Забава
Џулија Робертс откри симпатичен детал од бракот: „Тоа беше добитна комбинација“

На овогодинешниот настан на рокенрол Куќата на славните, пред присутните се обратија многу познати ѕвезди. Една од нив беше актерката Џулија Робертс, која претстави еден од нејзините омилени бендови – Дејв Метјуз.
За време на нејзиниот говор, таа откри сладок детал за нејзиниот брак со сопругот Дени Модер, американски кинематографер кој има работено на филмови како Тајната во нивните очи, Мексиканецот и светулките во градината. Таа се присети на нивниот прв заеднички танц пред години и на посебната песна која свиреше во позадина.
„Првиот пат кога танцував со мојот сопруг беше на песна од бендот Дејв Метјуз. Тоа беше добитна комбинација за мене бидејќи бев маѓепсана и од мојот сопруг и од овој бенд”, изјави Џулија. Таа истакна дека долги години е голем фан на овој бенд и носеше маица со нивното име.
Таа изрази голема благодарност што имала можност да го претстави овој бенд на еден од најголемите музички настани и истакна дека верува дека Дејв Метјуз заслужува да биде дел од Рокенрол Куќата на славните.
Во еден момент, Дејв Метјуз и се придружи на сцената и и се заблагодари за убавите зборови и спомените кои ги сподели со публиката.
„Каква ноќ. Дејв Метјуз засекогаш“, напиша таа подоцна во објава на Инстаграм.
За потсетување, на овој настан се избираат рок музичари и рок бендови за кои се смета дека имаат големо влијание врз музиката од рок жанрот ширум светот.
Шер беше примена во Куќата на славните на настанот заедно со Ози Озборн, хип хоп ѕвездите Мери Џеј Блајџ и Кул и Ганг, рок-групите Foreigner и Дејв Метјуз, гитаристот роден во Бромли, Питер Фрамптон и соул пејачката Дион Ворвик.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
(Фото) Ќерката на Мајкл Џексон блеска со својата облека и убавина

Ќерката на славниот Мајкл Џексон, 27-годишната Парис Џексон, блесна на amfAR Гала вечерта во рамките на овогодинешниот Кански филмски фестивал, оставајќи многумина без зборови со својот изглед и стил.
Таа пристигна на престижната добротворна вечер во фустан кој ги истакнуваше нејзините витки нозе благодарение на смелите процепи на креацијата.
Креацијата е комбинација од материјали и различни дезени, и се чини како всушност да е направена од два дела. Првиот дел е бело боди, додека горниот дел е беж, целосно транспарентен во долниот дел и со светкав корсет, а највпечатлив дел е кројот на рамената што создава впечаток на крилја и дава драматичен ефект на целата креација.
Фустанот е проѕирен низ целата должина и овој аутфит потсетува на актуелниот тренд „без панталони“, па затоа повторно успеа да го привлече вниманието на сите.
Атрактивната Парис имаше лежерна фризура и суптилна шминка во природни тонови што го истакнуваа нејзиното убаво лице, а со оригиналната креација носеше беж сандали со високи потпетици.
Забава
(Фото) Бред Пит драстично го промени имиџот

Холивудската ѕвезда и миленик на милиони жени, Бред Пит (61), често го менувал својот имиџ низ годините, а најновиот го откри вчера додека уживаше во возење низ Лос Анџелес, кога беше забележан со нова фризура.
Познатиот добитник на Оскар често го прилагодуваше својот имиџ на партнерките со кои беше, а наместо подолгата коса по која беше познат во последните месеци, доаѓа голема, можеби најголемата промена која ги воодушеви сите негови обожаватели.
Always handsome 😍
Brad Pitt debuted a striking new look in Los Angeles this week,https://t.co/4bh8wh5dBY
Brad Pitt was spotted with a completely shaved head while driving in L.A., looking nearly unrecognizable pic.twitter.com/BYYYXeDCtO
— Beverly (@beverlyabcd) May 23, 2025
Бред Пит сега ја има најкратката фризура досега – дури е изненадувачки што решил да направи ваков чекор. Брадата ја задржа, но ја скрати.
Го видовме со кратка коса одамна, кон крајот на 1990-тите и почетокот на 2000-тите. Засега не е познато дали на тоа го убедила неговата нова девојка, швајцарската дизајнерка на накит Инес де Рамон, со која е во хармонична врска, или едноставно сакал драстична промена.
Забава
(Фото) Конечно си го „врати лицето“: и никогаш не изгледала поубаво

Новата сезона на „And Just Like That..“ е на повидок, а нејзините ѕвезди веќе почнаа да ја промовираат во Њујорк.
И кога сме веќе кај тоа, Кристин Дејвис, која ја игра донекаде срамежливата Шарлот Јорк, се појави на премиерата на третата сезона и сите беа шокирани кога го видоа нејзиното лице.
Актерката одлучи да носи тесна тоалета во „валкано“ бела боја за овој голем настан во Њујорк. Креацијата е потпишана од дизајнерката Рејчел Гилберт, а е украсена со цветни детали и монистра.
Својот стајлинг го надополни со дискретни додатоци и брановидна фризура што ѝ паѓаше преку рамената. Сепак, нејзиното лице со минимална количина шминка привлече најголемо внимание на јавноста.
Кристин успеала да го „врати лицето“ по бројните козметички процедури што ги имала во текот на изминатите неколку години.