, но Синер не го дозволи тоа, уште еднаш му го одзеде сервисот на противникот и изедначи на 1:1.
Во решавачкиот сет двајцата влегоа претпазливо. Третиот сет целосно се разликуваше според интензитетото од првите два. Првиот брејк се случи во во осмиот гем. Го направи Синер и на тој начин стигна до клучна предност што не ја испушти. Алкараз со дупла сервис грешка му подари брејк. Лош начин да се реши судирот на лидерите на новата генерација.
Претходно Новак Ѓоковиќ го освои третото место со победата над Рафаел Надал со 6:3, 7:6.
Спорт
(Видео) Автогол го реши дербито Јувентус-Лацио
Фудбалерите на Јувентус го победија Лацио со 1:0 во 8. коло од Серија А и се израмнија со Наполи на врвот на табелата, со меч повеќе од тимот на Антонио Конте.
Тимот од Торино победи со автогол на Шпанецот Марио Гила во 85. минута и на тој начин ја материјализира големата офанзива бидејќи повеќе од 60 минути играа со фудбалер повеќе на теренот.
Од 24. минута домашните играа со фудбалер повеќе отако беше исклучен Алесио Ромањоли поради фаулот што го направи врз Пјер Калулу како последен играч во одбраната.
И на овој натпревар Јувентус го оправда епитетот најдобра одбрана во овој момент, тимот на Мота прими само еден гол во осум натпревари во Серија А.