Забава
Персоналот на хотелот под истрага, скрил дрога во кутија за сапун во собата на Лијам Пејн
Вработените во хотелот во Буенос Аирес каде што Лиам Пејн почина по пад од објектот, се под истрага под сомнение дека го снабдувале пејачот со тешки дроги во деновите пред неговата смрт.
Мажите се обвинети дека шверцувале разни наркотици во апартманот на пејачот во хотелот CasaSur во луксузниот кварт Палермо, пишува Дејли Мејл.
Се верува дека собар и уште еден член на персоналот ја сокриле дрогата во кутија за сапун, која детективите ја пронашле во собата на Лиам по неговата смрт. Се верува дека раководството на CasaSur било свесно за невообичаеното однесување на двајцата вработени и дека еден од вработените бил отпуштен.
Детективите ги испрашувале и вработените за нивната можна улога во смртта на пејачот.
„Во хотелот имало двајца мажи кои му доставувале дрога на Лиам“, открил близок пријател на Лиам Пејн.
„Праќаа такси да земат пакети за него. Еден од овие луѓе работеше во одделот за чистење. По смртта на Лиам, забележале дека такси било испратено на домашната адреса на вработениот. Менаџерот на хотелот го прашал зошто таксито отишло кај него, на неговата домашна адреса, а кога не можел да даде објаснување добил отказ“, додаде тој.
„Лиам правеше се за да остане чист, но штом стигна до хотелот, овие луѓе му понудија алкохол и дрога“, истакна пријателот на Лиам.
Да потсетиме дека полицијата во Буенос Аирес објави дека хотелската соба на Пејн била „во целосен хаос“ и дека бројни предмети „се скршени и расфрлани“. Во соопштението се наведува и дека шише виски, запалка и мобилен телефон биле пронајдени и во внатрешниот двор на хотелот, каде што било пронајдено телото на пејачот.
Лиам Пејн почина откако падна од третиот кат во хотел. Имаше 31 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Обожавателките ги пофалија фотографиите на Новак од Ријад, Јелена им порача: Девојки, смирете се
Новак Ѓоковиќ на „Инстаграм“ објави неколку фотографии од Саудиска Арабија, поточно од Ријад.
Објавата на тенисерот го привлече вниманието на обожавателите, кои во коментарите му напишаа дека можеби треба да се обиде во манекенството.
View this post on Instagram
„Сакам кога Новак позира како манекен“, „Леле, какви фотографии“, „Покрај сите трофеи, медали, победи, спортски дух, младешки изглед, нема сомнеж колку убаво ти прилега манекенскиот стил“, „Прекрасни фотографии“ , „Кој е овој манекен?“, „Јелена е навистина среќна жена“, продолжија коментарите.
И неговата сопруга Јелена ги забележа многуте реакции на објавата на Новак.
„Во ред, девојки, смирете се“, се пошегува таа. Нејзиниот коментар собра 2.500 „допаѓања“.
Забава
Скараните браќа од Oasis ќе имаат посебни гардероби за време на нивната заедничка турнеја
Членовите на Oasis, Ноел и Лиам Галагер, наводно ќе бидат разделени кога не се на сцената за време на нивната долгоочекувана турнеја во 2025 година, што значи дека ќе имаат посебни гардероби и ќе патуваат одделно, што не е невообичаено со оглед на нивните долгогодишни несогласувања и конфликти.
Лошиот однос меѓу раскараните браќа го достигна својот врв во 2009 година, откако Ноел (57) го напушти култниот бритпоп бенд по конфликтот зад сцената на концертот во Париз, а тој и Лиам (52) оттогаш се скарани, пишува Дејли Маил.
Но, иако успеаја да ги остават своите несогласувања настрана за да се вратат на сцената, браќата ќе имаат посебни соблекувални и превоз за турнејата во 2025 година за да избегнат потенцијален конфликт и последичен „ПР и финансиски кошмар“, објаснуваат нивните агенти.
„Тие ќе работат заедно за промотивниот дел од турнејата и на настапот, а освен тоа најчесто ќе бидат разделени. Секако дека ќе одржат заеднички проби, но атмосферата секако ќе биде наелектризирана“, изјави извор за Мирор.
Забава
Џенифер Лоренс е бремена и го чека своето второ дете
Џенифер Лоренс е бремена со своето второ дете, пренесува „Вог“. Таа беше снимена на вечера во Лос Анџелес, а трудничкиот стомак едвај ѝ се гледаше.
Актерката веќе го има двегодишниот син Сај со сопругот Кук Марони.
Двојката се венча во октомври 2019 година во замокот Белкур на Род Ајленд.