Спорт
Њујорк либерти ја освоијажж ВБНА – „Босанката“ Џонс МВП на финалето
Кошаркарите на Њујорк Либерти ја освоија титулата во ВНБА за 2024 година.
Њујорк Либерти го доби последниот, петти натпревар од финалето на ВНБА против Минесота Линкс на домашен терен со 67:62 по продолжение.
На тој начин, Либерти ја освоија својата прва ВНБА титула во историјата.
Најзаслужна за триумфот беше 30-годишната Јонкел Џонс, кошаркарка од Бахамите која од 2019 година има пасош на Босна и Херцеговина и неколку години ја претставуваа оваа репрезентација.
Џонс го заврши мечот со 17 поени и шест скока, а во финалната серија имаше 17,8 поени и 7,6 скока што и ја донесе престижната МВП награда. Покрај „Босанката“ Џонс се истакнаа Германките Фаибих и Сабали со 13 поени и седум скока, додека Стјуарт имаше 13 поени, 15 скока и четири асистенции.
На другата страна, Колиер имаше 22 поени и седум скока, а Мекбрајд имаше 21 поен и по пет скока и асистенции.
The trophy is right where it belongs for the 2024 WNBA CHAMPS @nyliberty 🏆 pic.twitter.com/iYGCWOxHji
— WNBA (@WNBA) October 21, 2024
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Јелена Ѓоковиќ: Новак е шампион на обичните луѓе, а не на богатите
Јелена Ѓоковиќ смета дека статусот на нејзиниот сопруг Новак меѓу обичните луѓе е далеку поважен од бројните титули најдобар тенисер во историјата на „белиот спорт“.
„Кога гледаме што се случува во светот, тенисот е толку мала призма на животот, но на луѓето им носи среќа, радост и надеж. Сакам да го гледам како шампион на обичниот човек, а не на богатиот, бидејќи тој е обичен човек кој потекнува од многу скромно семејство на работници и сонувачи. Патувајќи низ светот, гледате многу луѓе кои се инспирирани од неговата приказна, бидејќи и тие се слични на него“, изјави Јелена во опширното интервју за аргентинскиот „Насион“.
Таа нагласи дека тенисот е многу луксузен спорт кој речиси исклучиво се поврзува со богатите луѓе потсетувајќи на етимологијата на прекарот „бел“.
„Сепак, навивачите на Новак се нормални луѓе со нормална работа и не можат секогаш да си дозволат билети за неговите натпревари. Затоа, кога ќе одите по улица и ќе видите работници на градилиште или во која било гранка, тие викаат: „Еј, Новак!“ Сите го запираат. Мислам дека ти дава сила и енергија да продолжиш. Иако веќе има постигнато се, мислам дека најголема победа му е тоа што е народен шампион. Да… Тој е народен шампион“, подвлече Јелена Ѓоковиќ.
Новак освои 99 титули во сингл, од кои 24 Грен слем, 40 Мастерс, седум финалиња на АТП, а летово го додаде и олимпиското злато од Игрите во Париз.
Спорт
Гордон го продолжи договорот со Денвер – Ќе добие 133 милиони за четири години
Денвер Нагетс продолжуваат да го чуваат јадрото на тимот што на организацијата Колорадо и ја донесе единствената титула . По Никола Јокиќ, Мајкл Портер Јуниор и Џамал Мареј, нов договор доби и Арон Гордон.
Американските медиуми објавија дека Арон Гордон го продолжил договорот со Денвер на четири години, во кои ќе заработи 133 милиони долари.
Добрата вест за Нагетс е што договорот е структуриран така што тој ќе заработува помалку во првите две сезони (22,8 милиони долари) отколку во последните две сезони (37,1 милиони долари).
На тој начин, Денвер ќе заштеди околу 10 милиони и, можеби уште поважно, ќе овозможи финансиска флексибилност која е многу важна во светло на новиот колективен договор потпишан претходната година.
Минатата сезона Гордон имаше просек од 13,9 поени, 6,5 скока и 3,5 асистенции во дресот на Нагетс.
Гордон е добар пријател и со Никола Јокиќ, а многумина се сеќаваат на фотографиите од Сомбор кои беа снимени кога Американецот дојде во Србија во летото 2023 година да го посети својот соиграч.
Почнувајќи од следната сезона, Арон Гордон ќе го носи бројот 32 во Нагетс, наместо 50, кој го носеше низ целата кариера. На овој начин, крилниот центар ќе му оддаде почит на својот покоен постар брат Дру Гордон, кој загина во сообраќајна несреќа на почетокот на оваа година.
Спорт
Енгесан ја заврши репрезентативната кариера
Светскиот, европскиот и олимпискиот шампион со француската ракометна репрезентација Тимоти Енгесан (32) реши да стави кра на кариерата во националниот тим, соопшти Француската ракометна федерација.
Енгесан за прв пат играше за репрезентацијата на 7 јануари 2013 година против Аргентина.
Одигра 114 натпревари и постигна 255 голови.
Десниот бек кој со Франција стана европси шампион во 2024 година, олимписки во во 2021 година и светски во 2017 година, реши да и се постеви на клупската кариера. Енгесан е играч на Барселона, со Каталонците има договор до 2027 година.
„Беше одлично да се игра за францускиот тим. Имав можност да живеам сонот и да ги освојам сите титули. Искрено, беше величествено и тоа што го доживеав е неописливо”, изјави Енгесан.