Спорт
Саудијците подготвиле отказ за Манчини
Италијанскиот селектор Роберто Манчини е пред отказ од селекторската функција на Саудиска Арабија.
Тамошните медиуми пишуваат дека е само прашање на време кога ќе дојде до официјален прекин на соработката меѓу Италијанците и Фудбалскиот сојуз на оваа арапска земја.
Ваквиот развој на ситуацијата дојде по неколкуте лоши резултати на тимот во квалификациите за СП, поради што e доведен во прашање и пласманот на селекцијата на најголемото натпреварување.
Саудијците се изедначени на второто место во квалификациската група со пет бода, колку што имаат Австралија и Бахреин. Лидер е Јапонија со десет бода.
Се уште ништо не е загубено, но челниците на Сојузот се загрижени поради фактот што тимот победи само еднаш во последните четири натпревари, па оттука, како што тврдат локалните медиуми веќе била донесена одлуката Манчини да добие отказ.
Како замени за Манчини се споменуваат Аргентинецот Рамон Дијаз и Французинот Ерве Ренар, кои наводно веќе биле контактирани.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Започнува новата 79. сезона во НБА, титулата ја бранат Бостон Селтикс
Со натпреварот помеѓу Бостон Селтикс и Њујорк Никс во ноќта меѓу вторник и среда започнува 79. сезона во кошаркарската НБА лига. Во вториот натпревар од четиричасовната вечер ќе играат Лос Анџелес Лејкерс и Минесота. Титулата ја бранат кошаркарите на Бостон, кои минатата сезона во финалната серија го победија Далас со 4:1.
Актуелните шампиони Бостон се најголемите фаворити за титулата. На Истокот конкуренти ќе им бидат Њујорк, Филаделфија и Милвоки. На Западот погледите се вперени кон Далас Маверикс на Лука Дончиќ, Денвер Нагетс на Никола Јокиќ, односно Оклахома сити Тандер, Феникс Санс и Минесота Тимбервулвс.
Прашање е што можат Голден стејт Вориорс и ЛА Лејкерс во чии редови летово пристигна синот на Леброн Џејмс, Брони.
Сезонава ќе се игра и НБА купот кој ќе се одржи од 12 ноември до 17 декември. Финалето на НБА Купот ќе се одигра на 17 декември во Лас Вегас.
Регуларниот дел од сезоната ќе заврши на 13 април следната година. Потоа следува плеј-ин турнирот кој ќе се игра од 15 до 18 април.
Плејофот во НБА лигата започнува на 19 април, а финалната серија започнува на 5 јуни 2025 година.
Од 14 до 16 февруари следната година во Сан Франциско ќе се одржи „Ол-стар“ викендот во НБА лигата.
Спорт
(Видео) Валенсија го „држи фенерот“ во Ла Лига, навивачите пред стадионот се судрија со полицијата
Валенсија, синоќа доживеа пораз од лас Палмас 2:3, во последниот натпревар од 10.коло во Ла Лига. Околу 43.000 гледачи на култниот стадион беа сведоци на уште еден тежок пораз на еден од најполупарните клубови во Шпанија, пораз кој го смести клубот на последното место на табелата.
На Валенсија уште пред почетокот на сеозната и се прогонозираше борбата за опстанок, но ниту најголемите песимисит не може да си замислат дека тимот ќе изгледа толку лошо во првите 10 кола.
Лас Палмас им беше шанса да победат, бидејќи овој тим немеше победа од 10 февруари, кога ја победија токму Валенсија. На крајот Лас Палмас ја прекина серијата од 23 натпревари без победа во Ла Лига.
¡En llamas! Siguen los incidentes en los alrededores de Mestalla. La policía trata de controlar la situación pic.twitter.com/GPh80pPOsT
— MARCA (@marca) October 21, 2024
По натпреварот, пред „Местаља“ избувнаа нереди. Илјадници навивачи на Валенсија се собраа пред натпреварот да го осудат владеењето на сопственикот Питер Лим, а по натпреварот останаа пред стадионот и на паркингот на клубот.
Револтираните навивачи потоа се упатија кон седиштето на клубот кое е на само неколку метри од стадионот. Незадоволните навивачи на Валенсија запалија се пред себе и се судрија со полицијата. Обичен протест прерасна во сериозен инцидент, а повредени се неколку навивачи и полицајци.
Навивачите на Валенсија се крајно незадоволни од сопственикот од Сингапур, Питер Лим (71), кој го презеде клубот во мај 2014 година, кога купи 70,4 отсто од акциите. Лим е сингапурски бизнис магнат кој бил брокер на акции и инвеститор на палмово масло. Сега приватниот инвеститор е фокусиран на здравството, градежниството, спортот и образованието.
Тој е рангиран на 23-то место на листата на Форбс на 50 најбогати луѓе од Сингапур и неговото богатство се проценува на 1,9 милијарди долари. Освен во Валенсија, Лим е акционер и во англиски Салфорд Сити.
Cargas policiales en Mestalla pic.twitter.com/3jPcm6bJkh
— Diego Pico (@D_pico_) October 21, 2024
Спорт
(Видео) Фудбалер остана без прсти по експлозија на петарда
Фабио Скијафино, фудбалер на белгискиот четвртолигаш КСЦТ Менен, останал без еден прст, а од уште два лекарите решиле да ампутираат делови. Несреќата се случила среде натпревар, кога Скијафино кога сакал да отстрани од теренот петарда која била фрлена од трибините.
Скијафино, на својот 26.роденден постигна два гола, неговиот тим победи со 4:0, но натпреварот нема да му остане во добро сеќавање.
Петардата фрлена на теренот, тој ја фатил со десната рака се обидел да ја исфрли надвор од границите на игралиштетот кога и се случи хорор сцената.
Инцидентот можете да го видите ТУКА.
Направата која му експлодирала во рака е петарда од типот Кобра 6, а белгиските медиуми јавуваат дека е забранета за продажба во земјата. На теренот ја фрлил 21-годишник, кој по натпреварот бил приведен од полицијата и против кого е поднесена пријава.
„Кога се исчисти чадот, видов дека ми недостасуваат делови од прстите“, рече Скијафино.