Спорт
Сабаленка се врати на првото место на ВТА-листата
Арина Сабаленка се врати на првото место на ВТА листата. На најновата ВТА листа, тенисерката од Белорусија има само 41 поен повеќе од Ига Швјонтек.
Сабаленка дебитираше на првата позиција минатата година по Отвореното првенство на САД во септември. Таа ја задржа тениската круна околу два месеци, а потоа и ја одзеде Ига Швјонтек со победата на завршниот Мастерс во Канкун.
И сега се подготвува слична ситуација, бидејќи за првото место ќе решава завршниот Мастерс во Ријад, од 2 до 9 ноември.
Сабаленка моментално има 9.706 освоени бодови, Швјонтек е втората позиција со 9.665. Зад нив се Американките Коко Гоф (5.963) и Џесика Пегула (5.875), односно Елена Рибакина од Казахстан (5.471).
Шестата позиција на листата на најдобри светски тенисерки и припаѓа на Јасмин Паолини од Италија (5.144), на седмо место е Кинеската Џинвен Женг (4.480), Американката Ема Наваро е осма (3.698), Дарија Касаткина од Русија е на деветтото место (3.500), додека десеттата Беатриз Хадад Маја од Бразил (3.194).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ѓоковиќ се откажа од Париз – последен меч со Надал годинава?!
Српскиот тенисер Новак Ѓоковиќ нема да настапи на Мастерсот во Париз.
Како што пренесува „Спортклуб“, Ѓоковиќ ќе го нема во салата Берса во Париз во периодот од 28 октомври до 3 ноември за кога е закажан овој турнир.
Новак неодамна го освои третото место на егзибицискиот турнир „Слем на шесте кралеви“, каде по победата над Рафаел Надал изјави дека ќе одлучи дали и каде ќе игра до крајот на сезоната.
Одлуката по Ријад е дека нема да го гледаме во Париз, а во центарот на вниманието е и финалето на АТП во Торино. Во овој момент тој е поблиску до тоа да не настапи, отколку да се најде во најдобрите осум.
Доколку тоа се случи, следниот турнир на Новак би можел да биде Австралија опен, кој започнува на 12 јануари.
Спорт
Ливерпул ги започна преговорите со Ван Дајк
Тројца важни, играчи на Ливерпул имаат договори со клубот до крајот на сезоната. Станува збор за Вирџил ван Дајк, Трент Александер-Арнолд и Мохамед Салах. Клупските ченици конечно ( за навивачите на Ливерпул) се фатија за работа. Прво ги отворија преговорите со капитенот.
Ливерпул решија дека приоритет е прво да се договорат за продолжување на договорот со Ван Дајк.
Холанѓанецот е во клубот од јануари 2018 година и оттогаш Ливерпул ја освои Лигата на шампионите, Премиер лигата, ФА Купот и два Лига купа, заедно со европскиот Суперкуп, Комјунити Шилд и Светското клупско првенство.
Од моментот коа пристигна во клубот во само една сезона во Премиер лигата одигра помалку од 32 натпревари во една сезона.
– Преговорите почнаа, но не можам да кажам што ќе се случува во иднина. Во моментов размислувам само за Ливерпул, сакам да победувам и ништо друго“, изјави Ван Дијк.
Ливерпул моментално е прв во Премиер лигата, а во Лигата на шампионите има две победи од исто толку натпревари.
Спорт
Интер скапо ја плати победата над Рома
Интер ja продолжи серијата добри резултати во италијанскиот шампионат, но скапо ја плати синоќеѓната победа над Рома во Рим.
Актуелните шампиони во дербито на коло славеа со 1:0, со голот на Лаутаро Мартинез во 60.минута.
Натпреварот во Рим во првото полувреме го завршија поради повреди Хакан Чалханоглу и Франческо Ачерби.
Турскиот репрезентативец играше само 12 минути, а искусниот дефанзивец 27 минути.
Јасно е дека и двајцата ќе го пропуштат натпреварот од Лигата на шампионите против Јанг Бојс. Но, она што повеќе ги загрижува навивачите на Интер е дали ќе бидат подготвени за натпреварот против Јувентус викендов.
„Скај Спорт Италија“, тврди дека 90% овие двајца нема да можат да му помогнат на Интер во „Дербито на Италија“.
Моментално Интер и Јувентус се на второто и третото место на табелата.