Спорт
(Видео) Мајсторија на Серлот, Атлетико со пресврт го победи Леганес
Фудбалерите на Атлетико Мадрид го совладаа Леганес со резултат 3:1 (0:1) во натпреварот од 10. коло на шпанската Ла Лига. „Јорганџиите“ остварија победа со пресврт, откако до 69.минута губеа 0:1. на својот стадион „Ванда Метрополитано“ со пресврт, во обложувачкиот речник, „од двојка до кец“.
Атлетико се наметна на теренот од самиот почетокот на натпреварот. Домашните го контролираа поседот имаа неколку добри можности, а откако не успеаја да го совладаат Дмитровиќ пубиликата на „Метрополитано“ ја шокира Камерунецот Ајван Неју во 34.минута. Камерунецот постигна прекрасен гол од околку 16 метри испрати проектил во поблискиот агол.
Ситуацијата на теренот не се смени ниту во вториот дел. Атлетико напаѓаше, Леганес се бранеше и шанса бараше преку контранапади.
Резултатото го изедначи лександер Серлот во 69.минута. Норвежанецот брилијантно реагираше по додавањето од Витсел, со петица ја сврте топката во голот. Атлетико го комплетираше пресвртот во 81.минута, кога пожртвуваноста на Симеоне јуниор и неговата асистенција во гол ја претвори Гризман.
Во 88. минута Французинот доби директен црвен картон затоа што стартуваше со две нозе врз противнички играч, но ВАР ја промени одлуката во жолт картон.
Во 96. минута Серлот имаше шанса да стави точка на мечот, но прво Дмитровиќ одбрани, а потоа топката од гол-линијата го исфрли Настасиќ.
Но, во 99. минута сепак падна третиот гол, Серлот, поентирае по додавањето од Хулијан алварез.
Атлетико останува на третото место со 20 освоени бодови, додека Леганес е на 17. позиција со осум бодови.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Барселона „пукна“ петарда во мрежата на Севиља
Фудбалерите на Барселона без многу проблеми ја надиграа Севиља и ја совладаа со 5:1 (3:0) во претпоследниот натпревар од 10. коло на шпанската Ла Лига.
Ова е четврти пат оваа сезона Барселона да постигнува најмалку пет гола на еден натпревар.
Избраниците на Ханси Флик работата ја завршија во првите 40 минути од натпреварот, кога стекнаа предност од три гола.
Серијата ја започна Левандовски во 24.минута кога погоди од белата точка.
Само четири минути подоцна, Педри со удар од работ на шеснаесетникот ја заби топката под гредата и го удвои водството на домашните. Третиот гол постигна Левандовски овој пат од игра на асистенција на Рафиња.
Во вториот значително падна ритамот во играта, но во финишот беа постигнати уште три гола.
Најпрво во 82. минута Пабло Торе го постигна четвртиот гол за Барса, а во 87. минута Идумбо ја спаси честа на Севиља.
„Петардата“ на Каталонците ја комплетира, Пабло Торе со својот втор гол.
Барселона повторно е сама на челната позиција на табелата со 27 бодови, додека Севиља има само 12 и се наоѓа на 13. место.
Спорт
(Видео) Интер ја победи Рома – Лаутаро го реши дербито на „Олимпико“
Фудбалерите на Интер ја совладаа Рома на „Олимпико“ со 1:0 (0:0) во претпоследниот натпревар од 8. коло на италијанската Серија А.
Интер повторно одигра колку што треба и забележа уште една шампионска победа.
Рома, не успеа офанзивно да му одговори на актуелниот шампион на Италија, кој го реши мечот по еден час игра.
Победникот го реши Лаутаро Мартинез, кој со малку среќа го погоди голот на Рома. Римјаните потоа немаа одговор, а од поубедлив пораз ги спаси голманот Миле кој успеа да одбрани две добри шанси во кои се најде Дензел Дамфрис.
Интер е повторно втор на табелата, со 17 бодови, два помалку од лидерот Наполи и еден повеќе од Јувентус.
Рома остана на 10. позиција со исто толку освоени бодови.
Спорт
Леклер прв во Остин, Саинц втор, Расел со старт од пит-лејнот до шестото место
Ферари забележа „еден-два“ победа на трката за Големата награда на САД. Прв низ целта на патеката во Остин мина Шарл Леклер, втор Карлос Саинц јуниор. Место на пиедесталот обезбеди и бранителот на титулата Макс Ферстапен. Брлијантна трка во Тексас возеше и Џорџ Расел од Мерцедес, кој стартуваше од боксот, во текот на трката доби казна од пет секунди и на крајот заврши на шестото место.
Болидите на Ферари делуваа моќни и вчера во спринт трката, а вечерва тоа го покажаа и во главната трка. Веднаш на стартото во првиот свиок, Леклер кој стартуваше од четвртото место успеа да се пробие на чело на колоната.
Леклер ја искорисит борбата на стартот меѓу Норис, Ферстапен и Саинц. Од моментото кога ја презеде челната позиција, никој не можеше да го стигне возачот од Монте Карло. Неговиот колега Саинц, благодарение на тимската стратегија успеа низ боксот да го мине Ферстапен.
На крајот најинтересна беше борбата меѓу Ферстапен и Норис за третото место. Возачот на Мекларен на четири круга до крајот успеа да излезе пред Ферстапен, но стјуардите оценија дека претекнувањето било неправило, Норис доби казна од пет секунди, заврши четврти, зад Ферстапен, а пред тимскиот колега Оскар Пјастри.
Шести беше Расел, кој на два круга пред крајот го помина Серхио Перез од ред Бул. Бодови освоија и возачите на Хас, РБ и Вилијамс: Нико Хулкенберг, Лијам Лосон и Франко Колапинто.
Следната трка, 20. во сезоната се вози во Мексико.