Свет
(Видео) Хезболах ракетираше еден од најголемите градови во Израел, хаос на улиците
Либанското движење Хезболах објави дека денеска лансирало ракети кон Хаифа , главниот пристанишен град на северот на Израел, неколку часа по трите израелски напади врз јужните предградија на Бејрут.
The situation on the streets of the Israeli city of Haifa after a combined attack by Hezbollah missiles and drones pic.twitter.com/NNnvLWfuSm
— News Collection (@NewsArticleColl) October 20, 2024
Хелзболах, проиранско движење вклучено во отворена војна со Израел од 23 септември, рече дека неговите борци истрелале „волеј од ракети“ врз градот Хаифа, „како одговор“ на нападите врз предградијата на Бејрут.
#BREAKING
Seven Israelis injured in Haifa and Safed due to Hezbollah rocket strikes this morning.#Israel #Hezbollah #USA #GAZA #Iran pic.twitter.com/Y6Or4yMfFO— Warrior Weekly (@dzgamezkiller) October 20, 2024
Хаифа е трет по големина град во Израел, кој се наоѓа на северот на земјата, со население од околу 285.000 жители.
Пошироката градска област има речиси еден милион жители. Хаифа е светски центар на бахаизмот и комплексот на верскиот центар на оваа заедница е под заштита на УНЕСКО.
Градското пристаниште е најголемото пристаниште во Израел и се наоѓа на 90 километри северно од Тел Авив.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Катастрофа во Италија: патиштата претворени во реки, на сите жители им е наредено да не излегуваат од своите домови
Едно лице го загуби животот во поплавите кои зафатија големи области на италијанската провинција Емилија Ромања, вклучувајќи го и главниот град на покраината, градот Болоња, објави во неделата новинската агенција АНСА.
Во неделата, пожарникарите пронајдоа тело на 20-годишен маж, чиј автомобил беше однесен од реката Зена, откако ги проби насипите во областа Пјаноро, недалеку од Болоња.
❗️Soccorsi in atto a Borgo Panigale, vasti allagamenti nel quartiere ovest di Bologna.
Video di Claudia Calu Ma. Chiusa la Tangenziale Nord di Bologna e Viale Alcide de Gasperi. pic.twitter.com/DjyZwnXDXp
— Italia 24H Live 🔴 – Notizie dall'Italia (@Italia24HLive) October 20, 2024
– Речиси сите реки се под трет степен на тревога, откако обилните, поплави дождови предизвикаа ситуација полоша од онаа во мај 2023 година, кога загинаа 17 лица, а материјалната штета се искачи на неколку милијарди евра – изјави привремената гувернерка Ирене Приоло.
Болоња ја зафати лавина вода – ја опиша Приоло ситуацијата во тој град.
Според неа, 13 општини се во „критична ситуација“, вклучувајќи ги сите Болоња, Равена, Реџо Емилија и Модена, откако за само неколку часа паднале 175 мм дожд.
Критична е и состојбата на сите патишта на Апенините, планински синџир долг околу 1.200 километри, предупреди гувернерот.
Градот Багнокавало, недалеку од Равена, беше целосно евакуиран, а Приоло ги повика жителите во поплавената област да ги следат упатствата на градоначалникот и општинските власти и да бараат засолниште на горните катови на станбените згради.
#Maltempo #EmiliaRomagna, ricognizione aerea con l'elicottero sui comuni di Castenaso e Budrio, provincia di #Bologna, e su Cadelbosco di Sopra a #ReggioEmilia [#20ottobre 10:00] pic.twitter.com/OqpcZhz1QQ
— Vigili del Fuoco (@vigilidelfuoco) October 20, 2024
Гувернерот на Болоња, Матео Лепор, ги предупреди жителите на социјалните мрежи да не излегуваат или да користат автомобили.
Според извештаите, цела Италија, од север до југ, е нападната од невреме и обилни дождови, особено Сицилија, која претходно претрпе неколкумесечна суша.
Свет
Либиец уапсен во Берлин: планирал напад врз Амбасадата на Израел
Либиец е уапсен од германската полиција за наводно планирање напад врз израелската амбасада во Берлин со намера да употреби огнено оружје, соопштија обвинителите.
Во неговиот стан во берлинското предградие Бернау е уапсен маж осомничен дека е поврзан со терористичката група „Исламска држава“.
Весникот „Билд“ пишува дека овој човек влегол во Германија во ноември 2022 година, а барање за азил поднел во јануари следната година. Барањето било одбиено осум месеци подоцна, а човекот не се жалел на пресудата.
Иако нема општа блокада на депортации од Германија во Либија, враќањето на одбиените мигранти е попречено поради недостатокот на функционални државни структури во северноафриканската земја.
Федералните обвинители соопштија дека осомничениот, именуван како Омар А, ќе се појави пред Федералниот суд на правдата во Карлсруе подоцна во текот на денот. Дали тој ќе остане во притвор во текот на истрагата ќе одлучи судија.
Обвинителството објави дека либискиот државјанин имал намера да изврши „напад од висок профил со огнено оружје врз амбасадата на Израел во Берлин“.
Свет
САД истражуваат објавени документи во кои се тврди дека Израел планира да го нападне Иран
САД наскоро ќе го истражат протекувањето на високо доверливи разузнавачки документи кои ги опишуваат подготовките на Израел за одмазднички напад против Иран, изјави претседателот на Претставничкиот дом на САД, Мајк Џонсон.
Документите, датирани од 15 и 16 октомври, првично беа објавени во петокот на апликацијата за пораки Телеграм.
Тие се означени како „строго доверливо“ и имаат ознаки што покажуваат дека можат да ги видат само САД и другите членки на алијансата „Пет очи“ – Австралија, Канада, Нов Зеланд и Велика Британија, според Си-Ен-Ен.
Се чини дека документите ги опишуваат израелските воени подготовки за напад врз Иран.
Во еден од документите се наведува дека материјалот е составен од американската Национална геопросторна разузнавачка агенција (НГА).
Претседателот на Претставничкиот дом, републиканец, Мајк Џонсон, потврди за Си-Ен-Ен дека истрагата „е во тек и за тоа ќе бидам информиран за неколку часа“.
Пентагон соопшти дека ги истражува извештаите. Од НГА се уште не се изјасниле за случајот.
„Њујорк тајмс“ објави дека американските власти „се обидуваат да го утврдат изворот на истекувањето, што ги опишува воените вежби и распоредувањето на оружјето, и колку тоа може да биде штетно“.
„Документите, кои нудат интерпретација на сателитски снимки, даваат увид во потенцијалниот израелски напад врз Иран во наредните денови“, според Њујорк Тајмс.
Многу владини функционери и набљудувачи ширум светот рекоа дека очекуваат Израел да го нападне Иран како одмазда за иранскиот ракетен напад претходно овој месец – за што Техеран рече дека самото е одмазда за претходниот напад на Израел.
Официјални лица изјавија за „Њујорк тајмс“ дека документите не се сеопфатна проценка на она што Вашингтон го знае за плановите на Израел и го претставува само она што аналитичарите кои гледаат на сателитски снимки може да го утврдат.