Спорт
Саудијците ќе го убедуваат Зидан да го преземе националниот тим
Зинедин Зидан би можел да го замени селекторот на саудиската репрезентација, Италијанецот Роберто Манчини, објавија медиумите во Франција и Италија.
Според овие извор, Фудбалскиот сојуз на Саудиска Арабија ја разгледува можноста како да го „привлече“ Зидан во репрезентацијата на Саудиска Арабија, бидејќи со недели се шират гласини дека договорот на Манчини, кој е до јануари 2027 година, ќе биде скратен, пишува „Фигаро“, повикувајќи се на италијанскиот весник „Кориере дела Сера“.
Неодамнешниот пораз на Саудиска Арабија од Јапонија (0:2), проследен со ремито против Бахреин (0:0), во квалификациите за Светското првенство во 2026 година, ги натера челниците на Фудбалскиот сојуз на Саудиска Арабија да почнат да размислуваат да му врачат отказ на Манчини, кој беше исвиркан од навивачите на последниот натпревар.
Зидан, не работел никаде откако го напушти Реал Мадрид во 2021 година и операцијата да стане селектор на Саудиска Арабија ќе биде исклучително тешка.
Поранешниот фудбалер познат по прекарот Зизу учтиво ги одбива понудите и живее тивко надвор од светот на фудбалот, оцени Фигаро.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ѓоковиќ се откажа од Париз – последен меч со Надал годинава?!
Српскиот тенисер Новак Ѓоковиќ нема да настапи на Мастерсот во Париз.
Како што пренесува „Спортклуб“, Ѓоковиќ ќе го нема во салата Берса во Париз во периодот од 28 октомври до 3 ноември за кога е закажан овој турнир.
Новак неодамна го освои третото место на егзибицискиот турнир „Слем на шесте кралеви“, каде по победата над Рафаел Надал изјави дека ќе одлучи дали и каде ќе игра до крајот на сезоната.
Одлуката по Ријад е дека нема да го гледаме во Париз, а во центарот на вниманието е и финалето на АТП во Торино. Во овој момент тој е поблиску до тоа да не настапи, отколку да се најде во најдобрите осум.
Доколку тоа се случи, следниот турнир на Новак би можел да биде Австралија опен, кој започнува на 12 јануари.
Спорт
Ливерпул ги започна преговорите со Ван Дајк
Тројца важни, играчи на Ливерпул имаат договори со клубот до крајот на сезоната. Станува збор за Вирџил ван Дајк, Трент Александер-Арнолд и Мохамед Салах. Клупските ченици конечно ( за навивачите на Ливерпул) се фатија за работа. Прво ги отворија преговорите со капитенот.
Ливерпул решија дека приоритет е прво да се договорат за продолжување на договорот со Ван Дајк.
Холанѓанецот е во клубот од јануари 2018 година и оттогаш Ливерпул ја освои Лигата на шампионите, Премиер лигата, ФА Купот и два Лига купа, заедно со европскиот Суперкуп, Комјунити Шилд и Светското клупско првенство.
Од моментот коа пристигна во клубот во само една сезона во Премиер лигата одигра помалку од 32 натпревари во една сезона.
– Преговорите почнаа, но не можам да кажам што ќе се случува во иднина. Во моментов размислувам само за Ливерпул, сакам да победувам и ништо друго“, изјави Ван Дијк.
Ливерпул моментално е прв во Премиер лигата, а во Лигата на шампионите има две победи од исто толку натпревари.
Спорт
Интер скапо ја плати победата над Рома
Интер ja продолжи серијата добри резултати во италијанскиот шампионат, но скапо ја плати синоќеѓната победа над Рома во Рим.
Актуелните шампиони во дербито на коло славеа со 1:0, со голот на Лаутаро Мартинез во 60.минута.
Натпреварот во Рим во првото полувреме го завршија поради повреди Хакан Чалханоглу и Франческо Ачерби.
Турскиот репрезентативец играше само 12 минути, а искусниот дефанзивец 27 минути.
Јасно е дека и двајцата ќе го пропуштат натпреварот од Лигата на шампионите против Јанг Бојс. Но, она што повеќе ги загрижува навивачите на Интер е дали ќе бидат подготвени за натпреварот против Јувентус викендов.
„Скај Спорт Италија“, тврди дека 90% овие двајца нема да можат да му помогнат на Интер во „Дербито на Италија“.
Моментално Интер и Јувентус се на второто и третото место на табелата.